برطانیہ میں قرآن مجید جلانے کی کوشش کرنے والے ملعون پر حملہ
اشاعت کی تاریخ: 14th, February 2025 GMT
لندن:ترک قونصل خانے کے باہر قرآن مجید کو جلانے کی کوشش کرنے والے ایک ملعون شخص پر چاقو حملے کا واقعہ پیش آیا ہے۔ یہ صورت حال اس وقت پیدا ہوئی جب ملعون شخص نام نہاد احتجاج کی آڑ لے کر قرآن مجید کو جلانے کی ناکام کوشش کے لیے وہاں پہنچا۔
بین الاقوامی خبر رساں اداروں کے مطابق ملعون شخص نے ترک سفارت خانے کے سامنے قرآن مجید کو جلانے کی ناپاک کوشش کی، تاہم اس کے ارادے کو ایک راہگیر نے ناکام بنا دیا۔ اس حوالے سے میڈیا پر آنے والی فوٹیج میں دیکھا جا سکتا ہے کہ راہ گیروں میں سے ایک شخص نے ملعون پر حملہ کر کے اسے زمین پر گرایا اور اس کے ہاتھ سے قرآن مجید کا نسخہ لے لیا۔بعد ازاں راہگیر نے اس شخص پر گھونسوں اور لاتوں کی بارش کر دی۔
سوشل میڈیا پر وائرل ہونے والی وڈیو میں یہ بھی دیکھا جا سکتا ہے کہ راہگیر نے چاقو سے حملہ کر کے اس ملعون شخص کو شدید زخمی کر دیا، جس کے بعد پولیس اہلکاروں نے موقع پر پہنچ کر ملعون شخص کو مشتعل ہجوم سے بچایا اور ایمبولینس کے ذریعے قریبی اسپتال منتقل کیا، جہاں اس کی حالت خطرے سے باہر بتائی گئی ہے۔
پولیس نے چاقو سے حملہ کرنے والے راہگیر کو بھی حراست میں لے لیا ہے اور اس سے پوچھ گچھ کی جا رہی ہے،تاہم پولیس نے نہ تو قرآن پاک جلانے کی کوشش کرنے والے ملعون شخص کی شناخت ظاہر کی ہے اور نہ ہی راہگیر کی۔
یہ واقعہ برطانیہ میں مذہبی منافرت اور تشدد کے بڑھتے ہوئے رجحان کی ایک اور مثال ہے۔ قرآن پاک کو جلانے کی کوشش کرنے والے شخص کا یہ اقدام نہ صرف مسلمانوں کے جذبات کو مجروح کرتا ہے بلکہ یہ مذہبی ہم آہنگی کے لیے بھی ایک بڑا چیلنج ہے۔ پولیس کی جانب سے معاملے کی تفتیش جاری ہے اور قانونی کارروائی کی جا رہی ہے۔
.ذریعہ: Jasarat News
کلیدی لفظ: جلانے کی کوشش کرنے والے کو جلانے کی
پڑھیں:
آبروئے صحافت، معمار نوائے وقت مجید نظامی کی برسی آج منائی جارہی ہے۔
آبروئے صحافت، معمار نوائے وقت مجید نظامی کی برسی آج 26 جولائی کو منائی جارہی ہے۔ مجید نظامی 26 جولائی 2014ء کو اپنے خالق حقیقی سے جا ملے تھے۔ مجید نظامی نے پوری زندگی نظریہ پاکستان کے تحفظ کے لئے گزاری۔ میدان صحافت میں ان کی جرات مندی کی مثالیں دی جاتی ہیں۔ اس کی جھلک نوائے وقت میں ہمیشہ نظر آتی ہے۔ انہوں نے ہمیشہ قائد اعظم اور علامہ اقبال کے افکار کو آگے بڑھایا اور نوجوان نسل کو دو قومی نظریہ کی اہمیت سے آگاہ کیا۔ مجید نظامی ملک کی بقاء، سلامتی اور ترقی وخوشحالی کے لئے درد دل رکھنے والے انسان تھے۔ ان کی برسی کے موقع پر ملک بھر سمیت سعودی عرب اور مسجد نبوی میں مجید نظامی سے عقیدت رکھنے والے افراد خصوصا پاکستان مسلم لیگ ن سعودی عرب سعودی عرب کے مرکزی جنرل سیکریڑی وزیر اعظم یوتھ پروگرام کے فوکل پرسن ملک منظور حسین۔ اعوان ، جنرل سیکریڑی مسلم لیگ ن جدہ ریجن ، جاوید اقبال بٹ صدر مسلم لیگ ن مدینہ منورہ ،صدر مسلم لیگ ن مکہ مکرمہ سردار محمد صدیق ۔ صدر مسلم لیگ ن تبوک محمد سفیر چوھان اور سرپرست اعلی رانا محمد اشرف نے ان کے درجات کی بلندی کے لئےفاتحہ خوانی اور دعائیں کیں۔ اس کے ساتھ نوائے وقت کے ہیڈآفس سمیت ملک بھر کے دفاتر میں ان کے ایصال ثواب کے لئے کارکنان کی جانب سےخصوصی قرآن خوانی، فاتحہ خوانی اور دعائیں بھی کی گئیں۔
ڈاکٹر عافیہ صدیقی کیس،اسلام آباد ہائیکورٹ کا وزیراعظم سمیت وفاقی کابینہ کو طلب کرنے کا عندیہ