گورنر ہاؤس کے دونوں اسکولز ماڈل بنانا چاہتے ہیں: گورنر پنجاب
اشاعت کی تاریخ: 29th, January 2025 GMT
گورنر پنجاب سردار سلیم حیدر خان—فائل فوٹو
گورنر پنجاب سردار سلیم حیدر خان نے کہا ہے کہ گورنر ہاؤس کے دونوں اسکولوں کو ماڈل اسکول بنانا چاہتے ہیں۔
لاہور میں تقریب سے خطاب کرتے ہوئے سردار سلیم حیدر خان نے کہا کہ بچوں کی خوراک پر توجہ دی جائے گی تو ان کی صحت بہتر ہو گی۔
گورنر پنجاب نے کہا کہ بچوں کی نشو و نما کے اقدامات کے لیے حکومتی سرپرستی ضروری ہے۔
گورنر پنجاب سردار سلیم حیدر خان نے کہا ہے کہ پنجاب کے حکمران کسانوں کو مافیا کہہ رہے ہیں۔
سردار سلیم حیدر خان نے کہا کہ گورنر ہاؤس، پنجاب فوڈ اتھارٹی کے ساتھ ہے، ہر سہولت فراہم کریں گے۔
انہوں نے کہا کہ جنہوں نے گورنر ہاؤس کو یونیورسٹی بنانے کا دعویٰ کیا تھا وہ آج جیل میں ہیں، ضروری تو نہیں کہ گورنر ہاؤس کو ہی یونیورسٹی بنایا جائے۔
گورنر پنجاب نے یہ بھی کہا کہ وزیرِاعلیٰ پنجاب مریم نواز اچھا کام کریں گی تو ضرور تعریف کروں گا، ہم سسٹم بچانے کے لیےحکومت کے ساتھ ہیں، جہاں محسوس ہو گا، غلط ہو رہا ہے تنقید کریں گے۔
.ذریعہ: Jang News
پڑھیں:
وفاقی وزیرداخلہ اور گورنر پنجاب کی ملاقات، سیاسی اور ملکی صورتحال پر تبادلہ خیال
وفاقی وزیرداخلہ محسن نقوی اور گورنر پنجاب سردار سلیم حیدر کی ملاقات ہوئی جس میں باہمی دلچسپی کے اُمور، سیاسی اور ملکی صورتحال پر تبادلہ خیال کیا گیا۔
گورنر پنجاب نے جنوبی افریقہ کے خلاف ٹی ٹوئنٹی سیریز جیتنے پر مبارکباد دیتے ہوئے کہا کہ قومی ٹیم نے عمدہ کرکٹ کھیلی اور سیریز اپنے نام کی۔انہوں نے کہا کہ ملک کی ترقی اور استحکام کیلئے ملکر کام کرنا ہوگا۔
وزیر داخلہ کا کہنا تھا کہ پاکستان کی خاطر سب کو مثبت سوچ کے ساتھ ایک ہونا ہے۔اتحاد و اتفاق کی ضرورت جتنی آج ہے پہلے کبھی نہ تھی۔ قومی و عسکری قیادت نے اتحاد و یکجہتی کے ذریعے ہی ہر محاذ پر کامیابیاں سمیٹی ہیں۔
کراچی، نادرن بائی پاس پر پلاسٹک کے گودام میں آگ لگ گئی