جماعت اسلامی کا شکارپورمیں رہنمائوں پر مقدمات کی مذمت
اشاعت کی تاریخ: 30th, January 2025 GMT
کراچی(اسٹاف رپورٹر)سندھ میں بدامنی وڈاکوراج کے خلاف اور امن کی بحالی کے الیے ایس ایس پی آفس کے سامنے احتجاج اوردھرنا دیکر ان کا مطالبہ کرنے پرشکارپور پولیس نے جماعت اسلامی سندھ کے ڈپٹی جنرل سیکرٹری امداداللہ بجارانی ، امیرضلع عبدالسمیع بھٹی سمیت 150افراد پرکیس داخل کردیا۔ جماعت اسلامی سندھ کے ترجمان نے مقدمہ داخل کرنے کی سخت
مذمت کرتے ہوئے کہا ہے کہ ڈاکوئوں کی سہولت کارپولیس عوام کو امن دینے کے بجائے امن بحالی کے لیے پرامن احتجاج کرنے والے شہریوں پرمقدمات انتظامی نااہلی اورحکومتی بوکھلاہٹ ہے۔اس سے زیادہ شرمناک بات کیا ہوسکتی ہے کہ ایک طرف سانگھڑ میں 3 افراد کے قتل کے خلاف اوراپنے پیاروں کی ایف آئی آر داخل کرنے کے لیے متاثرین 4دن سے دھرنا دیے بیٹھے ہیں تو دوسری جانب امن کا مطالبہ کرنے والے شہریوں پرمقدمات داخل کرکے ہراساں کیا جارہاہے۔سندھ پولیس کو سسٹم اوران کو چلانے والوں کی غلام ،ان کے بنگلوں کی چوکیداری کے بجائے عوام کے جان ومال کی حفاظت کرنی چاہیے۔من گھڑت و جھوٹے مقدمات سے جماعت اسلامی کو ڈرایا دھمکایا نہیں جاسکتا ۔جماعت اسلامی ڈاکوراج بدامنی کے خاتمے اورسندھ میں قیام امن کے الیے پرامن وآئینی جدوجہد جاری رکھے گی۔بحالی امن ایکشن کمیٹی کے تحت 16فروری کو شکارپورانڈس ہائی وے اورببرلوبائی پاس پردھرنا دیاجائے گا۔
ذریعہ: Jasarat News
کلیدی لفظ: جماعت اسلامی
پڑھیں:
پی آئی بی ایف کا جماعت اسلامی کے قومی معاشی مکالمے کا خیر مقدم
data-id="863a0a8" data-element_type="widget" data-widget_type="theme-post-content.default">
251104-08-17
لاہور(نمائندہ جسارت)پاکستان انٹرنیشنل بزنس فورم (PIBF) نے جماعت اسلامی پاکستان کی جانب سے معیشت کی بحالی کے لیے قومی مکالمہ منعقد کرنے کے فیصلے کا زبردست خیر مقدم کیا ہے۔ یہ مکالمہ بعنوان ”Resolution of the Economy — Ending Poverty through Business Empowerment and Interest-Free Loans” یعنی’’معاشی استحکام کی قرارداد ، کاروباری خودمختاری اور بلا سود قرضوں کے ذریعے غربت کا خاتمہ‘‘22 اور 23 نومبر 2025 کو مینارِ پاکستان لاہور میں 3 روزہ اجتماع عام کے موقع پر منعقد کیا جائے گا۔پی آئی بی ایف کی قیادت محمد اعجاز تنویر، عبد الودود علوی، حافظ محمود اور الماس قاضی نے اپنے مشترکہ بیان میں کہا کہ جماعت اسلامی کا یہ اقدام بروقت اور قومی ضرورت کے عین مطابق ہے، جو ماہرین معیشت، ٹیکنوکریٹس اور پالیسی سازوں کو ایک پلیٹ فارم پر متحد کرنے کی سمت ایک مثبت قدم ہے۔ ان کا کہنا تھا کہ ملک اس وقت شدید معاشی بحران سے دوچار ہے، ایسے میں یہ قومی مکالمہ ایک متحدہ اور قابل عمل روڈ میپ (Roadmap) تشکیل دینے میں مدد دے گا۔فورم کے رہنماؤں نے کہا کہ کاروباری برادری ان تمام کوششوں کی بھرپور حمایت کرتی ہے جو ملک میں معاشی استحکام، خود انحصاری اور بلا سود مالیاتی نظام کے فروغ کا باعث بنیں۔ انہوں نے اعلان کیا کہ پی آئی بی ایف اس اجتماعی کاوش میں بھرپور شرکت اور تعاون فراہم کرے گا تاکہ ”Economic Resolution 2025” کے نام سے ایک جامع اور عوامی شمولیت پر مبنی معاشی لائحہ عمل تیار کیا جا سکے، جس کی روح پاکستان قرارداد 1940 سے متاثر ہے۔تاجر رہنماؤں نے جماعت اسلامی کی جانب سے نوجوانوں میں کاروباری رجحان، فنی تربیت اور آئی ٹی تعلیم کے فروغ کے لیے شروع کیے گئے ’’بنو قابل آئی ٹی پروگرام‘‘ کو بھی سراہا۔ پی آئی بی ایف کے مطابق یہ پروگرام نوجوانوں کو جدید مہارتوں سے آراستہ کرنے اور پاکستان کے انسانی سرمائے کو مضبوط بنانے کے لیے جماعت اسلامی کے نظریے اور فورم کے اپنے مشن سے ہم آہنگ ہے۔ انہوں نے امید ظاہر کی کہ یہ قومی معاشی مکالمہ پاکستان کی معیشت کو مضبوط، خود کفیل اور اخلاقی بنیادوں پر استوار کرنے کی ایک منظم قومی تحریک کا آغاز ثابت ہوگا۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف