پہلے وزیرِ اعلیٰ سندھ اللّٰہ بخش سومرو کی صاحبزادی رضیہ سومرو انتقال کر گئیں
اشاعت کی تاریخ: 3rd, February 2025 GMT
---فائل فوٹو
صوبۂ سندھ کے پہلے وزیرِ اعلیٰ شہید اللّٰہ بخش سومرو کی صاحبزادی رضیہ سومرو انتقال کر گئیں۔
اہلِ خانہ کے مطابق رضیہ سومرو نے 100سال کی عمر پائی۔
اہلِ خانہ نے بتایا ہے کہ مرحومہ رضیہ سومرو کی نمازِ جنازہ کل 3 بجے جیکب آباد میں ادا کی جائے گی۔
یہ بھی پڑھیے سندھ کا مقدمہیاد رہے کہ پاکستان کے وجود میں آنے سے قبل اللّٰہ بخش سومرو سندھ کے دو بار وزیرِ اعلیٰ بنے۔
سندھ کے سب سے کم عمر وزیرِ اعلیٰ اللّٰہ بخش سومرو کو 1943ء میں شکار پور میں ایک نامعلوم شخص نے گولی مار کر شہید کر دیا تھا، اس وقت ان کی عمر 42 برس تھی۔
اللّٰہ بخش سومرو کے قتل کے بعد ان کے فرزند رحیم بخش سومرو نے سیاست کی دنیا میں قدم رکھا تھا۔
اسی خاندان کے فرد الہٰی بخش سومرو قومی اسمبلی کے اسپیکر رہ چکے ہیں۔
اس خاندان کے ایک اور فرد اور الہٰی بخش سومرو کے بھتیجے محمد میاں سومرو چیئرمین سینیٹ، نگراں وزیرِ اعظم کے علاوہ وفاقی وزیر بھی رہے ہیں۔
اللّٰہ بخش سومرو کے نواسے حفیظ شیخ پاکستان کے وزیرِ خزانہ رہے ہیں۔
.ذریعہ: Jang News
کلیدی لفظ: رضیہ سومرو
پڑھیں:
کراچی، معافی مانگنے پر پہلے ای چالان پر چھوٹ، 14 دن میں ادائیگی پر جرمانہ آدھا کرنے کا فیصلہ
اجلاس میں آئی جی سندھ غلام نبی میمن نے ضلعی ٹریفک افسران کو ہدایت دیتے ہوئے کہا کہ نئے ٹریفک قوانین و جرمانوں کا نفاذ صوبے بھر میں یکساں ہے، صوبائی سطح پر بغیر نمبر پلیٹ چلنے والی گاڑیوں سمیت ٹریفک کی دیگر خلاف ورزیوں پر نئے قوانین کے مطابق عمل درآمد کو یقینی بنایا جائے۔ اسلام ٹائمز۔ کراچی کے شہریوں کیلیے معافی مانگنے پر پہلا ای چالان منسوخ جبکہ 14 دن میں ادائیگی کی صورت میں چالان کی رقم پچاس فیصد کم کرنے کا فیصلہ کیا گیا ہے۔ تفصیلات کے مطابق آئی جی سندھ غلام نبی میمن کی زیر صدارت فیس لیس ای ٹکٹنک سسٹم اور ٹریفک قوانین پر عملدرآمد سے متعلق دوسرا جائزہ اجلاس سینٹرل پولیس آفس میں منعقد ہوا۔جس میں ایڈیشنل آئی جیز کراچی، ویلفیئرز، ٹریننگ، ڈی جیز، سیف سٹی، ڈی آئی جیز ہیڈ کواٹرز، سندھ پولیس ہائی وے پیٹرول، اسٹیبلشمنٹ، ڈی ایل برانچ، ٹریفک کراچی، آئی ٹی، فنانس، اے آئی جیز نے بالمشافہ جبکہ ڈویژنل ڈی آئی جیز اور ضلعی ایس ایس پیز نے ذریعہ وڈیو لنک کے ذریعے شرکت کی۔
اجلاس میں آئی جی سندھ غلام نبی میمن نے ضلعی ٹریفک افسران کو ہدایت دیتے ہوئے کہا کہ نئے ٹریفک قوانین و جرمانوں کا نفاذ صوبے بھر میں یکساں ہے، صوبائی سطح پر بغیر نمبر پلیٹ چلنے والی گاڑیوں سمیت ٹریفک کی دیگر خلاف ورزیوں پر نئے قوانین کے مطابق عمل درآمد کو یقینی بنایا جائے۔ آئی جی سندھ نے کہا کہ نئے ٹریفک قوانین کی 50 خلاف ورزیوں کا جرمانہ 5 ہزار روپے تک ہے جبکہ جرمانے کی 14 یوم کے اندر ادائیگی کی صورت میں 50 فیصد تک رعایت دی گئی ہے جبکہ 50 خلاف ورزیوں کا رعایتی جرمانہ دو سے ڈھائی ہزار روپے تک ہے۔ انہوں نے کہا کہ آگاہی اور تنبیہہ کے باوجود جرمانے کی عدم ادائیگی کی صورت میں جرمانہ بالترتیب بڑھتا جائے گا جبکہ صوبے کے تمام اضلاع میں ٹریفک قوانین پر عملدرآمد سے متعلق شعور بیداری اور آگاہی مہم تیز کی جائے۔ انہوں نے کہا کہ ٹریفک شکایات سے متعلق ہر ضلع میں سہولت سینٹرز قائم کیے جائیں۔
پاکستان میں ڈیجیٹل معیشت کی ترقی اور فروغ: میٹا کا تعاون مزید بڑھانے کا اعلان