’اگر پی سی بی نے پابندی لگائی تو‘، علی ترین کی دھمکی آمیز پوسٹ نے ہنگامہ کھڑا کردیا
اشاعت کی تاریخ: 4th, November 2025 GMT
پاکستان سپر لیگ (پی ایس ایل) کی فرنچائز ملتان سلطانز کے مالک علی ترین کی ایک سوشل میڈیا پوسٹ نے شائقین کرکٹ کی توجہ حاصل کر لی ہے، جس میں انہوں نے ایک خاتون وکیل کی فائرنگ کرتی ویڈیو پر طنزیہ انداز میں تبصرہ کرتے ہوئے کہا کہ اگر پی سی بی مجھ پر پابندی لگانے کی کوشش کی تو میں جانتا ہوں کہ مجھے کس کی خدمات حاصل کرنی ہیں۔
If PCB tries to ban me, I know who I’m hiring ???? https://t.
— Ali Khan Tareen (@aliktareen) November 3, 2025
یہ بیان ایسے وقت میں سامنے آیا ہے جب پاکستان کرکٹ بورڈ (پی سی بی) اور ملتان سلطانز کے درمیان فرنچائز اونرشپ کے معاملے پر کشیدگی جاری ہے۔ اس پر سوشل میڈیا صارفین بھی مختلف تبصرے کرتے نظر آئے۔
ایک صارف نے علی ترین کے بیان پر تبصرہ کرتے ہوئے کہا کہ اگلا قانونی نوٹس یعنی آپ نے پاکستان کرکٹ بورڈ (پی سی بی) کو ایکس (سابقہ ٹوئٹر) پر دھمکی دی ہے۔
Next legal notice. YoU threat the PCB ON TWITTER https://t.co/ePTI5UN5rM
— Shilajit Energy Drinks (@shilajitenergyd) November 3, 2025
شیخ آفتاب نے کہا کہ اگر آپ اس خاتون اپنا وکیل رکھنا چاہتے ہیں، تو آپ کو بین کرنا بالکل درست فیصلہ ہوگا۔
If you want to hire her as your counsel, it'd make sense to ban you in the first place. ????????
— Sheikh Aftab (@sheikh_aftab) November 3, 2025
رانا یعقوب نے سوال کیا کہ یہ پی سی بی کو آپ کی آخری وارننگ ہے؟
@aliktareen last warning to PCB? ????
— Rana Yaqub Ishaq (@rana_Yaqub5) November 3, 2025
ذرائع کے مطابق، دسمبر 2025 میں پی ایس ایل ٹیموں کے فرنچائز اونرشپ رائٹس کی 10 سالہ مدت ختم ہو رہی ہے۔ موجودہ فرنچائز مالکان اپنی ٹیموں کے لیے دوبارہ بولی لگا سکتے ہیں، تاہم ملتان سلطانز کے مطابق پی سی بی کی جانب سے بھجوائے گئے قانونی نوٹس میں علی ترین کو بلیک لسٹ کرنے کی دھمکی دی گئی ہے۔
علی ترین نے اس نوٹس کو پھاڑ کر ردعمل دیا اور کہا کہ اگر کسی کو یہ گمان ہے کہ اس طرح کی دھمکیوں سے ہم خاموش ہو جائیں گے، تو یہ ان کی بڑی غلط فہمی ہے۔
یہ بھی پڑھیں: پی سی بی بمقابلہ علی ترین، سوشل میڈیا پر لوگ کس کا ساتھ دے رہے ہیں؟
بعد ازاں، انہوں نے ایک اور سوشل میڈیا پیغام میں کہا کہ وہ پی ایس ایل کو قومی اثاثہ سمجھتے ہیں اور چاہتے ہیں کہ ماضی کے شکوے دور کر کے پی سی بی کے ساتھ ایک نیا تعلق قائم کیا جائے جو شفافیت، تعاون اور اعتماد پر مبنی ہو۔
علی ترین نے پی سی بی چیئرمین محسن نقوی کو ایک خط میں چار اصلاحاتی تجاویز بھی پیش کیں۔ پہلی تجویز تھی کہ پی ایس ایل کمیٹیوں اور ورکنگ گروپس میں فرنچائزز کی نمائندگی۔ دوسری تجویز پی ایس ایل کے عہدوں کے لیے بھرتیوں کے طریقہ کار پر نظرِ ثانی۔ تہسرے نمبر پر پیشہ ورانہ مینجمنٹ اسٹرکچر کا قیام۔ چوتھی اور آخری تجویز فرنچائزز کو باقاعدہ رپورٹنگ کا نظام تھی۔
یہ بھی پڑھیں: علی ترین کی پی ایس ایل پر کڑی تنقید، ’اب جشن نہیں، جوابدہی کی ضرورت ہے‘
ملتان سلطانز کے مالک کا کہنا ہے کہ وہ پی ایس ایل کو مضبوط اور شفاف بنیادوں پر استوار دیکھنا چاہتے ہیں تاکہ یہ لیگ پاکستان کی کرکٹ کے لیے ایک مستحکم ماڈل بن سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی سی بی علی ترین محسن نقوی ملتان سلطانز
ذریعہ
ذریعہ: WE News
کلیدی لفظ: پی سی بی علی ترین محسن نقوی ملتان سلطانز ملتان سلطانز کے سوشل میڈیا پی ایس ایل علی ترین پی سی بی کے لیے کہا کہ
پڑھیں:
ایلون مسک نے ’اوڈیسی‘ کا اے آئی ورژن اسی سال پیش کرنے کا اعلان کردیا
ارب پتی ٹیکنالوجی کاروباری شخصیت ایلون مسک نے اعلان کیا ہے کہ ان کا مصنوعی ذہانت پر مبنی پلیٹ فارم گروک امیجن (Grok Imagine) رواں سال کے اختتام سے پہلے قدیم یونانی رزمیہ شاہکار اوڈیسی پر مبنی ایک مکمل فلم تیار کرے گا۔ مسک کا کہنا ہے کہ یہ فلم شاعر ہومر کی اصل تخلیق کے مطابق ہوگی اور تاریخی اعتبار سے بھی زیادہ درست انداز میں پیش کی جائے گی۔
ایلون مسک نے سماجی رابطے کی ویب سائٹ ایکس پر اپنی پوسٹ میں دعویٰ کیا کہ اے آئی کے ذریعے بنائی جانے والی یہ فلم ہومر کے اصل فن اور کہانی کی حقیقی روح کی عکاسی کرے گی۔ انہوں نے اس اعلان کے ساتھ تقریباً تین منٹ طویل ایک اے آئی ویڈیو بھی شیئر کی، جس میں اوڈیسیئس اور کلیپسو کے درمیان ایک منظر دکھایا گیا ہے۔
Before this year ends, Grok Imagine will make a full-length movie of The Odyssey that is historically accurate and true to the art of Homer https://t.co/bVHzUmY9WN
— Elon Musk (@elonmusk) July 22, 2026اس سے قبل بھی ایلون مسک نے ایک صارف کی اس تجویز کی حمایت کی تھی کہ ہدایت کار میل گبسن تقریباً 100 ملین ڈالر کی لاگت سے اوڈیسی پر ایسی فلم بنائیں جس میں تاریخی طور پر درست جہاز، ہتھیار، زرہیں، کردار اور ہومر کی اصل نظم کے مکالمے شامل ہوں۔ اس تجویز پر مسک نے مختصر جواب دیتے ہوئے کہا تھا، ’میں تیار ہوں۔‘
دوسری جانب ایلون مسک حالیہ دنوں میں برطانوی نژاد امریکی فلم ساز کرسٹوفر نولن کی فلم اوڈیسی پر بھی سخت تنقید کرتے رہے ہیں۔ ان کا الزام ہے کہ نولن نے ایوارڈز حاصل کرنے کی غرض سے اصل داستان میں تبدیلیاں کیں۔ انہوں نے فلم کی کاسٹنگ پر بھی اعتراض اٹھایا، خاص طور پر اداکارہ لوپیٹا نیونگو کو ہیلن آف ٹرائے کے کردار میں لینے کے فیصلے کو تنقید کا نشانہ بنایا، جبکہ ایک موقع پر نولن کو ’نسل پرستانہ رویہ رکھنے والا‘ فلم ساز بھی قرار دیا۔
تاہم ایلون مسک کی تنقید کے باوجود کرسٹوفر نولن کی اوڈیسی نے باکس آفس پر شاندار آغاز کیا ہے۔ باکس آفس رپورٹس کے مطابق فلم نے ریلیز کے پہلے ہفتے میں دنیا بھر سے 264.06 ملین ڈالر سے زائد کا بزنس کیا، جس کے بعد اسے رواں برس کی نمایاں کامیاب فلموں میں شمار کیا جا رہا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار