اتحادٹائون اورسپرہائی وے پرڈکیتی مزاحمت پر2نوجوان قتل
اشاعت کی تاریخ: 4th, November 2025 GMT
data-id="863a0a8" data-element_type="widget" data-widget_type="theme-post-content.default">
251104-02-19
کراچی (اسٹاف رپورٹر) شہر کے مختلف علاقوں میں حادثات وپر تشدد واقعات میں 6افراد جاںبحق ہوگئے دیگر واقعات میں 3افراد زخمی ہوئے ۔ تفصیلات کے مطابق اتحاد ٹاؤن تھانے کی حدود بلدیہ نواب کالونی، 20 نمبر بس اسٹاپ کے قریب موٹرسائیکل پر سوار تین ملزمان نے ڈکیتی کے دوران مزاحمت پر فائرنگ کر کے 18 سالہ افتخار ولد سعید اللہ پر گولیاں برسا دیں ۔فائرنگ کے نتیجے میں افتخار زخمی ہوا اور خون زیادہ بہہ جانے کی وجہ سے موقع پر ہی جاں بحق ہوگیا۔لواحقین کا کہنا ہے کہ مقتول افتخار موبائل مارکیٹ میں کام کرتا تھا اور پانچ بھائیوں میں سب سے چھوٹا تھا۔ مبینہ ٹاون تھانے کی حدود یونیورسٹی روڈ پر پی ایس او پمپ کے قریب نامعلوم افراد کی فائرنگ سے 20 سالہ عبداللہ ولد مہتاب خان جاں بحق ہوگیا۔ سپرہائی وے پرواقع براق پیٹرول پمپ سچل موڑ کے قریب ڈکیتی کی واردات کے دوران مزاحمت بھتیجا جاں بحق اورچچا زخمی ہوگیا۔ درخشاں تھانے کی حدود ڈی ایچ اے فیز 06 خیابان بخاری کے قریب بنگلہ سے 54 سالہ عامر نواب ولد عبدالغفور کی لاش ملی ،متوفی کی لاش کو قانونی کاروائی کے بعد نجی سردخانے منتقل کر دیا گیا ۔ اسی طرح منگھو پیر تھانے کی حدود نادرن بائی پاس کے قریب جھاڑیوں سے 55 سالہ شخص کی تین روز پرانی لاش ملی ،۔ مبینہ ٹاون کے علاقے سفاری پارک ماڈرن ہسپتال کے قریب تیز رفتار گاڑی کی ٹکر سے موٹر سائیکل سوار30سالہ شخص جاں بحق ہوگیا ، متوفی کی لاش کو جناح ہسپتال منتقل کیا گیا ہے۔گلشن اقبال میں کثیرالمنزلہ رہائشی عمارت کی بالائی منزل سے پُراسرار طور پر گر کر خاتون جاں بحق ہوگئی۔ پولیس نے واقعے کو خودکشی قرار دیا ہے۔ دوسری جانب اورنگی ٹاؤن 05 نمبر غوث الاعظم مسجد کے قریب نامعلوم سمت سے آنے والی گولی لگنے سے 60سالہ محمد مشتر فیروز ولد حافظ عبدالحنید زخمی ہوا ۔ جوہر آباد تھانے کی حدود فیڈرل بی ایریا دستگیر بلاک 14نذد جاوید نہاری مکان نمبر آر 849میں نامعلوم سمت سے آنے والی گولی لگنے سے 23سالہ حسنین ولد محمد بلال اور شارع فیصل تھانے کی حدود ڈی اوایچ سوسائٹی نیشنل اسٹیڈیم روڈ گلی نمبر 12 کے قریب جھگڑے کے دوران فائرنگ سے 28سالہ محمد بلال ولد صلاح الدین زخمی ہوگیا ۔
ذریعہ
ذریعہ: Jasarat News
کلیدی لفظ: تھانے کی حدود کے قریب
پڑھیں:
مستونگ: سیشن جج اور گن مین قاتلانہ حملے میں شہید، ایڈیشنل سیشن جج شدید زخمی
ویب ڈیسک : مستونگ میں ہونے والے قاتلانہ حملے میں سیشن جج مستونگ عبدالحکیم کاکڑ اور گن مین شہید ہو گئے جبکہ ایڈیشنل سیشن جج طارق لاشاری شدید زخمی ہوئے۔
حکومت بلوچستان نے مستونگ حملے کی شدید مذمت کرتے ہوئے دہشت گردوں کے خلاف فیصلہ کن کارروائی کا حکم دے دیاہے۔ معاون وزیر اعلیٰ بلوچستان شاہد رند کا کہنا ہے کہ سیشن جج عبدالحکیم کاکڑ اور ان کے گن مین کی شہادت انتہائی افسوسناک اور قابلِ مذمت ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
معاون وزیر اعلیٰ بلوچستان شاہد رند کے مطابق وکلاء اور ججز کو نشانہ بنانا ایک گہری سازش کا حصہ ہے،دہشت گردوں اور ان کے سہولت کاروں کو کسی صورت نہیں چھوڑا جائے گا۔
وزیراعلیٰ بلوچستان سرفراز بگٹی نے مستونگ حملے میں زخمی ایڈیشنل سیشن جج طارق لاشاری سے رابطہ کرکے ان کی خیریت دریافت کی اوران کی مکمل صحت یابی کے لیے نیک تمناؤں کا اظہار کیاہے۔
وزیراعلیٰ بلوچستان میر سرفراز بگٹی نے زخمی ایڈیشنل سیشن جج سے گفتگو کرتے ہوئے کہاکہ قانون کے محافظوں پر حملہ ناقابل برداشت ہے، ملوث عناصر کو کیفر کردار تک پہنچایا جائے گا،حکومت عدلیہ اور قانون نافذ کرنے والے اداروں کے ساتھ ہر قدم پر کھڑی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار