مٹیاری میں پہلی مرتبہ میگا سرجیکل کیمپ کا انعقاد
اشاعت کی تاریخ: 23rd, February 2025 GMT
مٹیاری(نمائندہ جسارت)ڈسٹرکٹ ہیڈکوارٹر اسپتال مٹیاری میں پہلی بار میگا سرجیکل کیمپ کا انعقاد کیا گیا، جس کی نگرانی میڈیکل سپرنٹنڈنٹ ڈاکٹر عبدالسلام میمن اور ڈسٹرکٹ ہیلتھ آفیسر (ڈی ایچ او) پیر غلام حسین نے کی۔ اس کیمپ کا افتتاح سندھ اسمبلی کے رکن مخدوم فخر زمان نے ڈپٹی کمشنر محمد یوسف شیخ کے ہمراہ 13 فروری کو کیا۔ایک ہفتے تک جاری رہنے والے اس کیمپ میں ڈاکٹروں نے 53 مریضوں کا معائنہ کیا، جن میں سے 30 مریضوں کو آپریشن کے لیے منتخب کیا گیا۔ 21 اور 22 فروری کو معروف سرجن ڈاکٹر ارشد ابڑو نے ڈاکٹر عادل قاضی اور ڈاکٹر ولید قاضی کے ساتھ مل کر ڈی ایچ کیو مٹیاری میں 14 مریضوں کے کامیاب آپریشن کیے، جبکہ 16 پیچیدہ کیسز کو مزید علاج کے لیے لیاقت یونیورسٹی اسپتال منتقل کیا گیا۔ ان مریضوں کے تمام اخراجات ڈسٹرکٹ ہیڈکوارٹر اسپتال مٹیاری برداشت کرے گا، جبکہ LUHMS میں بھی انہی ماہر سرجنز کی ٹیم آپریشن کرے گی۔میگا سرجیکل کیمپ کی اختتامی تقریب 22 فروری کو ڈی ایچ کیو مٹیاری میں منعقد ہوئی، جس میں ڈپٹی کمشنر محمد یوسف شیخ، ڈی ایچ او پیر غلام حسین اور میڈیکل سپرنٹنڈنٹ ڈاکٹر عبدالسلام میمن نے خصوصی طور پر شرکت کی۔ کیمپ کے انتظامی امور کی قیادت ڈاکٹر اے ڈی ببر نے کی، جنہوں نے اس کی کامیابی میں اہم کردار ادا کیا۔ڈپٹی کمشنر مٹیاری محمد یوسف شیخ نے اس موقع پر کہا یہ میگا سرجیکل کیمپ ضلع مٹیاری کے عوام کے لیے ایک بڑی سہولت ہے، جس سے مریضوں کو مفت علاج اور بہترین طبی سہولیات میسر آئیں۔ مستقبل میں ہم ایسے مزید طبی کیمپس کا انعقاد کریں گے اور عوام کو جدید اور معیاری صحت کی سہولیات فراہم کرنے کے لیے ہر ممکن اقدامات کیے جائیں گے۔یہ پہلا موقع ہے کہ ضلع مٹیاری میں اس نوعیت کا میگا سرجیکل کیمپ منعقد کیا گیا، جس نے عوام کو جدید طبی سہولیات فراہم کرنے کی ایک نئی راہ ہموار کی ہے۔
.ذریعہ: Jasarat News
کلیدی لفظ: مٹیاری میں کیا گیا کے لیے ڈی ایچ
پڑھیں:
محسن نقوی کا اسلام آباد کے دو میگا پراجیکٹس دسمبر کے اوائل میں کھولنے کا اعلان
وفاقی وزیر داخلہ محسن نقوی نے اسلام آباد کے دو میگا پراجیکٹس دسمبر کے اوائل میں کھولنے کا اعلان کر دیا۔وفاقی وزیر داخلہ محسن نقوی نے اسلام آباد کے دو بڑے ترقیاتی منصوبوں، ٹی چوک فلائی اوور اور شاہین چوک انڈر پاس پر جاری تعمیراتی کاموں کا جائزہ لیا اور رفتار پر اطمینان کا اظہار کیا، اس موقع پر ممبر انجینئرنگ سی ڈی اے نے وزیر داخلہ کو دونوں پراجیکٹس پر ہونے والی پیش رفت پر تفصیلی بریفنگ دی۔محسن نقوی نے اپنے دورے کے دوران دونوں منصوبوں پر تعمیراتی سرگرمیوں، معیار اور پیش رفت کا تفصیلی معائنہ کیا اور ہدایت دی کہ تعمیراتی کاموں میں معیار کو ہر صورت یقینی بنایا جائے، رفتار اور معیار دونوں پر کوئی سمجھوتہ نہیں کیا جائے گا۔وزیر داخلہ نے بتایا کہ ٹی چوک فلائی اوور منصوبے کا 60 فیصد کام مکمل ہو چکا ہے اور اسے دسمبر کے اوائل میں ٹریفک کے لیے کھول دیا جائے گا، اس منصوبے کی تکمیل سے جی ٹی روڈ سے اسلام آباد آنے والے مسافروں کو سگنل فری سفر کی سہولت حاصل ہوگی جس سے ٹریفک کے بہاؤ میں نمایاں بہتری آئے گی۔محسن نقوی نے کہا ہے کہ یہ منصوبہ شہریوں کے سفری مسائل کے حل میں ایک اہم سنگِ میل ثابت ہوگا، شہریوں کو ٹریفک مسائل سے نجات دلانا حکومت کی اولین ترجیح ہے۔وزیر داخلہ نے شاہین چوک انڈر پاس کے حوالے سے بھی واضح ہدایات جاری کرتے ہوئے کہا ہے کہ منصوبے کو اگلے 30 دنوں میں مکمل کیا جائے اور اس کے لیے بیک وقت 24/7 کام جاری رکھا جائے۔انہوں نے زور دیا کہ ٹریفک کے دباؤ اور سکول اوقات میں عوامی مشکلات کم کرنے کے لیے منصوبے کی جلد تکمیل ضروری ہے، شاہین چوک انڈر پاس اسلام آباد کا ایک جدید (ماڈرن) ترقیاتی منصوبہ ہوگا جو دارالحکومت کی ٹریفک اور سفری سہولیات میں نیا معیار قائم کرے گا۔
اسلام آباد: وفاقی وزیر برائے قومی غذائی تحفظ رانا تنویر حسین سے کینیڈین ہائی کمشنر ملاقات کررہے ہیں