’لاہور کراچی سے بہت بہتر ہے، اپنے بیان پر قائم ہوں‘ کراچی کے تاجر ڈٹ گئے
اشاعت کی تاریخ: 30th, January 2025 GMT
گزشتہ دنوں کراچی کے تاجر رہنماؤں کی وفاقی وزیر احسن اقبال سے گفتگو کے دوران وزیر اعلیٰ سندھ مراد علی شاہ کی وزیر اعلیٰ پنجاب مریم نواز سے تبدیلی کی بات پر اٹھنے والے سیاسی ہنگامے کی بازگشت ابھی تک جاری ہے۔
وی نیوز سے گفتگو میں تاجر رہنما عتیق میر کا کہنا تھا کہ وہ اپنی اس بات پر کہ ’مراد علی شاہ کو لے لو اور مریم نواز ہمیں دے دو‘ پر قائم ہیں، لیکن اس بات کا ایک پس منظر تھا جس میں یہ بات کہی گئی تھی۔
یہ بھی پڑھیں:کراچی کے تاجروں کو اگر مجھ سے مسئلہ ہے بات کریں، کہیں اور جاکر چغلی کرنے کی ضرورت نہیں، بلاول بھٹو
عتیق میر کے مطابق اس تقریب میں وفاقی وزیر احسن اقبال کے سامنے کراچی اور تاجروں کو درپیش مسائل کے تذکرے کے دوران صورتحال میں بہتری کا مطالبہ بھی کیا گیا۔
’اس موقع پر موجود لوگوں نے سندھ اور پنجاب کا تقابلی جائزہ بھی کیا، اسی دوران ازراہ تفنن میں نے یہ کہا کہ پھر اس طرح کریں کہ کچھ دنوں کے لیے مریم نواز ہمیں دے دیں اور مراد علی شاہ آپ لے لیں۔‘
حکومتوں کے جھوٹے وعدے نفرت پھیلاتے ہیںعتیق میر کا کہنا تھا کہ اس بات کو جہاں پیپلزپارٹی اور سندھ حکومت کے مخالفین نے اچھالا، وہیں دوسری جانب ان پر یہ الزام بھی عائد کیا گیا کہ یہ بات ن لیگ کے کہنے پر کی گئی تھی۔
مزید پڑھیں:باتوں سے زیادہ سندھ حکومت کا کام بولتا ہے، چاہتے ہیں پنجاب میں بھی عوام کو علاج مفت ہو، بلاول بھٹو
’میں پی ڈی ایم کی حکومت بننے سے لے کر اب تک پیپلز پارٹی اور ن لیگ دونوں کا مخالف ہوں اور اس کی وجہ ان دونوں جماعتوں کے وہ وعدوں بنے ہیں جنہیں دونوں ابھی تک وفا نہ کرسکے۔‘
مریم نواز کی پھرتیاں صرف ٹک ٹاک کی حد تک ہیںتاجر رہنما عتیق میر کا کہنا تھا کہ میں نے یہ تردید ضرور کی ہے کہ مریم نواز کی کارکردگی بھی محض ٹک ٹاک کی حد تک ہے کارکردگی ان کی بھی قابل ستائش نہیں ہے۔
مزید پڑھیں:عوامی فلاح کے منصوبوں میں پنجاب سب صوبوں پر بازی لے گیا
عتیق میر کا کہنا تھا کہ انہوں نے زندگی میں آج تک کبھی کوئی غلط بات نہیں کی اور نہ ہی کبھی کوئی بات واپس لینے یا اس کی تردید کی نوبت آئی ہے۔
’بلاول بھٹو نے تاجروں کو دعوت دی لیکن مجھے نہیں‘عتیق میر کا کہنا تھا کہ بلاول بھٹو کی تاجروں سے ملاقات خوش آئند ہے، کبھی کبھار چھوٹا سا ایک عمل بڑا کام کر جاتا ہے جیسا کہ ان کے ایک جملے نے کیا اور سندھ حکومت کو وضاحتیں دینا پڑیں۔
مزید پڑھیں:این ایف سی ایوارڈ میں آئندہ صوبوں کا حصہ زیادہ ہی ہوگا، وزیراعلیٰ سندھ
’میری مذاق میں کہی بات پر پوری پیپلز پارٹی نے وضاحتیں دینا شروع کردی، مجھے بلاول نے مدعو نہیں کیا لیکن میں سمجھتا ہوں کہ کراچی کے مسائل کے حل کے حوالے سے ایسی بات چیت ہوتی رہنی چاہیے۔‘
تاجروں نے آرمی چیف کو کیا شکایات کیں؟عتیق میر کا کہنا تھا کہ اگر کوئی کراچی کے مسائل کے حل کے لیے آرمی چیف سے بات کر رہا ہے تو دیکھنا چاہیے کہ ایسا کیوں کیا جارہا ہے، اور جو بات روز روش کی طرح عیاں ہے وہ یہ ہے کہ صوبائی حکومت اپنے ذمہ کاموں کی ادائیگی میں سنجیدہ نظر نہیں آتی۔
مزید پڑھیں:بیوقوفی کے اعلانات کا کیا جواب دیا جائے؟ مراد علی شاہ کی نام لیے بغیر پنجاب حکومت پر تنقید
عتیق میر کا کہنا تھا کہ آرمی چیف سے ہماری شکایات زمینوں پر قبضوں سے متعلق تھیں، اگر سسٹم کا آدمی آپ کے پلاٹ پر بیٹھ جائے آپ کہیں بھی چلے جائیں قبضہ نہیں چھڑا سکتے، پانی کی لائنوں میں پانی فراہم کرنا حکومت کا نہیں تو کس کا کام ہے۔
’سڑکیں ٹوٹی ہیں، سڑکوں پر غیر قانونی پارکنگ ہے، کہیں پتھارے ہیں، 10 منٹ کا سفر گھنٹوں میں طے ہوتا ہے تو یہ کون ٹھیک کرے گا، آج پورا شہر اندھرے میں ہے، کبھی اس حکومت نے پوچھا کہ اندھیرے میں کیسے کاروبار ہوتا ہے۔‘
لاہور میں سب اچھا ہے پر کراچی میں نہیںعتیق میر کا کہنا ہے کہ یہ کہتے ہیں اجرک والی نمبر پلیٹس لگاؤ اس کی اضافی فیس بھرو، پہلے اس شہر کو ترقی تو کرنے دو کاروبار تو چلنے دو اس کی اصل شکل تو بحال ہونے دو۔
انکا مزید کہنا تھا کہ کراچی کا ہم لاہور سے موازنہ نہیں کرسکتے کیونکہ وہاں سڑکیں اچھی ہیں، پل بنے ہیں، ماحول اچھا ہے۔ ’وہاں کوئی کام سے گھر پہنچتا ہے تو تروتازہ ہوتا ہے یہاں ہم دھول میں اٹے ہوتے ہیں اور تھکے ہارے ہوتے ہیں حالت غیر ہوجاتی ہے۔‘
کراچی کو چلنے دو بیرونی سرمایہ کار کی ضرورت نہیں پڑے گیتاجر رہنما عتیق میر کا کہنا تھا کہ اگر کاروبار پھلے پھولے گا تو وہ یقین سے کہتے ہیں کہ کراچی کو کہیں باہر کے سرمایہ کار کی ضرورت نہیں پڑے گی۔ ’یہاں 7 بجے بجلی منقطع اور کاروبار بند ہو جاتا ہے، مطلب ہمارا 50 فیصد کام چل رہا ہے، سوچیں اگر یہ 100 فیصد پر چلا جائے تو معیشت کہاں سےکہاں پہنچ سکتی ہے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب تاجر سندھ عتیق میر کراچی مراد علی شاہ مریم نواز وزیر اعلی.ذریعہ: WE News
کلیدی لفظ: تاجر عتیق میر کراچی مراد علی شاہ مریم نواز وزیر اعلی عتیق میر کا کہنا تھا کہ مراد علی شاہ مزید پڑھیں بلاول بھٹو مریم نواز کراچی کے
پڑھیں:
کراچی، لاہور، اسلام آباد سمیت 10 بڑے شہروں میں ڈینگی کی شدید وبا پھیلنے کا خطرہ
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔16 ستمبر ۔2025 )محکمہ موسمیات نے موزوں موسمی حالات اور سیلاب کی نکاسی میں رکاوٹ کے باعث 20 ستمبر سے کراچی، لاہور، اسلام آباد سمیت ملک کے 10 بڑے شہروں میں ڈینگی کی شدید اور غیر معمولی وبا پھیلنے کا خدشہ ظاہر کرتے ہوئے ڈینگی الرٹ جاری کردیا ہے محکمہ موسمیات کے جاری کردہ ڈینگی الرٹ میں کہا گیا ہے کہ تاریخی رجحانات، موجودہ اور مستقبل کے موسمی حالات، بڑے پیمانے پر سیلاب کا جمع شدہ پانی سمیت تمام عوامل ڈینگی کی وبا کے پھیلنے کے لئے سازگار ماحول پیدا کر رہے ہیں.(جاری ہے)
محکمہ موسمیات کے مطابق موزوں موسمی حالات اور سیلاب سے پیدا ہونے والی پانی کی نکاسی میں رکاوٹ نے 20 ستمبر 2025 سے ڈینگی کے آغاز کے لیے حالات سازگار بنا دیے ہیں ماہرین کے مطابق رواں موسم میں خصوصا پاکستان کے 10 بڑے شہروں کراچی، لاہور، اسلام آباد، فیصل آباد، سیالکوٹ، راولپنڈی، پشاور، سکھر، حیدرآباد اور ملتان ، نیز ملک کے دیگر سیلاب زدہ علاقوں میں بھی ایک شدید اور غیر معمولی ڈینگی وبا کا خطرہ لاحق ہے. محکمہ موسمیات نے تمام شراکت داروں بشمول ضلعی انتظامیہ، محکمہ صحت اور عام عوام کو سختی سے مشورہ دیاہے کہ وہ فوری طور پر ڈینگی کے خطرے سے بچا کے لیے احتیاطی اقدامات اپنائیں انتباہ میں کہا گیا ہے کہ قومی صحت کے ادارے اور ڈینگی کنٹرول سینٹرز ہائی الرٹ رہیں، ہسپتالوں کی تیاری کو بہتر بنائیں اور مچھر تلف کرنے کی کارروائیاں تیز کریں محکمہ موسمیات نے محکمہ صحت، مقامی انتظامیہ اور ڈینگی کنٹرول مراکز کو اقدامات تجویز کرتے ہوئے کہا ہے کہ ماحولیاتی اور موسمیاتی ڈیٹا (درجہ حرارت، نمی، بارش) کو باقاعدگی سے مانیٹر کریں تاکہ ڈینگی کے خطرے کے اوقات کی نشاندہی ہو سکے. انتباہ میں کہا گیا ہے کہ وسیع پیمانے پر اسپرے، لاروی سائیڈ کا استعمال اور نالوں کے علاوہ بالخصوص سیلاب زدہ علاقوں میں جمع ہونے والے پانی کی صفائی کی جائے جبکہ سیلاب کی امدادی کارروائیوں اور شیلٹرز میں مچھروں کو قابو کرنے اور صفائی کے اقدامات شامل کیے جائیں انتباہ میں مزید کہا گیا ہے کہ ٹی وی، ریڈیو، سوشل میڈیا، مساجد اور مقامی کمیونٹی رہنماﺅ ں کے ذریعے عوامی آگاہی مہمات چلائی جائیں، تاکہ لوگ بچا اور بروقت طبی مشورے کی طرف متوجہ ہوں. انتباہ میں تجویز دی گئی ہے کہ نیشنل اور صوبائی ڈیزاسٹر مینجمنٹ اتھارٹیز کے ساتھ مل کر کام کیا جائے تاکہ ریلیف کیمپوں اور پناہ گاہوں کو زیادہ سے زیادہ خشک رکھا جائے اور صاف پانی و صفائی کے انتظامات کے ذریعے مچھر کی افزائش کو روکا جا سکے ڈینگی کے حوالے سے جاری کردہ انتباہ میں عوام کو ہدایت کی گئی ہے کہ گھروں کے اطراف پانی جمع کرنے والی اشیا(پرانے ٹائر، بالٹیاں، کچرا، ترپال وغیرہ ) کو ہٹا دیں یا خالی کردیں اور پانی ذخیرہ کرنے والے برتنوں کو اچھی طرح ڈھانپ کر رکھیں عوام کو ہدایت کی گئی ہے کہ خصوصا صبح سویرے اور شام کے اوقات میں مچھر بھگانے والی دوا، جالی، کوائل وغیرہ استعمال کریں اور مچھر کے زیادہ فعال اوقات میں لمبی آستین والی قمیص اور پینٹ پہنیں جبکہ کھڑکیاں اور دروازے جالی دار رکھیں یا بند رکھیں عوام کو ہدایت کی گئی ہے کہ سیلاب زدہ یا خیمہ بستی والے علاقوں میں صفائی کا خاص خیال رکھیں، خیموں کے آس پاس پانی جمع نہ ہونے دیں، پانی ابال کر یا صاف کر کے استعمال کریں اور ماحول کو صاف ستھرا رکھیں.
سونے کی قیمت نئی بلند ترین سطح پر پہنچ گئی