نورا فتیحی کی سالگرہ مداح نے انوکھے انداز میں منا کر اداکارہ کو حیران کردیا
اشاعت کی تاریخ: 11th, February 2025 GMT
بالی وڈ کی مشہور ڈانسر اور اداکارہ نورا فتیحی کے مداحوں نے ان کی سالگرہ ایک منفرد انداز میں منائی۔
فین کلبز نے مستحق بچوں میں کھانا تقسیم کرکے اداکارہ کے لیے اپنی محبت کا اظہار کیا، جو ان کے لیے ایک بہت خوبصورت اور نیک نیتی پر مبنی تحفہ ثابت ہوا۔
نورا فتیحی نے اپنے مداحوں کی اس خوبصورت نیکی پر خوشی کا اظہار کرتے ہوئے انسٹاگرام پر لکھا: "یہ ایک بہت خوبصورت، فیاض اور بے لوث جذبہ ہے! میرے مداحوں کو سلام!"
نورہ فتیحی کی عالمی مقبولیت میں مزید اضافہ ہو رہا ہے۔ حال ہی میں ان کے گانے "Snake" نے زبردست مقبولیت حاصل کی اور ریلیز کے 24 گھنٹوں کے اندر دنیا میں سب سے زیادہ دیکھا جانے والا ویڈیو بن گیا۔
یہ گانا Spotify Global Charts میں تیسرے نمبر پر بھی آ چکا ہے اور 90 ملین سے زائد ویوز حاصل کر چکا ہے۔
اطلاعات کے مطابق، نورا فتیحی جلد ہی Snake کے پروڈیوسر ٹومی براؤن اور مشہور نغمہ نگار تھیرون بلی (جنہوں نے برونو مارس اور روزے کے ساتھ کام کیا) کے ساتھ ایک اور بڑے عالمی پروجیکٹ پر کام کر سکتی ہیں۔
نورا فتیحی کے فینز نہ صرف انہیں سپورٹ کر رہے ہیں بلکہ ان کی سالگرہ کو بھی ایک فلاحی عمل میں بدل کر دوسروں کے لیے مثال قائم کر رہے ہیں۔
.
ذریعہ: Express News
کلیدی لفظ: نورا فتیحی
پڑھیں:
شاہ رخ خان کی 60ویں سالگرہ، بالی ووڈ کنگ نے اپنی کامیابی کا سہرا خواتین کے سر باندھ دیا
بالی وڈ کے بادشاہ شاہ رخ خان، جو آج اپنی 60ویں سالگرہ منا رہے ہیں، نے اپنی کامیابی اور شہرت کا کریڈٹ خود کو نہیں بلکہ اپنی زندگی کی خواتین اور اپنی فلموں کی ہیروئنز کو دیا ہے۔
شاہ رخ خان، جنہوں نے کئی بلاک بسٹر فلموں کے ذریعے فلمی دنیا میں اپنی منفرد پہچان بنائی، کا کہنا ہے کہ ان کی کامیابی میں ان کے ساتھ کام کرنے والی اداکاراؤں کا سب سے بڑا کردار ہے۔
یہ بھی پڑھیے: میں حیران رہ گئی کہ وہ میرا نام کیسے جانتے تھے، دیویا دتہ کی شاہ رخ خان سے پہلی ملاقات کا دلچسپ قصہ
ایک گفتگو میں دی گارڈین سے بات کرتے ہوئے شاہ رخ خان نے کہا کہ میں نے اپنے والد اور والدہ کو بہت جلد کھو دیا، لیکن میری زندگی کی خواتین خاص طور پر اداکاراؤں نے میرا بہت ساتھ دیا۔ جو کچھ میں آج ہوں، وہ انہی کی بدولت ہوں۔ وہ محنت کرتی ہیں، اور آخر میں کریڈٹ مجھے ملتا ہے کیونکہ میں شاہ رخ خان ہوں۔
انہوں نے خواہش ظاہر کی کہ خواتین بھی وہی مقام حاصل کریں جو انہیں ملا، کیونکہ یہ ان کا حق ہے۔
شاہ رخ خان نے مثال دیتے ہوئے کہا، مدھوری دکشٹ نے میرے ساتھ رقص کے مناظر میں میرا ہاتھ تھاما، مگر دراصل وہی مجھے لیڈ کر رہی تھیں۔ جوہی چاولہ نے مجھے کامیڈی ٹائمنگ سکھائی، کاجول نے مجھے رونا سکھایا۔ وہ سب بے پناہ محنت کرتی ہیں، مگر فلم کے آخر میں نام میرا لیا جاتا ہے۔ میں جانتا ہوں کہ یہ حقیقت ہے اور میں اسے کبھی نہیں بھول سکتا کہ میں آج جہاں ہوں، وہ عورتوں کی وجہ سے ہوں۔
یہ بھی پڑھیے: مکیش امبانی یا شاہ رخ خان، امیر ترین بھارتی کون؟ نئی فہرست جاری
اداکار نے مزید کہا کہ وہ اپنے انداز اور رویے کے ذریعے ان اداکاراؤں کا شکریہ ادا کرتے ہیں۔ ان کے بقول ‘میری ساری شرافت، اچھا برتاؤ اور تمیز صرف اس بات کا اظہار ہے کہ میں ان خواتین کا شکریہ ادا کرنا چاہتا ہوں۔ وہ ہر فلم میں شاندار کام کرتی ہیں، اور میں ان کا ہمیشہ احسان مند رہوں گا۔’
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اداکار بالی ووڈ شاہ رخ خان
کراچی، نادرن بائی پاس پر پلاسٹک کے گودام میں آگ لگ گئی