ملک کے بیشتر علاقوں میں آئندہ چند روز کے دوران موسم سرد اور خشک رہے گا
اشاعت کی تاریخ: 31st, January 2025 GMT
محکمہ موسمیات نے پیشگوئی کی ہے کہ ملک کے بیشتر میدانی علاقوں میں آئندہ چند روز کے دوران موسم سرد اور خشک رہے گا، جبکہ شمالی علاقوں اور پہاڑی مقامات پر شدید سردی کا سلسلہ جاری رہنے کا امکان ہے۔
ملک کے بالائی علاقوں میں درجہ حرارت میں نمایاں کمی دیکھی جا رہی ہے، جبکہ میدانی علاقوں میں بھی سردی کی شدت برقرار رہے گی۔ پنجاب، خیبر پختونخوا، سندھ اور بلوچستان کے بیشتر علاقے خشک موسم کی لپیٹ میں رہیں گے۔ تاہم، بالائی خیبر پختونخوا، گلگت بلتستان اور کشمیر کے کچھ علاقوں میں ہلکی بارش اور پہاڑوں پر برفباری کا امکان ہے۔
مزید پڑھیں: موسمیاتی بحران: 2025 گلیشیئرز کے تحفظ کا سال قرار
پنجاب اور بالائی سندھ کے میدانی علاقوں میں رات اور صبح کے اوقات میں شدید دھند چھانے کا امکان ہے، جس کے باعث موٹر ویز اور قومی شاہراہوں پر حد نگاہ متاثر ہو سکتی ہے۔ محکمہ موسمیات نے مسافروں کو احتیاطی تدابیر اختیار کرنے اور غیر ضروری سفر سے گریز کرنے کی ہدایت کی ہے۔
اسلام آباد میں کم سے کم درجہ حرارت 4 سے 6 ڈگری سینٹی گریڈ رہنے کا امکان ہے۔ لاہور میں درجہ حرارت 7 سے 9 ڈگری سینٹی گریڈ کے درمیان رہ سکتا ہے۔ کراچی میں موسم خشک رہے گا اور درجہ حرارت 12 سے 15 ڈگری سینٹی گریڈ تک رہنے کا امکان ہے۔ کوئٹہ میں شدید سردی برقرار رہے گی اور درجہ حرارت نقطہ انجماد سے نیچے گرنے کا خدشہ ہے۔
مزید پڑھیں:گلگت: خشک موسم کے باعث اسپتالوں میں مریضوں کا ہجوم، چائلڈ وارڈز پر شدید دباؤ
ماہرین موسمیات نے عوام کو مشورہ دیا ہے کہ وہ موسمی حالات کے مطابق احتیاطی تدابیر اختیار کریں، گرم کپڑوں کا استعمال بڑھائیں اور خاص طور پر بچوں اور بزرگوں کا زیادہ خیال رکھیں۔ دھند کے دوران ڈرائیونگ میں احتیاط برتنے اور گاڑیوں میں فوگ لائٹس استعمال کرنے کی بھی ہدایت کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برفباری سرد خشک محمکہ موسمیات.ذریعہ: WE News
کلیدی لفظ: محمکہ موسمیات کا امکان ہے علاقوں میں
پڑھیں:
اسلام آباد سمیت ملک کے مختلف علاقوں میں گرج چمک کے ساتھ بارش کی پیشگوئی
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔18 ستمبر ۔2025 )محکمہ موسمیات نے آئندہ 24گھنٹوں میں اسلام آباد سمیت ملک کے مختلف علاقوں میں گرج چمک کے ساتھ بارش کی پیشگوئی کی ہے محکمہ موسمیات کے مطابق خیبرپختونخوا، اسلام آباد، خطہ پوٹھوہار، شمال مشرقی پنجاب، کشمیر اورگلگت بلتستان میں آندھی، جھکڑ چلنے اور گرج چمک کے ساتھ بارش کا امکان ہے اس دوران بالائی خیبرپختونخوا، خطہ پوٹھوہار، کشمیر اور ملحقہ پہاڑی علاقوں میں چند مقامات پر تیز بارش اور ژالہ باری ہو سکتی ہے، ملک کے دیگر علاقوں میں موسم خشک اورگرم رہنے کی توقع ہے.(جاری ہے)
اسلام آباد اور گرد و نواح میں گرج چمک کے ساتھ مزید بارش کا امکان ہے، چند مقامات پر ژالہ باری کی بھی توقع ہے، راولپنڈی، مری، گلیات، جہلم، اٹک اور چکوال میں بھی بارش ہونے کی توقع ہے لاہور، سیالکوٹ، خوشاب، سرگودھا، نارووال، حافظ آباد، فیصل آباد، منڈی بہاﺅ الدین، گجرات، قصور اور گوجرانوالہ میں گرج چمک کے ساتھ بارش کا امکان ہے. بلوچستان کے جنوبی علاقوں میں مطلع جزوی ابرآلود رہنے کی توقع ہے، سندھ کے ساحلی علاقوں میں چند مقامات پر بارش کا امکان ہے خیبرپختونخوا کے علاقے دیر، چترال، سوات، کوہستان، شانگلہ اور بٹگرام میں بارش ہونے کی توقع ہے مانسہرہ، ایبٹ آباد، ہری پور، بونیر، مالاکنڈ، باجوڑ، مہمند، چارسدہ، نوشہرہ، مردان، صوابی، خیبر، اورکزئی، کرم، پشاور، کوہاٹ، ہنگو، کرک اور وزیرستان میں گرج چمک کے ساتھ بارش کی توقع ہے. آزاد کشمیر اور گلگت بلتستان میں تیز ہواﺅ ں اورگرج چمک کے ساتھ بارش کا امکان ہے گزشتہ چوبیس گھنٹوں کے دوران ملک کے بیشتر علاقوں میں موسم گرم اور خشک رہا تاہم بالائی خیبر پختونخوا میں چند مقامات پر بارش جبکہ کراچی میں بوندا باندی ہوئی.
جبری گمشدگیوں پر انکوائری کمیشن نے ماہانہ کارکردگی رپورٹ جاری کردی