حادثات و پر تشدد واقعات میں خاتون سمیت 6افراد جاں بحق‘5 زخمی
اشاعت کی تاریخ: 12th, February 2025 GMT
کراچی ( اسٹاف رپورٹر ) شہر کے مختلف علاقوں میں حادثات و پر تشدد واقعات میں خاتون سمیت 6افراد جاںبحق جبکہ دیگر واقعات میں بچے سمیت 5افراد زخمی ہوئے ۔ سہراب گوٹھ تھانے کی حدود سپر ہائی وے جمالی پل کلہاڑی چوک کے قریب فائرنگ سے 50سالہ طارق ولد سعید جاں بحق ہوگیا ۔ پورٹ قاسم تھانے کی حدود گھگر پھاٹک ایف ایف بی ایل کمپنی نزد رائس مل کے گروانڈ میں سیکورٹی گارڈ52سالہ بختاور دین ولد زیوردین اتفاقیہ طور پر اپنی ہی گن چلنے سے جاں بحق ہوگیا ۔لیاری بہار کالونی مکی مسجد کے قریب گھر سے پھندا لگی لاش ملی متوفی کی شناخت 33سالہ عبدالرحمن ولد محمد حنیف کے نام سے ہوئی ۔لانڈھی رزاق آباد پیر سرہندی گوٹھ کے قریب گھر میں سیڑھیوں سے گر کر معصوم ڈیڑھ سالہ بچہ شان ولد علاؤالدین جاں بحق ہوگیا ۔ ابراہیم حیدری تھانے کی حدود کورنگی چشمہ گوٹھ دربار کے قریب سے60سالہ خاتون خدیجہ زوجہ دو دھہا کی 5 روز پانی میں ڈوبی ہوئی لاش ملی ۔ مدینہ کالونی تھانے کی حدود بلدیہ ٹاون سیکٹر 19 ڈی قبرستان کے قریب گھر سے70سالہ شخص کی لاش ملی ۔ دوسری جانب نیوکراچی صنعتی ایریا تھانے کی حدود نیو کراچی سیکٹر 11 ایف میں ناصر میڈیکل اسٹور کے قریب نامعلوم سمت سے آنے والی گولی لگنے سے 26سالہ عبدالخالق ولد مبارک حسین ، جمشید کواٹر تھانے کی حدود گرومندر محمد مسجد کے قریب نامعلوم سمت سے آنے والی گولی لگنے سے 26 سالہ بلال ولد محمد صدیق ، ناظم آباد تھانے کی حدود لیاقت آباد نمبر ایک گجر نالے کے قریب نامعلوم سمت سے آنے والی گولی لگنے سے 12سالہ زبیر ولد اصغر علی اور لانڈھی تھانے کی حدود بابر مارکیٹ لانڈھی کے قریب ڈکیتی کے دوران مزاحمت پر 30سالہ عبداللہ ولد عبدالقادر زخمی ہوگئے جبکہ ابراہیم حیدری میں سرکاری اسکول کی چھت کا پلستر گر نے سے کلاس دوئم کا طالب علم سعاد کچھی زخمی ہوگیا۔
.ذریعہ: Jasarat News
کلیدی لفظ: تھانے کی حدود کے قریب
پڑھیں:
کولمبیا کے صدارتی امیدوار پر انتخابی ریلی کے دوران حملہ، سر میں گولیاں لگنے سے شدید زخمی
BOGOTA:کولمبیا کے صدارتی امیدوار میگل یوریبے ٹربے کو گزشتہ روز دارالحکومت بوگوٹا میں انتخابی مہم کے دوران فائرنگ کرکے شدید زخمی کر دیا۔
صدارتی امیدوار کو حملے میں تین گولیاں لگیں، جن میں سے دو گولیاں ان کے سر میں لگیں۔
برطانوی خبر رساں ادارے کی خبر کے مطابق 39 سالہ یوریبے ٹربائے پر ایک مسلح شخص نے اس وقت حملہ کیا جب وہ پارک میں ایک چھوٹے سے جلسے سے خطاب کر رہے تھے، پولیس نے موقع پر ہی ایک شخص کو گرفتار کر لیا۔
یوریبے کی اہلیہ ماریا کلاڈیا ترزونا نے قوم سے ان کی صحت یابی کے لیے دعا کرنے کی اپیل کی، انہوں نے کہا کہ میگل اس وقت اپنی زندگی کے لیے جنگ لڑ رہے ہیں.
یوریبے کی جماعت ’ سنٹرو ڈیموکریٹیکو ‘ نے اس حملے کی شدید مذمت کرتے ہوئے کہا کہ یہ ایک سیاسی رہنما کی جان کو خطرے میں ڈالنے کے مترادف ہے اور کولمبیا میں جمہوریت اور آزادی کے لیے سنگین خطرہ ہے۔"
کولمبیا کے بائیں بازو کے صدر گستاو پیٹرو کی حکومت نے اس حملے کی واضح اور پُر زور مذمت کرتے ہوئے اسے صرف ان کی شخصیت پر نہیں بلکہ جمہوریت کے خلاف بھی ایک حملہ قرار دیا۔
یوریبے نے اکتوبر میں اگلے سال کے صدارتی انتخاب میں حصہ لینے کا اعلان کیا تھا۔ وہ کولمبیا کے ایک معروف سیاسی خاندان سے تعلق رکھتے ہیں اور ان کے والد ایک یونین کے رہنما اور کاروباری شخصیت تھے۔
ان کی والدہ دایانا ٹربائے، ایک صحافی تھیں جنہیں 1991 میں میڈیلن کارٹیل کے قبضے میں ہونے کے دوران اغوا کرنے کے بعد بچانے کی کوشش میں قتل کر دیا گیا تھا۔
بنارس کی تاریخی اور مسلم اکثریتی بازار کے انہدام پر کورٹ سے راحت