انسان کو اس جگہ کی عزت کرنی چاہیے جہاں اسے عزت، دولت، شہرت ملی ہو: مشی کی صبا پر تنقید
اشاعت کی تاریخ: 30th, October 2025 GMT
پاکستانی شوبز انڈسٹری سے منسلک معروف اداکارہ و میزبان مشی خان نے نامور اداکارہ صبا قمر کو کراچی سے متعلق ان کے بیان پر آڑے ہاتھوں لے لیا۔
فوٹوز اینڈ ویڈیوز شیئرنگ پلیٹ فارم انسٹاگرام پر ویڈیو بیان جاری کرتے ہوئے انہوں نے صبا قمر کو کراچی کے لیے ’استغفر اللّٰہ‘ کے الفاظ استعمال کرنے پر کھری کھری سنا دی۔
انہوں نے کہا، ’’مجھے بہت دکھ ہوا جب صبا قمر نے کراچی کا نام سنتے ہی بلاجھجک ’استغفر اللّٰہ‘ کہا، جو مجھے اچھا نہیں لگا۔ کراچی میرا آبائی شہر ہے، یہ وہی شہر ہے جہاں لاہور کے فنکاروں کو نام ملا، شہرت ملی، عزت ملی، ان کے ہنر کو دنیا میں پہچان ملی۔ کراچی آکر خوب پیسہ بھی کمایا، یہاں رہتے بھی ہیں۔‘‘
View this post on InstagramA post shared by Mishi Khan MK (@mishikhanofficial2)
ان کا کہنا تھا کہ ’صبا آپ نے کراچی کے چینلز سے زیادہ کام کیا، آپ نے بھارت میں بھی کام کیا ہے۔ کیا آپ نے وہاں کسی کو سنا کہ کوئی ممبئی کی برائی کر رہا ہے؟ ممبئی میں بھی بہت سے مسائل ہیں، چھوٹے چھوٹے گھر ہیں، جہاں ہوا بھی نہیں آتی، لیکن کبھی کسی فنکار نے ممبئی کے بارے میں ایسا نہیں کہا کیونکہ وہ مختلف جگہوں سے ممبئی آکر اپنا نام بناتے ہیں۔‘
مشی خان کا کہنا تھا کہ ’آپ ایک اچھے مقام پر ہیں، اتنا اچھا کام بھی کر رہی ہیں، آپ کا کراچی کے بارے میں اس طرح کہنا اچھا نہیں لگا۔ یہاں آکر جاب کرتے ہیں، کیریئر بناتے ہیں اور پھر اسی شہر کو برا کہتے ہیں یہ نامناسب ہے۔‘
اداکارہ کا کہنا ہے کہ بے شک آپ کو کراچی اچھا نہیں لگا تو آپ کو مختلف انداز میں اسے بیان کرنا چاہیے تھا، بہتر الفاظ کا استعمال کرنا چاہیے تھا۔ ہم سب کراچی سے ہیں، ہمیں بہت برا محسوس ہوا جس طرح آپ نے ’استغفر اللّٰہ‘ کہا۔ انسان کو اس جگہ کی ہمیشہ قدر و عزت کرنی چاہیے جہاں آپ نے عزت، دولت، شہرت سب کچھ حاصل کیا ہو۔
انہوں نے یہ بھی کہا کہ آپ بہت اچھا کام کر رہی ہیں، الفاظ کا چناؤ بہت ضروری ہوتا ہے کسی بھی شہر کے لیے، پاکستان کے تمام شہر بہت اچھے ہیں۔ انہی شہروں سے پاکستان بنا ہے۔
.ذریعہ: Daily Mumtaz
پڑھیں:
صارفین پر لیوی میں اضافہ ایک آپشن ہے، وزیر پٹرولیم
کراچی (نیوز ڈیسک) وفاقی وزیر پٹرولیم علی پرویز ملک نے کہا ہے کہ پٹرولیم صارفین پر لیوی میں اضافہ ایک آپشن ہے تاہم ابھی فیصلہ نہیں ہوا۔
ایڈیشنل سیکرٹری جنرل پی ٹی آئی فردوس شمیم نقوی نے کہا کہ سیاسی کمیٹی کا بنیادی مقصد پوری پی ٹی آئی کو ایک منظم جماعت بنانا ہے۔
نجی ٹی وی کے پروگرام میں گفتگو کرتے ہوئے انہوں نے کہا کہ تحریک انصاف نے نئی سیاسی کمیٹی کا اعلان کر کے اپنی صفوں میں اختلافات کو جنم دیا ہے۔
اُنہوں نے مزید کہا کہ اقوام متحدہ کے خصوصی نمائندے نے عمران خان کے ساتھ جیل میں ناروا سلوک کی اطلاعات پر تشویش کا اظہار کیا اور فوری اور مؤثر کارروائی کا مطالبہ کیا۔
پیٹرولیم ڈویژن نے تجویز دی ہے کہ گردشی قرضے کے خاتمے کے لیے پیٹرول اور ڈیزل پر 5 روپے فی لیٹر لیوی عائد کی جائے۔ اس کا مطلب یہ ہے کہ ہر پاکستانی خواہ اس کے پاس گیس کا کنکشن ہو یا نہ ہو حکومت کی غلط پالیسیوں کا بوجھ اٹھائے گا۔
وفاقی وزیر پٹرولیم علی پرویز ملک نے کہا کہ گیس کے گھریلو صارفین ایک کروڑ کے قریب ہیں ۔ 18 سو ارب کا ہم نے ایندھن استعمال کر لیا ہے اس کی ادائیگی کرنی ہے یا نہیں کرنی ہے میرے لیے نقصان کو مینج کرنا اس وقت بڑا چیلنج ہے توانائی کے شعبے میں گردشی قرض کا مسئلہ حل کرنا ہے آپ کے پاس کوئی بہتر حل ہے تو بتا دیں۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر