امریکا و جاپان کے درمیان نایاب معدنیات‘ دھاتوں کی کان کنی و پراسیسنگ کا معاہدہ
اشاعت کی تاریخ: 29th, October 2025 GMT
data-id="863a0a8" data-element_type="widget" data-widget_type="theme-post-content.default">
ٹوکیو(مانیٹرنگ ڈیسک )امریکی صدر ڈونلڈ ٹرمپ اور جاپان کی نئی وزیراعظم سنائے تاکائی چی نے امریکا اور جاپان کے درمیان نایاب معدنیات اور دھاتوں کی کان کنی اور پراسیسنگ کے معاہدے پر دستخط کر دیے۔ جاپان کی نئی وزیرِاعظم سنائے تاکائی چی نے امریکی صدر ڈونلڈ ٹرمپ کے دورہ جاپان کے آغاز پر وعدہ کیا کہ وہ امریکا کے ساتھ تعلقات کا ’سنہری دور‘ لے کر آئیں گی اور اپنے ملک کے دفاعی ڈھانچے کو بنیادی طور پر مضبوط بنائیں گے۔برطانوی جریدے گارجین کی رپورٹ کے مطابق امریکی صدر جو ایشیا کے ایک ہفتے طویل دورے کے دوسرے مرحلے پر جاپان میں موجود ہیں، نے تاکائی چی کے ساتھ ایک معاہدے پر دستخط کیے، جس کے تحت نایاب معدنیات اور دیگر اہم دھاتوں کی کان کنی اور پراسیسنگ کے تحفظ کا فریم ورک وضع کیا گیا ہے۔یہ معاہدہ چین کی جانب سے ان مواد کی برآمدات پر پابندیاں سخت کرنے کے فیصلے کے بعد کیا گیا، جو جدید صنعتی مصنوعات میں کلیدی حیثیت رکھتے ہیں۔وائٹ ہاؤس کے مطابق دونوں ممالک اقتصادی پالیسی اور مشترکہ سرمایہ کاری کے ذریعے ان معدنیات کی متنوع، منصفانہ اور قابلِ بھروسہ عالمی منڈیوں کی ترقی کو فروغ دیں گے۔بیان میں کہا گیا کہ معاہدے کا مقصد دونوں ممالک کو اہم معدنیات اور نایاب دھاتوں کی سپلائی چینز کے تحفظ اور استحکام میں مدد دینا ہے۔جاپان کی پہلی خاتون وزیرِاعظم بننے والی تاکائی چی نے کہا کہ وہ جاپان۔امریکا اتحاد کے نئے سنہری دور کو حقیقت بنانا چاہتی ہیں، جہاں دونوں ممالک زیادہ طاقتور اور خوشحال بنیں گے۔انہوں نے امریکی صدر ٹرمپ کو نوبل امن انعام کے لیے نامزد کرنے کا بھی اعلان کیا، وائٹ ہاؤس کی ترجمان کے مطابق ٹرمپ طویل عرصے سے اس اعزاز کے خواہش مند ہیں اور وہ متعدد تنازعات کے خاتمے کا کریڈٹ اپنے نام کرتے ہیں۔
ذریعہ: Jasarat News
کلیدی لفظ: امریکی صدر تاکائی چی دھاتوں کی
پڑھیں:
صدر ٹرمپ کا دورہ جاپان، سرمایہ کاری کے بجائے صحت موضوعِ بحث بن گئی
ٹوکیو میں منگل کے روز منعقدہ ایک استقبالیہ تقریب کے دوران، امریکی صدر ڈونلڈ ٹرمپ بظاہر یہ بھول گئے کہ انہیں کہاں جانا ہے۔
وہ مہمانوں اور فوجی بینڈ سے بھرے ہال میں گھومتے رہے اور ایک موقع پر جاپانی وزیرِ اعظم کو بھی پیچھے چھوڑ گئے۔
یہ بھی پڑھیں: ڈونلڈ ٹرمپ کی دورہ ایشیا کے دوران ملائیشیا آمد، ایئرپورٹ پر رقص کرتے ہوئے ویڈیو وائرل
یہ واقعہ صدر ٹرمپ کی بڑھتی ہوئی ذہنی کمزوری اور صحت سے متعلق مسائل کی ایک اور جھلک سمجھا جا رہا ہے، جو ان کی ہر نئی عوامی پیشی کے ساتھ زیادہ نمایاں ہو رہے ہیں۔
Trump confused, saluting when he wasn't supposed to, and had to be shown the right way to walk by the PM of Japan pic.twitter.com/HpNOHwiJ6P
— Sigurdur Nordal (@essenviews) October 28, 2025
پیر کے روز ایئر فورس ون میں گفتگو کرتے ہوئے صدر ٹرمپ نے انکشاف کیا کہ اس ماہ کے آغاز میں ان کا والٹر ریڈ میڈیکل سینٹر کا دورہ دراصل ایک ایم آر آئی اسکین کے لیے تھا، جسے انہوں نے سالانہ معمول کا طبی معائنہ قرار دیا۔
میڈیا رپورٹس کے مطابق صدر ٹرمپ کا سالانہ معائنہ صرف 6 ماہ پہلے ہو چکا تھا۔
مزید پڑھیں: صدر ٹرمپ آئندہ ہفتے جنوبی کوریا میں چینی صدر شی جن پنگ سے ملاقات کریں گے
صدر یا وائٹ ہاؤس کے حکام نے یہ نہیں بتایا کہ ایم آر آئی کیوں کروایا گیا۔ تاہم، صدر ٹرمپ نے طویل گفتگو کے دوران بتایا کہ اسپتال میں ان کا ایک انتہائی مشکل ذہنی قابلیت کا ٹیسٹ بھی لیا گیا۔
انہوں نے دعویٰ کیا کہ ایوانِ نمائندگان کی اراکین الیکزینڈریا اوکاسیو کورٹیز اور جیسمن کروکیٹ جیسے سیاست دان یہ ٹیسٹ اچھے طریقے سے نہیں دے سکتیں۔
صدر ٹرمپ کے مطابق ٹیسٹ میں ’شیروں، ہاتھیوں اور زرافوں‘ سے متعلق سوالات شامل تھے، جس سے اندازہ ہوتا ہے کہ یہ ٹیسٹ الزائمرز یا ذہنی زوال سے متعلق ہو سکتا ہے۔
سالانہ معائنے کے صرف چھ ماہ بعد ایسے ٹیسٹ کا کیا جانا تشویشناک سمجھا جا رہا ہے — خاص طور پر جب حالیہ دنوں میں صدر ٹرمپ کے ہاتھوں پر رنگت میں تبدیلی اور نامعلوم نیل کے نشانات بھی دیکھے گئے ہیں۔
مزید پڑھیں: میرا خیال ہے میں پاک افغان مسئلہ کے حل کے لیے کچھ کر سکتا ہوں، صدر ٹرمپ
ٹرمپ اس وقت جاپان کے دورے پر ہیں، جہاں وہ جاپانی سرمایہ کاری کو امریکا میں بڑھانے کی کوشش کر رہے ہیں۔
یہ دورہ جاپان میں دائیں بازو کی رہنما سَنا تاکائچی کے ملک کی پہلی خاتون وزیرِ اعظم منتخب ہونے کے فوراً بعد ہو رہا ہے۔
تاہم، جہاں ایک طرف امریکی معیشت کی صحت زیرِ بحث ہے، وہیں صدر ٹرمپ کی ذاتی صحت خود ایک بڑھتی ہوئی تشویش بن گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایئر فورس ون ٹوکیو جاپان سرمایہ کاری صدر ٹرمپ
صنعتی بجلی اور گیس کنکشنز کی تبدیلی کیلئے نیا طریقہ کارمتعارف