سڑکوں کی تعمیر حکومت کی ترجیح ہے، عبدالجبار خان
اشاعت کی تاریخ: 26th, January 2025 GMT
حیدرآباد (اسٹاف رپورٹر) وزیراعلیٰ سندھ کے معاون خصوصی برائے خوراک و سابق ایم پی اے عبدالجبار خان نے ریلوے پھاٹک بدین چالی سے گجراتی پاڑے تک نئی سڑک کا افتتاح کیا۔ اس موقع پر وائس چیئرمین سچل سرمست ٹاؤن عبدالجبار جتوئی، سابق چیئرمی ٹائون کمیٹی ہوسڑی مرتضیٰ شورو، چیئرمین خانزادہ خان، وائس چیئرمین شاہد بھٹی، عاصم بھٹی، حنیف پنہور، علی نواز پنہور اور دیگر بھی موجود تھے۔ افتتاحی تقریب سے خطاب کرتے ہوئے عبدالجبار خان نے کہا کہ پیپلز پارٹی عوام کی سہولیات کے لیے ہر طرح کے اقدامات کررہی ہے، سڑکوں کی تعمیر صوبائی حکومت کی اولین ترجیح ہے، موجودہ صوبائی حکومت نے پورے سندھ میں سڑکوں کا جال بچھا دیا ہے، سائٹ ایریا جو ماضی میں مکمل طور پر نظرانداز کیا گیا لیکن اب یہاں کے شہری اور دیہی علاقوں میں یکساں طور پر تعمیراتی کام کیے جا رہے ہیں جن کا مقصد عوام کو زیادہ سے زیادہ سہولیات کی فراہمی ہے۔ انہوں نے کہا کہ پیپلز پارٹی جو عوامی جماعت ہے، اس کی قیادت نے ہمیشہ عوام کے لیے بیش بہا قربانیاں دی ہیں۔ انہوں نے کہا کہ جب بھی پیپلز پارٹی کی حکومت آئی سب سے زیادہ ترقیاتی کام کروا رہی ہے، آج سندھ میں تعلیم، صحت، روڈ اور انفرا اسٹرکچر کے حوالے سے پیپلز پارٹی دیگر جماعتوں سے آگے نظر آتی ہے۔
.ذریعہ: Jasarat News
کلیدی لفظ: پیپلز پارٹی
پڑھیں:
سندھ میں سیلاب متاثرین کے لیے گھروں کی تعمیر پوری دنیا کا سب سے بڑا منصوبہ ہے، شرجیل انعام میمن
سینیئر وزیر سندھ شرجیل انعام میمن نے کہا ہے کہ صوبے میں سیلاب متاثرین کے لیے گھروں کی تعمیر پوری دنیا کا سب سے بڑا منصوبہ ہے۔
حیدر آباد میں تقریب سے خطاب کرتے ہوئے انہوں نے کہا کہ پاکستان میں واحد صوبہ سندھ ہے جس کے نوجوان لیڈر بلاول نے برسات اور سیلاب متاثرین کی بحالی کے لیے وزیر اعلی کو ٹاسک دیا، یہ خواتین و مرد کیمپوں میں مقیم تھے کیونکہ ان کے سروں پر چھت نہیں تھی۔
شرجیل میمن نے کہا کہ بلاول نے تین بار وزیر اعلی سندھ کو کہا کہ مجھے ان کے لیے پکے گھر چاہییں، جس کے بعد وزیر اعلی نے گھر بنانے کے لیے ورلڈ بینک اور دیگر اداروں سے بات کی۔
ان کا کہنا تھا کہ بلا تفریق سروے کیا گیا، پیپلزپارٹی نے سیلاب متاثرین کو مفت میں گھر بناکر دیے، تمام متاثرہ خواتین کے بینک اکاونٹ کھولے گئے اور ترتیب وار پیسے فراہم کیے گئے، سیلاب متاثرین کے لیے گھروں کی تعمیر پوری دنیا کا سب سے بڑا منصوبہ ہے۔
سینئر صوبائی وزیر نے کہا کہ اس منصوبے کے تحت 21 لاکھ گھر بنائے جارہے ہیں، صرف گھر بناکر نہیں دے رہے، انہیں زمین کے مالکانہ حقوق بھی دے رہے ہیں، مالکانہ حقوق اس گھر کی سب سے بڑی خواتین کو دے رہے ہیں۔
ان کا کہنا تھا کہ جو پیپلزپارٹی نے عوام کے لیے کیا وہ کسی نے نہیں کیا، جس طرح شعبہ صحت میں کام کیا، اس کی پورے پاکستان میں مثال نہیں ملتی، اس بار ان لوگوں نے اپنے پختہ گھروں میں بارش کے مزے لیے۔
شرجیل میمن نے کہا کہ ہم ان گھروں کو مفت سولر سسٹم دیں گے، پہلے مرحلے میں دو لاکھ گھروں کو دیں گے، ان لوگوں کو میٹھا صاف پانی فراہم کرنے کے منصوبے پر بھی کام جاری ہے۔
علی گنڈاپور صادق و امین نہیں رہے، وزیراعلیٰ پختونخوا کیخلاف مقدمے کی درخواست