پولینڈ کےنائب وزیراعظم و وزیرخارجہ 2روزہ دورے پر پاکستان پہنچ گئے
اشاعت کی تاریخ: 23rd, October 2025 GMT
اسلام آباد ( نیوزڈیسک) پولینڈ کےنائب وزیراعظم و وزیرخارجہ رادؤسواف سکورسکی 2روزہ دورے پر پاکستان پہنچ گئے۔
پولش نائب وزیراعظم رادؤسواف کی2روزہ دورے پر پاکستان آمد پر ایڈیشنل فارن سیکرٹری خالد جمالی نے معزز مہمان کا استقبال کیا۔
پولینڈ کے نائب وزیراعظم اپنے دو روزہ دورہ کے دوران پاکستان میں اعلیٰ حکام سے ملاقاتیں کریں گے، ملاقاتوں میں دوطرفہ تعلقات پر تبادلہ خیال کیا جائے گا، علاقائی اور بین الاقوامی صورتحال پر بھی بات چیت ہوگی۔
سفارتی ذرائع کا کہنا ہے کہ پولش وزیر خارجہ یہ 2 روزہ دورہ وزیرخارجہ اسحاق ڈرا کی دعوت پر کر رہے ہیں۔
.ذریعہ: Daily Mumtaz
پڑھیں:
وزیراعظم کے دورے عالمی سطح پر پاکستان کے وقار کو بڑھا رہے ہیں، مریم اورنگزیب
پنجاب کی سینئر وزیر مریم اورنگزیب نے کہا ہے کہ وزیراعظم شہباز شریف کے دور حکومت میں عالمی سطح پر پاکستان کا وقار بلند ہوا ہے اور وزیراعظم کا جہاز جس ملک میں بھی داخل ہوتا ہے، اسے سلامی دی جاتی ہے۔
کوٹلی ستیاں میں جلسے سے خطاب کرتے ہوئے انہوں نے کہا کہ دنیا آج پاکستان کی جانب دیکھ رہی ہے، جبکہ پی ٹی آئی کے دور حکومت میں عوامی فلاح کے بجائے جھوٹ اور فراڈ پھیلایا گیا اور لوگوں کی عزتیں پامال کی گئیں۔ مریم اورنگزیب نے کہا کہ گالم گلوچ کرنے والے اب اپنے انجام تک پہنچ چکے ہیں۔
انہوں نے ستھرا پنجاب پروگرام کا ذکر کرتے ہوئے کہا کہ وزیراعلیٰ مریم نواز کی قیادت میں پنجاب کے گلی محلوں کو صاف ستھرا بنایا گیا ہے اور پورے صوبے میں بچوں کو لیپ ٹاپ فراہم کیے جا رہے ہیں۔ مزید 10 ہزار سڑکوں کی تعمیر بھی منصوبہ بندی کے تحت کی جا رہی ہے۔
سینئر وزیر نے مزید بتایا کہ مسلم لیگ ن کی حکومت نے مری ڈویلپمنٹ پلان تیار کیا اور صحت کے شعبے میں نمایاں اقدامات کیے۔ انہوں نے کہا کہ نواز شریف نے کوٹلی ستیاں کو تحصیل کا درجہ دیا اور چیئرلفٹ منصوبے کو ریکارڈ مدت میں مکمل کیا جائے گا، جس سے مقامی عوام کو سہولیات حاصل ہوں گی۔
وزیراعلیٰ اپنا کام کریں اگر بدمعاشی کی تو خیبرپختونخوا میں گورنر راج لگ سکتا ہے، فیصل واڈا