مغربی کنارے میں صیہونی فوج کا کریک ڈاؤن، مزید 33 فلسطینی گرفتار
اشاعت کی تاریخ: 30th, January 2025 GMT
گرفتار کیے جانے والوں میں نابلس کے ایک قیدی نوجوان کی ماں بھی شامل ہے۔قابض فوج نےنابلس میں شہریوں گھروں پر دھاوا بول کر تلاشی لی اور ان میں سے کچھ کو تباہ کر دیا۔ اسلام ٹائمز۔ قابض صیہونی فوج نے آج جمعرات کو علی الصبح مقبوضہ مغربی کنارے کے شمالی اور جنوبی شہروں، دیہاتوں اور پناہ گزین کیمپوں میں تلاشی کی کارروائیوں کے دوران 33 فلسطینی شہریوں کو گرفتار کر لیا۔ گرفتار کیے جانے والوں میں نابلس کے ایک قیدی نوجوان کی ماں بھی شامل ہے۔قابض فوج نےنابلس میں شہریوں گھروں پر دھاوا بول کر تلاشی لی اور ان میں سے کچھ کو تباہ کر دیا۔ قابض فوج نے دلال جابر کو گرفتار کر لیا۔ وہ قیدی محمد حلبی کی والدہ ہیں۔ انہیں شمالی مقبوضہ مغربی کنارے میں نابلس شہر کے جنوب مشرق میں روزیب گاؤں میں اپنے گھر پر دھاوا بول کر گرفتار کیا گیا۔ مقامی ذرائع نے تصدیق کی کہ قابض فوج نے مغربی کنارے کے شمالی علاقے طولکرم کے شمال میں واقع قصبے قفین پر فوجی جارحیت کے دوران 5 فلسطینیوں کو گرفتار کر لیا۔ قفین میں گرفتار ہونے والوں میں عبداللہ اسامہ کتانہ، عمرو یوسف کتانہ، مروان عادل صباح، سعید بیقاوی حمود الفضل طامہ شامل ہیں۔ آج علی الصبح قابض فوج نے قفین میں ایک گھر کو گھیرے میں لے کر اسے "انرگا” کے گولوں سے نشانہ بنایا۔ اس کے بعد علاقے میں قابض فوج اور فلسطینی نوجوانوں کے درمیان جھڑپیں ہوئیں۔ مقامی ذرائع نے اطلاع دی ہے کہ قابض فوج نے نوجوان محمد جہاد عشو کو شمالی مقبوضہ مغربی کنارے کے شہر جنین کے جنوب میں الفندقومیہ قصبے میں اس کے گھر پر چھاپہ مارنے اور تلاشی لینے کے بعد گرفتار کیا۔ فلسطینی سکیورٹی ذرائع نے اطلاع دی ہے کہ قابض فوج نے نوجوان محمد سالم عبد الدائم کو طولکرم کے مشرق میں واقع قصبے عنباتا میں ان کے گھر سے گرفتار کیا اور محمود نبیل عدوان کو شہر کے جنوب میں فرعون گاؤں سے حراست میں لیا گیا۔ آج جمعرات کی صبح قابض فوج نے جنین شہر کے جنوب میں واقع گاؤں بیر الباشا پر چھاپہ مارا اور نوجوان ایہاب غوادرہ کے گھر کو گھیرے میں لے لیا اور اندر سے دو دیگر نوجوانوں کو بھی گرفتار کر لیا۔ تاہم ان کی شناخت معلوم نہیں ہوسکی۔ قابض فوج نے مقبوضہ مغربی کنارے کے جنوب میں بیت لحم گورنری میں بڑے پیمانے پر گرفتاری مہم شروع کی۔ اس نے شہر کے مشرق میں واقع قصبے العبیدیہ اور گورنری کے جنوب مشرق میں واقع دہیشی پناہ گزین کیمپ کے 20 شہریوں کو گرفتار کیا۔
.ذریعہ: Islam Times
کلیدی لفظ: مغربی کنارے کے گرفتار کر لیا قابض فوج نے کے جنوب میں گرفتار کیا کو گرفتار میں واقع شہر کے
پڑھیں:
لاہور میں اوورلوڈنگ کے خلاف کریک ڈاؤن، اسکول وینز اور رکشوں پر سخت کارروائی کا حکم
وزیراعلیٰ پنجاب کے حکم پر سٹی ٹریفک پولیس لاہور کی جانب سے شہر بھر میں اوورلوڈنگ کے خلاف بھرپور کریک ڈاؤن جاری ہے۔
اس ضمن میں چیف ٹریفک پولیس آفیسر یعنی سی ٹی او لاہور ڈاکٹر اطہر وحید نے تمام ایس پیز اور ڈی ایس پیز کو سخت کارروائی کی ہدایت دیتے ہوئے واضح کیا ہے کہ اسکول وینز اور رکشوں میں بچوں کی مقررہ تعداد سے زائد سواریاں برداشت نہیں کی جائیں گی۔
یہ بھی پڑھیں: پنجاب حکومت نے لاہور میں ٹریفک رسپانس یونٹ بائیک لانچ کر دیا
سی ٹی او لاہور نے کہا کہ معصوم بچوں کی زندگیاں اوورلوڈنگ کی بھینٹ نہیں چڑھنے دیں گے، خلاف ورزی کرنے والے ڈرائیوروں کے خلاف فوری کارروائی کی جائے گی۔
A strict crackdown has been launched against rickshaws and vans involved in overloading, particularly those transporting school children in unsafe conditions, such as seating them on extended or makeshift seats.
Action will not be limited to drivers alone, vehicles involved in… pic.twitter.com/1LsVwK3lFY
— Maryam Nawaz Sharif (@MaryamNSharif) September 14, 2025
ان کا مزید کہنا تھا کہ ٹریفک پولیس کا ایجوکیشن ونگ مختلف تعلیمی اداروں کے باہر وین ڈرائیورز کو باقاعدہ ہدایات جاری کر رہا ہے تاکہ حادثات سے بچاؤ ممکن ہو۔
ٹریفک پولیس کی جانب سے اسکولوں کے حاضری اور چھٹی کے اوقات میں اضافی نفری بھی تعینات کر دی گئی ہے تاکہ ٹریفک کے بہاؤ میں رکاوٹ نہ آئے۔
سی ٹی او لاہور نے واضح کیا کہ گاڑیوں کی چھتوں اور پائیدانوں پر کھڑے ہو کر سفر کرنے کی اجازت نہیں دی جا سکتی، ایسی گاڑیوں کے خلاف فوری ایکشن لیا جائے گا۔
مزید پڑھیں: لاہور پولیس کا شہریوں کو ٹریفک قوانین کی خلاف ورزی پر انتباہ جاری
اسی طرح سامان کی اوورلوڈنگ کے باعث حادثات کے خدشے کے پیش نظر ہدایت کی گئی ہے کہ مقررہ حد سے زیادہ سامان لے جانے والی گاڑیوں کے ڈرائیورز کے خلاف ایف آئی آر درج کی جائے۔
ڈاکٹر اطہر وحید نے کہا کہ محض چالان کرنا ہی ہر مسئلے کا حل نہیں بلکہ شہریوں کو یہ سمجھنا ہوگا کہ قانون کی پاسداری ہی ان کی اور دوسروں کی جان کی حفاظت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اوورلوڈنگ ڈاکٹر اطہر وحید سٹی ٹریفک پولیس لاہور سی ٹی او وزیراعلٰی پنجاب
سندھ میں سیلاب سے نقصانات؛ حکومت اور جائیکا کا متاثرہ کسانوں کیلیے اقدامات کا اعلان