شہر قائد میں ڈکیتی مزاحمت پر ایک اور شخص قتل، 2 ماہ میں تعداد 13 ہو گئی
اشاعت کی تاریخ: 20th, February 2025 GMT
کراچی:
شہر قائد میں ڈکیتی کے دوران مزاحمت پر ایک شخص کو قتل کردیا گیا۔ رواں برس ڈاکوؤں کے ہاتھوں جان سے جانے والے شہریوں کی تعداد 13 ہو گئی۔
بلدیہ اتحاد ٹاؤن میں نامعلوم ملزمان کی فائرنگ سے زخمی ہونے والا شخص دوران علاج اسپتال میں چل بسا۔ پولیس کے مطابق واقعہ ڈکیتی کے دوران مزاحمت کا ہے۔ اتحاد ٹاؤن میں ابوہریرہ مسجد کے قریب بلدیہ ہوم اسٹریٹ میں واردات کے دوران ڈاکو کے گولی مارنے سے شہری زخمی ہوا۔
زخمی کو طبی امداد کے لیے ٹراما سینٹر سول اسپتال منتقل کیا گیا، جہاں وہ زخموں کی تاب نہ لاتے ہوئے چل بسا۔ جاں بحق شخص کی شناخت 28 سالہ محمد عمر ولد محمد قاسم کے نام سے ہوئی۔
پولیس نے قانونی کارروائی کے بعد لاش ورثا کے حوالے کردی اور وقعے کی تحقیقات شروع کردی۔
ڈکیتی مزاحمت پر قتل ہونے والے نوجوان محمد عمر کے کزن یار خلیل نے بتایا کہ محمد عمر گzشتہ شب بلدیہ اتحاد ٹاؤن میں واقع اپنی رہائش گاہ کے باہر اپنے دوستوں کے ساتھ بیٹھا ہوا تھا۔اس دوران موٹرسائیکل سوار مسلح 2 ملزمان آئے اور لوٹ مار شروع کردی۔عمر نے ملزمان کو موبائل فون یا پرس نہیں دیا، جس پر انہوں نے فائرنگ کردی۔
انہوں نے بتایا کہ مقتول عمر ایک ماہ قبل دبئی سے پاکستان آیا تھا۔مقتول عمر دبئی میں والد کے ساتھ کپڑے کا کاروبار کرتا تھا۔ ان کا آبائی تعلق درہ آدم خیل سے تھا۔ جب کہ مقتول 5 بھائیوں میں دوسرے نمبر پر تھا اور غیر شادی شدہ تھا۔
انہوں نے حکومت سے واقعے میں ملوث ملزمان کی گرفتاری کا مطالبہ کیا ہے۔
.ذریعہ: Express News
پڑھیں:
سیاست کو کھیلوں سے الگ رکھنا ضروری ہے، محمد فیصل
برطانیہ میں پاکستانی ہائی کمشنر ڈاکٹر محمد فیصل کا کہنا ہے کہ کھیلوں کی اصل روح کو زندہ رکھا جانا چاہیے اور سیاست کو کھیلوں سے الگ رکھنا ضروری ہے۔
انہوں نےیو اے ای میں جاری ایشیا کپ میں پاکستان کے خلاف میچ کے دوران بھارت کے رویے پر افسوس کا اظہار کرتے ہوئے کہا یہ کرکٹ نہیں ہے، ایک ملک نے بین الاقوامی کرکٹ میچ کو سیاست کی نذر کرنے کی کوشش کی۔
ان خیالات کا اظہار انہوں نے مشرقی لندن میں قائم معروف وانسٹڈ اینڈ سنئیرز بروک کرکٹ کلب کے وفد سے ملاقات کے دوران کیا۔
یہ کلب ایسیکس پریمیئر لیگ میں نمایاں حیثیت رکھتا ہے اور جلد ہی پاکستان کے دورے پر روانہ ہو رہا ہے۔
وفد میں کلب کے صدر مسٹر لین اینوخ، کپتان عرفان اکرم اور دورے کے منتظمین عدنان اکرم اور فاروق عثمان شامل تھے۔
اس موقع پر پاکستان کے مجوزہ دورے کے حوالے سے تبادلۂ خیال کیا گیا۔
وانسٹڈ اینڈ سنئیرز بروک کرکٹ ٹیم اپنے دورۂ پاکستان کے دوران متعدد شہروں کا سفر کرے گی جن میں لاہور، سیالکوٹ، جہلم، اسلام آباد، گلگت اور اسکردو شامل ہیں۔
اس کے ساتھ ساتھ وفد کو ان شہروں کے تاریخی مقامات کی سیر کرائی جائے گی تاکہ مہمان کھلاڑی پاکستان کی تہذیب، ثقافت اور روایات سے براہِ راست آشنا ہو سکیں۔
یہ دورہ پاکستان ہائی کمیشن لندن کی ان کوششوں کا حصہ ہے جن کا مقصد برطانیہ اور پاکستان کے درمیان کرکٹ کے ذریعے ثقافتی سفارتکاری کو فروغ دینا ہے۔
دریائے چناب میں سیلابی صورتحال، ٹرین سروس معطل