کوٹری میں قلت آب کا مسئلہ حل نہ ہوسکا،شہری پریشان
اشاعت کی تاریخ: 3rd, February 2025 GMT
کوٹری(جسارت نیوز)کوٹری میں قلت آب کا مسئلہ حل نہ ہوسکا۔پاکستان نوجوان تحریک کے رہنما ستار لْہر نے منتخب نمائندوں اور ضلعی انتظامیہ کیخلاف احتجاجی تحریک چلانے کا اعلان کردیا۔7فروری کو میونسپل کمیٹی بھوری کے سامنے دھرنے کا اعلان ۔ دھرنے کے بعد منتخب نمائندوں کے گھروں کا محاصرہ کیا جائیگا۔تفصیلات کے مطابق پاکستان تحریک کے رہنماستار لْہر،محمد علی مغیری،عمیر سونگی ودیگرنے کوٹری پریس کلب پر ہنگامی پریس کانفرنس کرتے ہوئے کہا کہ میونسپل کمیٹی بھولاری کے بیشتر علاقوں میں ٹینکر مافیا کاراج ہے علاقوں میں قلت آب پر مسلسل احتجاج مظاہرے دھرنے کے باوجود ضلعی انتظامیہ جامشورو اور ایم پی اے ایم این اے کوئی توجہ دینے کو تیار نہیں ہیں ٹینکروں کی آمدورفت سے آئیروز حادثات معمول بن چکے ہیں گزشتہ روز بھی معصوم لڑکی فرحانہ ٹینکر کی زد میں آکر زندگی کی بازی ہار چکی ہے مگر انتظامیہ کے کان پرجوں تک نہیں رینگتی ہے۔ٹینکر مافیا نے قلت آب کا فائدہ اٹھاتے ہوئے من مانے نرخ مقرر کیئے ہوئے ہیں۔سرکاری نرخ پر ٹینکر مافیا پانی فروخت کرنے کو تیار نہیں ہیں۔انہوں نے متنبہ کیا کہ 7فروری کو قلت آب کیخلاف میونسپل آفس کے سامنے بھر پور احتجاج کیاجائیگا اگر قلت آب کا بحران ختم نہ ہوا تو ایم پی اے ایم این اے کے گھروں کے سامنے احتجاج کیاجائیگا۔انہوں نے مزید کہا کہ ٹینکرمافیا اتنی بااثر بن چکی ہے کہ انتظامیہ اپنے احکامات پر عملدرآمد کرانے سے قاصر ہے اور عوام کو ٹینکر مافیا کے رحم وکرم پر چھوڑ دیاگیاہے۔انہوں نے ایک سوال کے جواب میں کہا کہ عدالتوں سے بھی ہم کو انصاف نہیں ملتا ہے اگر کوئی درخواست لیکر جاتا ہے تو معزز جج صاحب انکو معافی مانگنے کا کہہ دیتے ہیں آخر ہم انصاف کس سے مانگے۔انہوں نے وزیراعلی سندھ چیف جسٹس سندھ ہائیکورٹ سے مطالبہ کیا کہ فوری مسئلہ پر نوٹس لیکر قلت آب کا بحران ختم کرایا جائے اور متاثرہ علاقوں میں لائن کے ذریعے پانی کی فراہمی کو یقینی بنایاجائے۔
.ذریعہ: Jasarat News
کلیدی لفظ: قلت ا ب کا انہوں نے
پڑھیں:
مودی انتظامیہ نے کشمیری مسلمانوں کو تاریخی جامع مسجد اور عید گاہ میں نماز عید سے روک دیا
یاد رہے کہ 2019ء میں مقبوضہ جموں و کشمیر کی خصوصی کے خاتمے کے بعد سے کشمیری مسلمانوں کو ان دونوں جگہوں پر مسلسل عید کی نماز سے روکا جا رہا ہے۔ اسلام ٹائمز۔ بھارت کے غیر قانونی زیر قبضہ جموں و کشمیر میں نریندر مودی کے مسلط کردہ لیفٹیننٹ گورنر کے ماتحت انتظامیہ نے کشمیری مسلمانوں کو سری نگر کی تاریخی جامع مسجد اور عید گاہ میں عید الاضحی کی نماز ادا کرنے کی اجازت نہیں دی۔ ذرائع کے مطابق انتظامیہ نے بھارتی وزیر داخلہ امیت شاہ کے حکم پر دونوں اہم مقامات پر نماز عید ادا نہیں کرنے دی۔یاد رہے کہ 2019ء میں مقبوضہ جموں و کشمیر کی خصوصی کے خاتمے کے بعد سے کشمیری مسلمانوں کو ان دونوں جگہوں پر مسلسل عید کی نماز سے روکا جا رہا ہے۔ کل جماعتی حریت کانفرنس کے سینئر رہنما میر واعظ عمر فاروق نے اپنے ایک ٹویٹ میں انتظامیہ کے اس اقدام پر اپنی شدید برہمی کا اظہار کرتے ہوئے لکھا ”یہ افسوسناک ہے کہ عیدگاہ میں عید نماز ادا نہیں کرنے دی گی، جامع مسجد بھی سیل ہے، 7 برس سے مسلسل یہی ہو رہا ہے، مجھے بھی گھر میں نظربند کیا گیا ہے، مسلم اکثریتی علاقے میں مسلمان ہی ایک اہم مذہبی فریضے کی ادائیگی سے محروم ہیں۔ یہ ان لوگوں کے لیے شرم کا مقام ہے جو ہم پر حکمرانی کرتے ہیں۔دریں اثنا انجمن اوقاف جامع مسجد نے بھی نماز عید سے روکنے کے انتظامیہ کے فیصلے پر انتہائی افسوس کا اظہار کرتے ہوئے کہا ہے یہ دینی معاملات میں صریحا مداخلت ہے۔
بنارس کی تاریخی اور مسلم اکثریتی بازار کے انہدام پر کورٹ سے راحت