مٹیاری: مین پوری کی فروخت جاری
اشاعت کی تاریخ: 23rd, February 2025 GMT
مٹیاری(نمائندہ جسارت) مٹیاری ضلع اور دیگر شہروں میں مین پوری اور گھٹکا کا کاروبار جاری۔ پولیس ہفتہ لیکر خاموش۔مٹیاری شہر اور دیگر چھوٹے بڑے شہروں میں مین پوری اور گھٹکے کا کاروبار سر عام جاری ہے۔ مین پوری اور گھٹکے کے استعمال کی وجہ سے سیکڑوں نوجوان منہ, گلے اور پیٹ کی بیماریوں میں مبتلا ہوگئے۔ کئی افراد گلے کے کینسر کے باعث انتقال کرچکے۔ مٹیاری کے حیسکو دفتر میں لائن مین کی ملازمت کرنے والا اہلکار گھر کے اندر مین پوری اورگھٹکے کی مشین لگا کر مال بنا رہا ہے اور پولیس سمیت صحافیوں کو بھی بھتہ دے رہا۔ مٹیاری کی سول سوسائٹی نے آئی۔جی سندھ اور ڈی۔آئی۔جی حیدرآباد سمیت حیسکو چیف سے مذکورہ مین پوری ڈیلر کے خلاف کاروائی کا مطالبہ کیا ہے۔
.ذریعہ: Jasarat News
کلیدی لفظ: مین پوری اور
پڑھیں:
9 چینی شہروں کو بین الاقوامی ویٹ لینڈ سٹی کا درجہ
بیجنگ : زمبابوے کے شہر وکٹوریہ فالز میں منعقدہ رامسر کنونشن آن ویٹ لینڈز کے کنٹریکٹنگ پارٹیز کی کانفرنس کے 15 ویں اجلاس کے افتتاح کے موقع پر نو چینی شہروں کو بین الاقوامی ویٹ لینڈ شہروں کے طور پر تسلیم کیا گیا، جس کے بعد چین میں ایسے شہروں کی مجموعی تعداد 22 ہوگئی ہے جو دنیا میں سب سے زیادہ ہیں۔نئے تسلیم شدہ نو شہروں میں شنگھائی کا چھونگ منگ، صوبہ یون نان کا دالی، صوبہ فوجیان کا فوچو، صوبہ زے جیانگ کا ہانگ چو، صوبہ جیانگ شی کا جیوجیانگ، شی زانگ خوداختیار علاقے کا لہاسا، صوبہ جیانگ سو کا سوچو، صوبہ زے جیانگ کا وین چو اور صوبہ حونان کا یوئےیانگ شامل ہیں۔
ٌٌ***
کراچی میں شلوار قمیض پہنے شہری کو ریسٹورنٹ سے نکال دیا گیا، شہری کا عدالت سے رجوع