میرپور ماتھیلو:ایس ایس پی آفس پر مختلف قوم پرست جماعتوں کا دھرنا
اشاعت کی تاریخ: 30th, January 2025 GMT
میرپور ماتھیلو (پ ر) جماعت اسلامی ضلع گھوٹکی کی قیادت میں ضلعی ہیڈ کوارٹر ایس ایس پی آفس کے سامنے مختلف قوم پرست جماعتوں کا دھرنا، گھوٹکی میں امن و امان کے لحاظ سے بد سے بدترین بگڑتے ہوئے حالات اور ڈاکو راج کے خلاف جماعت اسلامی ضلع گھوٹکی، جے یو آئی، پی ٹی آئی، فقہ جعفریہ سمیت ضلع بھر کی دیگر سیاسی و سماجی اور قوم پرست جماعتوں کا مشترکہ طور پر احتجاج۔ اس موقع پر مقررین نے کہا کہ پی پی کی سندھ حکومت نے سالہا سال سے سندھ کی اکثریتی حکومتی پارٹی ہونے کے باوجود سندھ اور سندھ واسیوں کو مسلسل بے امنی ، بیڈ گورننس ، لا قانونیت ، ڈاکو راج بے روز گاری اور کھنڈرات جیسے عذاب دے کر اپنا حق حکومت کھو دیا ہے اور اب تو بدترین صورتحال یہ ہے کہ ہر لحاظ سے اور مجموعی طور پر سندھ کے ہر شعبے اور ہر طبقے کے لوگ اور کاروباری حلقے سندھ بھر کے موجودہ حالات واقعات پر شدید پریشان ہیں۔ ان خیالات کا اظہار تشکیل احمد صدیقی امیر جماعت اسلامی ضلع گھوٹکی، میاں محمد اسلم قادری مرکزی رہنما پی ٹی آئی سندھ، مولانا مفتی محمد یوسف مزاری نائب امیر جماعت اسلامی ضلع گھوٹکی اور دیگر سیاسی وسماجی اور قوم پرست جماعتوں کے رہنماؤں کے عوامی مظاہرے اور دھرنے کے شرکا سے خطابات۔ مقررین نے کہا کہ پی پی نے اپنی کرپشن اور بیڈ گورننس کے بل بوتے پر لوگوں کا جینا حرام کر رکھا ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل قوم پرست جماعتوں
پڑھیں:
کراچی، شہر کے مختلف علاقوں میں پولیس مقابلے، 5 ڈاکو زخمی حالت میں گرفتار
کراچی:شہر قائد کے مختلف علاقوں میں پولیس نے مبینہ مقابلوں کے دوران چار ملزمان کو زخمی حالت میں گرفتار کر لیا جبکہ ایک فرار ہونے والے مبینہ ڈاکو کو شہریوں نے پکڑ کر تشدد کے بعد پولیس کے حوالے کر دیا۔
پولیس اور چھیپا حکام کے مطابق اورنگی ٹاؤن تھانے کی حدود میں سیکٹر 8، اللہ والا کالج کے قریب مبینہ پولیس مقابلے میں ایک مبینہ ڈاکو زخمی حالت میں گرفتار کیا گیا۔
زخمی ملزم کو عباسی شہید اسپتال منتقل کیا گیا جہاں اس کی شناخت سبیل کے نام سے ہوئی۔ ملزم کے قبضے سے اسلحہ اور دیگر سامان بھی برآمد کیا گیا۔
ادھر بوٹ بیسن تھانے کی حدود میں کلفٹن، عبداللہ شاہ غازی مزار پل کے قریب مبینہ مقابلے کے دوران ایک مبینہ ڈاکو پولیس کی فائرنگ سے زخمی ہو گیا، جس کی شناخت مانی کے نام سے ہوئی۔
اسے جناح اسپتال منتقل کر دیا گیا۔ اس دوران فرار ہونے کی کوشش کرنے والے دوسرے مبینہ ملزم کو شہریوں نے پکڑ کر تشدد کا نشانہ بنایا بعد ازاں اسے پولیس کے حوالے کر دیا گیا۔ زخمی ملزم کی شناخت سکندر کے نام سے کی گئی۔
دوسری جانب شرافی گوٹھ پولیس نے کورنگی سنگر چورنگی کے قریب راڈو بیکری کے علاقے میں مبینہ مقابلے کے بعد ایک مبینہ ڈاکو اویس کو زخمی حالت میں گرفتار کیا۔ ملزم کو جناح اسپتال منتقل کیا گیا جبکہ اس کے قبضے سے اسلحہ اور دیگر سامان بھی برآمد ہوا۔
اسی طرح قائدآباد تھانے کی حدود میں لانڈھی شیر پاؤ کالونی، مولیٰ مدد قبرستان کے قریب مبینہ پولیس مقابلے میں ایک اور مبینہ ڈاکو زخمی حالت میں گرفتار کیا گیا۔
چھیپا حکام کے مطابق زخمی ملزم کو جناح اسپتال منتقل کیا گیا جہاں اس کی شناخت وارث خان کے نام سے ہوئی۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم