ٹریفک پولیس لاہور کی جانب سے تربیت یافتہ خواتین میں ہیلمٹ تقسیم
اشاعت کی تاریخ: 23rd, October 2025 GMT
چیف ٹریفک آفیسر (سی ٹی او) لاہور ڈاکٹر اطہر وحید نے کہا ہے کہ بااختیار خواتین ہی خود مختار معاشرے کی ضمانت ہیں۔ اس مقصد کے تحت ٹریفک پولیس لاہور نے آبشار سنٹر میں ایک تقریب کا انعقاد کیا، جہاں ڈرائیونگ اسکولز سے سکوٹی کی تربیت حاصل کرنے والی خواتین میں ہیلمٹس تقسیم کیے گئے۔
یہ بھی پڑھیں:لاہور ٹریفک پولیس نے ایک دن میں 11 بچوں کو پیشہ ور بھکاریوں کے چنگل سے بچالیا
تقریب میں ایس پی ٹریفک ہیڈ کوارٹرز منصورالحسن سمیت دیگر افسران نے بھی شرکت کی۔
تربیت یافتہ خواتین کی تعدادسی ٹی او لاہور کے مطابق اب تک آبشار سنٹر میں 6 ہزار سے زائد خواتین کو گاڑی اور سکوٹی چلانے کی تربیت فراہم کی جا چکی ہے۔ یہ اقدام خواتین کی سفری خود مختاری اور محفوظ آمدورفت کے فروغ میں اہم کردار ادا کر رہا ہے۔
ڈاکٹر اطہر وحید نے کہا کہ وزیرِاعلیٰ پنجاب کے ویژن کے مطابق خواتین کو بااختیار بنانے کے لیے ٹریفک پولیس لاہور ہر لمحہ سرگرم ہے۔ سٹی ٹریفک پولیس لاہور کے ڈرائیونگ اسکولوں میں جدید سیمولیٹرز کے ذریعے تربیت دی جا رہی ہے، تاکہ خواتین ڈرائیورز کو عملی طور پر محفوظ ڈرائیونگ کے تمام اصول سکھائے جا سکیں۔
سی ٹی او لاہور نے بتایا کہ ٹریفک پولیس لاہور کے 11 ڈرائیونگ اسکولز سے اب تک ہزاروں طلباء و طالبات تربیت حاصل کر چکے ہیں۔ ان اسکولوں میں پریکٹیکل ٹریننگ کے ساتھ ساتھ مکینیکل تربیت بھی دی جاتی ہے تاکہ سیکھنے والے گاڑیوں کے بنیادی نظام کو بہتر طور پر سمجھ سکیں۔
ڈاکٹر اطہر وحید نے شہریوں سے اپیل کی کہ وہ ڈرائیونگ کی تربیت حاصل کرنے کے لیے 15 پر کال کریں یا ٹریفک پولیس لاہور کی ویب سائٹ سے داخلے سے متعلق معلومات حاصل کریں۔ انہوں نے کہا کہ ٹریفک پولیس لاہور شہریوں کی تربیت اور حفاظت دونوں کے لیے ہمہ وقت کوشاں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایس پی ٹریفک ہیڈ کوارٹرز لاہور ٹریفک پولیس ہیلمٹ.
ذریعہ
ذریعہ: WE News
کلیدی لفظ: لاہور ٹریفک پولیس ہیلمٹ ٹریفک پولیس لاہور کی تربیت کے لیے
پڑھیں:
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اسلام آباد(ڈیلی پاکستان آن لائن)پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے، چین نے مکئی کی درآمد کے لئے پاکستانی تاجروں کی رجسٹریشن بھی شروع کردی ہے ۔
تفصیلات کے مطابق رائس ایکسپورٹرز ایسوسی کے وفد کا دورہ چین کامیابی سے جاری ہے ، جس دوران چاول کی برآمد کیلئے چین کے دو صوبوں کے ساتھ وفد نے ایم او یو سائن کر لیے ہیں، 30 سے 40 کروڑ ڈالر مالیت کے چاول کی فروخت کے معاہدے متوقع ہیں ہیں۔رائس ایکسپورٹرز ایسوسی ایشن کے چیئرمین جاوید جیلانی کا کہناتھا کہ چین کو پاکستان سے مکئی کی برآمد بھی جلد شروع ہو جائے گی،چین کو باسمتی اور نان باسمتی دونوں اقسام کے چاول برآمد کریں گے،رواں مالی سال چاول کی برآمدات دوبارہ 3ارب ڈالر کی سطح عبور کر جائیں گی، چین کا دورہ جاری ہے مزید آرڈرز ملنے کا امکان ہے۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم