’صفا کوئٹہ‘ پراجیکٹ کے توسیع منصوبے کا افتتاح
اشاعت کی تاریخ: 19th, February 2025 GMT
وزیر اعلیٰ بلوچستان میر سرفراز بگٹی نے ’صفا کوئٹہ‘ پراجیکٹ کے توسیعی منصوبے کا افتتاح کردیا ہے۔
’صفا کوئٹہ‘ پراجیکٹ کی افتتاحی تقریب سے خطاب کر تے ہوئے وزیراعلیٰ بلوچستان میر سرفراز بگٹی نے کہا کہ کوئٹہ ہم سب کا گھر ہے جس کی صفائی ستھرائی کے لیے ہر فرد نے اپنا کردار ادا کرنا ہے، شہر کی خوبصورتی اور صفائی ستھرائی کے لیے ہر ممکن تعاون جاری رکھا جائے گا۔
یہ بھی پڑھیں: کوئٹہ ڈویژن کے لاتعداد مسائل ہیں جو چند ماہ میں حل نہیں ہو سکتے، کمشنر کوئٹہ ڈویژن
میرسرفراز بگٹی نے کہا کہ جب کوئی خواب حقیقت میں ڈھلتا ہے تو باعث مسرت ہوتا ہے، میں آج انتہائی خوشی محسوس کررہا ہوں اور اس خوشی کا سب سے زیادہ کریڈٹ ان بچوں کو جاتا ہے جو نیلے یونیفارم میں ملبوس ہو کر مشکل حالات میں کوئٹہ میں صفائی کے فرائض انجام دے رہے ہیں، میں ان کی محنت اور لگن کو خراج تحسین پیش کرتا ہوں۔
وزیر اعلیٰ بلوچستان میر سرفراز بگٹی "صفا کوئٹہ" پروجیکٹ کے زون 2،3،4 توسیعی منصوبے کی افتتاحی تقریب سے خطاب کررہے ہیں@PakSarfrazbugti#SafaQuettaByCMBalochistan pic.
— Muhammad Hanzala (@Hanzalamalik97) February 19, 2025
انہوں نے کہا کہ ایسے منصوبے مشکلات کا شکار ضرور ہوتے ہیں کیونکہ بعض عناصر نہیں چاہتے کہ ان کی من مانیاں ختم ہوں اور کوئٹہ جیسے شہر میں ترقیاتی تبدیلی آئے۔
یہ بھی پڑھیں: آدھی زندگی جیل میں رہنے والے خان علی پوٹلی کوئٹہ کے قبرستانوں کو سرسبز کرنے کے لیے پرعزم
وزیر اعلیٰ میرسرفراز بگٹی نے کہا کہ حکومت بلوچستان میرے تمام وزرا اور کوئٹہ کے تمام منتخب نمائندے ’صفا کوئٹہ‘ کے شانہ بشانہ کھڑے ہیں اور اس منصوبے کو کامیاب بنانے کے لیے ہر ممکن تعاون فراہم کریں گے حکومت بلوچستان مکمل طور پر ’صفا کوئٹہ‘ کی حمایت جاری رکھے گی اور کسی قسم کی رکاوٹ کو برداشت نہیں کیا جائے گا۔
انہوں نے خبردار کیا کہ کسی بھی قسم کی بلیک میلنگ قبول نہیں کی جائے گی، اگر کوئی ہڑتال کرنا چاہتا ہے تو وہ پورا سال کرے مگر عوامی مفاد کے خلاف دباؤ قبول نہیں کیا جائے گا۔
بحیثیت ایک عام شہری، میں کوئٹہ میں صفائی کی اس زبردست تبدیلی کو دیکھ کر واقعی خوش ہوں! ???? وزیر اعلیٰ سرفراز بگٹی کی قیادت میں صفا کوئٹہ نے شہر کو صاف اور بہتر بنانے کا کام شاندار انداز میں انجام دیا ہے۔ ????✨ صاف کوئٹہ، خوبصورت کوئٹہ! #SafaQuettaByCMBalochistan pic.twitter.com/p79SZK9uIK
— مسٹر پاکستانی (@MrPakistani89) February 19, 2025
وزیراعلیٰ بلوچستان میرسرفراز بگٹی نے کہا کہ بلوچستا ن کے عوام نے مجھے یہ اختیار دیا ہے کہ میں عام شہری کی خدمت کروں، اس خدمت میں کوئی رکاوٹ برداشت نہیں کی جائے گی۔
یہ بھی پڑھیں: کیا کوئٹہ کا پانی پینے کے لیے غیر موزوں ہے؟
انہوں نے اعلان کیا کہ ’صفا کوئٹہ‘ پروجیکٹ کو مزید وسعت دی جائےگی اور اس کا دائرہ پورے ضلع کوئٹہ تک پھیلایا جائے گا۔
میر سرفراز بگٹی نے کہا کہ وہ روزانہ ’صفا کوئٹہ‘ کی سوشل میڈیا رپورٹس کا جائزہ لیتے ہیں، شہر سے متعلق عوام کی رائے کو مدنظر رکھ کر فیصلے کیے جاتے ہیں۔
ان کا کہنا تھا کہ کوئٹہ میں مزید ترقیاتی منصوبے بھی جلد شروع کیے جائیں گے خاص طور پر ائیرپورٹ روڈ کو بین الاقوامی معیار کے مطابق بنایا جائے گا تاکہ شہر کی خوبصورتی میں اضافہ ہوسکے ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بلوچستان پاکستان سرفراز بگٹی صفا کوئٹہ پراجیکٹ کوئٹہذریعہ: WE News
کلیدی لفظ: بلوچستان پاکستان سرفراز بگٹی کوئٹہ میر سرفراز بگٹی بلوچستان میر وزیر اعلی صفا کوئٹہ نہیں کی جائے گا کے لیے
پڑھیں:
لاہورمیں الیکٹرک ٹرام منصوبہ مؤخر، فنڈز سیلاب متاثرین کو منتقل
لاہور، پنجاب کے وزیرِ ٹرانسپورٹ بلال اکبر نے اعلان کیا ہے کہ کینال روڈ پرالیکٹرک ٹرام منصوبہ آئندہ سال فروری میں شروع نہیں کیا جا سکے گا۔وزیر ٹرانسپورٹ بلال اکبر کے مطابق منصوبے کے لیے مختص 130 ارب روپے کا فنڈ سیلاب متاثرین کی بحالی کے لیے منتقل کیا جا رہا ہے۔ انہوں نے کہا کہ منصوبے کو مؤخرکرنے کے باوجود محکمہ ٹرانسپورٹ نے تین نئی تجاویز تیار کی ہیں، جو دسمبر میں وزیر اعلیٰ پنجاب کو پیش کی جائیں گی۔انہوں نے بتایا کہ ٹرام منصوبے کے ساتھ لاہور کے ٹرانسپورٹ نیٹ ورک کو ازسرِنوترتیب دیا جا رہا ہے تاکہ مستقبل میں جدید اور پائیدارسفری سہولیات فراہم کی جا سکیں۔
2009 میں لاہور کے لیے چار میٹرولائنز کی ضرورت تھی، تاہم تازہ ترین اسٹڈی کے مطابق اب شہر میں کم از کم چھ میٹرو لائنز درکار ہیں۔چند روزمیں گوجرانوالہ اورفیصل آباد میٹرو منصوبوں کی گراؤنڈ بریکنگ تقریب منعقد کی جائے گی، جس کے بعد کینال روڈ ٹرام منصوبے پر بھی کام شروع کیا جائے گا، ورلڈ بینک کے تعاون سے 25 کروڑ ڈالرز کی لاگت سے لاہور میں 400 نئی الیکٹرک بسیں شامل کی جا رہی ہیں۔حکومت کی کوشش ہے کہ آنے والے برسوں میں لاہور میں ایک سے دو نئی میٹرو لائنز کا اضافہ کر کے شہریوں کے سفر کو مزید آسان اور ماحول دوست بنایا جائے۔
صدر ٹرمپ کا دورہ جاپان، سرمایہ کاری کے بجائے صحت موضوعِ بحث بن گئی