ماتلی: ٹک ٹاک بنانے والے اہلکار معطل
اشاعت کی تاریخ: 25th, January 2025 GMT
ماتلی (نمائندہ جسارت) پولیس کے 2 اہلکاروں کو ٹک ٹاک پر یونیفارم میں وڈیو بنانا مہنگا پڑ گیا۔ تفصیلات کے مطابق پولیس کے حاضر ڈیوٹی اہلکار جاوید مگسی اور میر حسن کی دوران ڈیوٹی یونیفارم میں ٹک ٹاک پر وڈیو کا نوٹس لیتے ہوئے دونوں اہلکاروں کو ایس پی بدین نے معطل کرکے پولیس لائن میں رپورٹ کرنے کے احکامات جاری کر دیے۔
.ذریعہ: Jasarat News
پڑھیں:
’بلیک پرل‘ نامی گھوڑا پیانو بجا کر بچی کو ہوش میں لے آیا، سوشل میڈیا پر وڈیو وائرل
ایک چھوٹے گھوڑے کی ویڈیو نے انٹرنیٹ پر دھوم مچادی ہے، جس میں وہ اسپتال کے بستر کے قریب ایک بچی کو پیانو بجا کر ہوش میں لارہا ہے۔ یہ ویڈیو انسٹاگرام اور فیس بک پر لاکھوں بار دیکھی جا چکی ہے، اور صرف انسٹاگرام پر اسے 22 لاکھ سے زیادہ لائکس مل چکے ہیں۔
ویڈیو میں ’بلیک پرل‘ نامی یہ ننھا گھوڑا ایک پیانو پر اپنا منہ رگڑتا ہوا نظر آتا ہے، جب کہ ساتھ ہی ایک بچی سرجری کے بعد نیم بے ہوشی کی حالت میں آہستہ آہستہ ہوش میں آ رہی ہے۔
یہ گھوڑا ’منی تھراپی گھوڑا‘ نامی ایک غیر منافع بخش ادارے کا حصہ ہے جو کہ 2008 میں وکٹوریا نڈیف نیٹانیل نے قائم کیا تھا۔ یہ ادارہ چھوٹے گھوڑوں کو خصوصی تربیت دیتا ہے تاکہ وہ اسپتالوں، ایمرجنسی مراکز اور دیگر بحران کے مقامات پر مریضوں کو جذباتی سہارا فراہم کر سکیں۔
View this post on InstagramA post shared by Mini Therapy Horses (@minitherapyhorses)
یہ خاص منظر کیلیفورنیا کے شرائی نرز فار چلڈرن میڈیکل سینٹر’ کا ہے، جہاں یہ تھراپی ہارسز باقاعدگی سے بچوں کی عیادت کے لیے آتے ہیں۔ ان کا مقصد ہوتا ہے کہ بچے جب سرجری کے بعد ہوش میں آئیں تو ان کے خوف اور بےچینی کو کم کیا جا سکے۔
اس وڈیو کو جہاں بہت سے لوگوں نے دل کو چھو لینے والا قرار دیا، وہیں کچھ نے مذاق بھی بنایا۔ ایک صارف نے لکھا، ’اگر میں آنکھ کھولتا اور ایک گھوڑا پیانو بجا رہا ہوتا، تو میں سمجھتا کہ ابھی بھی نشے میں ہوں!‘
ایک اور صارف نے کہا، ’ذرا کمرہ 264 میں پیانو بجانے والا گھوڑا بھیج دو، بچہ دانت نکالنے کے بعد رو رہا ہے۔‘
تاہم کچھ افراد نے یہ بھی کہا کہ اگر وہ خود ایسی حالت میں بیدار ہوتے تو شاید ڈر جاتے۔ ایک کمنٹ میں کہا گیا، ’اگر یہ مجھے ہوش میں آتے ہی جگاتا، تو میں چیخ اٹھتا!‘
اکثر لوگوں نے منی تھراپی ہارس کی کوششوں کو سراہا اور کہا کہ یہ بچوں کی ذہنی صحت کے لیے ایک انوکھا اور مؤثر طریقہ ہے۔ یہ ادارہ پہلے بھی مشہور ٹی وی شوز اور میگزینز میں آ چکا ہے اور کئی بڑے حادثات جیسے لاس ویگاس فائرنگ اور ’وولسی فائر‘ کے بعد متاثرین کی مدد کے لیے بھی متحرک رہا ہے۔
Post Views: 2
را بلوچستان میں دہشت گردی کیسے کرواتی ہے؟ اہم انکشافات