مجھے اُدت جی کیطرح پیار کرو؛ فرح خان کی ثانیہ اور شعیب کے بیٹے سے فرمائش؛ ویڈیو وائرل
اشاعت کی تاریخ: 17th, February 2025 GMT
بھارتی فلم انڈسٹری کی معروف کوریوگرافر اور فلم ساز فرح خان کے ایک مذاق نے سوشل میڈیا کو زعفران زار بنا دیا۔
ٹینس اسٹار ثانیہ مرزا پاکستانی کرکٹر شعیب ملک کی سابق اہلیہ ہیں اور دونوں کا بیٹا اذلان اس وقت اپنی ماں کے ساتھ ہی رہتا ہے۔
فرح خان اور ثانیہ مرزا کی دوستی بھی کافی پُرانی ہیں اور دونوں ملاقات کا کوئی موقع ہاتھ سے جانے نہیں دیتیں۔
ثانیہ مرزا اپنے بیٹے کے ساتھ فرح خان کے گھر دعوت پر مدعو تھیں جہاں کوریو گرافر نے ولاگ بھی بنایا اور مداحوں سے شیئر کیا۔
View this post on InstagramA post shared by DNA India (@dna_india)
اس ولاگ میں دیکھا جا سکتا ہے کہ ایک موقع پر فرح خان نے کھیل میں مصروف ثانیہ مرزا کے بیٹے کو روکا اور کہا کہ مجھے ادت جی کی طرح پیار کرو۔
یہ جملہ سُن کر قریب بیٹھی ثانیہ مرزا بھی ہنس ہنس کر لوٹ پوٹ ہوگئیں جب کہ اذلان نے اپنا چہرہ ہاتھوں سے ڈھانپ لیا جیسے شرما رہا ہو۔
ولاگ دیکھنے والے بھی فرح خان کے اس ریمارکس پر اپنی ہنسی نہ روک سکے اور ہنسنے والی ایموجی کا طوفان اُمڈ آیا۔
دراصل چند روز قبل ہی ایک ویڈیو وائرل ہوئی تھی جس میں لیجنڈری گلوکار ادت نارائن کو پرفارمنس کے دوران ایک خاتون مداح کو بوسہ کرتے دیکھا گیا تھا۔
اس ویڈیو پر کہرام مچ گیا تھا اور سوشل میڈیا صارفین نے گلوکار کو شدید تنقید کا نشانہ بنایا تھا تاہم اس پر میمز بھی بنے تھے جس میں خوب مذاق بھی اُڑایا گیا تھا۔
.ذریعہ: Express News
کلیدی لفظ: ثانیہ مرزا
پڑھیں:
خیبرپختونخوا میں کرکٹ کا زیادہ ٹیلنٹ موجود ہے، شعیب ملک
قومی کرکٹ ٹیم کے سابق کپتان شعیب ملک نے کہا ہے کہ خیبرپختونخوا میں کرکٹ کا زیادہ ٹیلنٹ موجود ہے اس لیے یہاں آیا ہوں۔
یہ بات انہوں ںے پشاور میں منعقدہ ’’ٹیلنٹ ہنٹ‘‘ کرکٹ ایپ کی لانچنگ تقریب سے خطاب کرتے ہوئے کہی۔ انہوں نے کہا کہ اس میں کوئی دو رائے نہیں کہ پاکستان کرکٹ ڈاؤن ہوئی ہے، کرکٹ کی بہتری کے لیے ڈومیسٹک اسٹرکچر کو بہتر کرنا پڑے گا، اچھے کھلاڑی ڈومیسٹک سے ہی آئیں گے، ڈومیسٹک کرکٹ کو مضبوط بنانے سے گرین شرٹس دوبارہ عروج حاصل کرسکتی ہیں۔
شعیب ملک نے کہا کہ خیبرپختونخوا میں کرکٹ ٹیلنٹ موجود ہے اس لیے یہاں آیا ہوں، سعودیہ کے لیے یہاں ٹیلنٹ ڈھونڈ کر وہاں اسکالر شپ پر لے جانا احسن اقدام ہے، اس سے یہاں موجود کرکٹرز کو بھی فائدہ ہو گا۔
دریں اثنا تقریب میں سابق افغان ٹیم کوچ کبیر خان نے بھی شرکت کی اور کہا کہ انڈر 16 سے انڈر 19 کرکٹ کو بڑے اسٹیڈیمز تک لانا وقت کی ضرورت ہے۔ ان کا کہنا تھا کہ ملک کے لیے کھیلنے کا جذبہ اور خالص نیت ہی دنیائے کرکٹ پر کامیابی کا اصل راز ہے۔ کبیر خان نے مزید کہا کہ محنت، لگن اور تسلسل وہ عناصر ہیں جو پاکستان کو ٹی ٹوئنٹی، ٹیسٹ اور ون ڈے کرکٹ میں دوبارہ فتوحات کی راہ پر گامزن کرسکتے ہیں۔
"ٹیلنٹ ہنٹ" ایپ کے منتظمین کے مطابق اس پلیٹ فارم کے ذریعے نئے کرکٹرز کو تلاش کرکے سعودی عرب سمیت مختلف بین الاقوامی لیگز میں نمائندگی کے مواقع فراہم کیے جائیں گے۔
تقریب میں نوجوان کھلاڑیوں، کوچز اور کرکٹ کے شائقین کی بڑی تعداد نے شرکت کی جبکہ شرکاء نے اس اقدام کو خیبرپختونخوا میں اسپورٹس کی بحالی کی جانب اہم قدم قرار دیا۔
وفاقی محتسب نے اردو یونیورسٹی کے وائس چانسلر کے بیانات کو صنفی امتیاز قرار دے دیا