پوری دنیا شہید مقاومت کو سلام عقیدت پیش کر رہی ہے، علامہ مقصود ڈومکی
اشاعت کی تاریخ: 24th, February 2025 GMT
جیکب آباد میں منعقدہ تقریب سے خطاب کرتے ہوئے علامہ مقصود ڈومکی نے کہا کہ سید مقاومت کی تدفین کے موقع پر دنیا بھر کے شیعہ اور سنی مسلمان امریکہ اور اسرائیل کیخلاف اپنے غم اور غصے کا اظہار کرکے شہدائے مقاومت کو سلام عقیدت پیش کر رہے ہیں۔ اسلام ٹائمز۔ مجلس وحدت مسلمین پاکستان کے مرکزی رہنماء علامہ مقصود علی ڈومکی نے کہا کہ سید مقاومت کی شہادت پر پورا عالم اسلام سوگوار ہے۔ پاکستان کے شیعہ سنی عوام متحد ہو کر قبلہ اول کی آزادی کی تحریک میں حماس اور حزب اللہ کے ساتھ کھڑے ہیں۔ ان خیالات کا اظہار انہوں نے سید مقاومت شہید علامہ سید حسن نصراللہ اور شہید سید ہاشم صفی الدین کی تشییع جنازہ کے موقع پر ڈی سی چوک جیکب آباد میں شہداء سے تجدید عہد کے عنوان سے منعقدہ تقریب سے خطاب کرتے ہوئے کیا۔ اس موقع پر تقریب سے خطاب کرتے ہوئے علامہ مقصود ڈومکی نے کہا کہ آج سید مقاومت کی تدفین کے موقع پر دنیا بھر کے شیعہ اور سنی مسلمان امریکہ اور اسرائیل کے خلاف اپنے غم اور غصے کا اظہار کرکے شہدائے مقاومت کو سلام عقیدت پیش کر رہے ہیں۔
انہوں نے کہا کہ بانی پاکستان حضرت قائداعظم محمد علی جناح رحمت اللہ علیہ اور حکیم الامت مصور پاکستان حضرت علامہ ڈاکٹر محمد اقبال رحمۃ اللہ علیہ نے اس وقت اسرائیل غاصب کی مخالفت کی جب برطانیہ اور عالمی سامراجی قوتیں غاصب ریاست کے ناجائز وجود کا اعلان کر رہی تھیں۔ لہٰذا پاکستان کے غیرت مند عوام اور سیاسی مذہبی و قوم پرست جماعتوں نے ہمیشہ تحریک آزادی فلسطین کی غیر مشروط حمایت کی ہے۔ ہم کسی بھی غدار کو یہ اجازت ہرگز نہیں دیں گے کہ وہ غاصب اسرائیل کو تسلیم کرے اور قبلہ اول اور فلسطین کے ساتھ خیانت کرے۔ تقریب میں شہداء کی یاد میں شمع روشن کرکے شہداء کی تصاویر پر پھول نچھاور کئے گئے۔
تقریب سے پ ٹ الف سندھ کے سابقہ صدر انتظار حسین چھلگری، شہری اتحاد جیکب آباد کے رہنماء اور مہران سوشل فورم کے چیئرمین ایڈوکیٹ عبدالحئی سومرو، جماعت اسلامی کے ضلعی امیر محمد ابوبکر سومرو، پیپلز پارٹی شہید بھٹو کے ضلعی صدر منجھو انجمن سپاہ علی اکبر، جیکب آباد کے چیئرمین سید احسان علی شاہ بخاری، مجلس وحدت مسلمین عزاداری ونگ کے صوبائی نائب صدر سید غلام شبیر نقوی، آئی ایس او کے صدر اظہار الحسن، ڈومکی اتحاد کے جنرل سیکرٹری استاد عبدالفتاح ڈومکی، احمد علی ٹالانی، میرالی اتحاد کے صدر علی بخش میرالی، نثار احمد ابڑو اور ایم ڈبلیو ایم عزاداری ونگ کے ضلعی صدر نور الدین گولاٹو و دیگر نے خطاب کیا۔ اس موقع پر پیام ولایت اسکاؤٹس کے رہنماء سید گلزار علی شاہ، امداد حسین جعفری و دیگر شہدائے راہ حق کو اسکاؤٹس سلامی پیش کی۔
ذریعہ: Islam Times
کلیدی لفظ: علامہ مقصود سید مقاومت جیکب آباد نے کہا کہ
پڑھیں:
بھارت میں مذہب کے نام پر فراڈ کا خوفناک انکشاف
بھارت میں مذہب کے نام پر فراڈ کا خوفناک انکشاف ہوا ہے جہاں ایودھیا رام مندر کے نام پر کروڑوں روپے کا فراڈ کیا گیا۔
رپورٹ کے مطابق جعلی ویب سائٹ کے ذریعے "پرساد" کی ترسیل کا جھانسہ دیا گیا، امریکی پروفیسر کے نام پر بھارتی شہریوں کو لوٹ لیا گیا۔
بھارت میں عقیدت کو تجارت میں بدلنے والا نیٹ ورک سرگرم ہے، کروڑوں روپے کی رقم صرف جعلی ترسیل پر خرچ ہوئی۔
ہندوؤں کے مقدس موقع پر فراڈ کو روکنے میں بھارتی سائبر سیکیورٹی ناکام رہی، رام مندر کی تقریب شاندار رہی مگر پردے کے پیچھے مالی گھپلے کیے جاتے رہے۔
بھارتی عوام کو لوٹ لیا گیا، مودی سرکار نے زبان سی لی، بھارت میں مذہب کے نام پر فریب کا بازار گرم رہا اور حکومت خاموش تماشائی بنی رہی۔
یہ سب اُس وقت ہوا جب پورے بھارت کی نظریں رام مندر پر تھیں۔
سوال یہ ہے کہ کیا مودی سرکار صرف مذہبی جذبات کو سیاسی فائدے کے لیے استعمال کر رہی ہے؟ کیا عوام کی حفاظت مودی کی ترجیح نہیں؟ مذہبی عقیدت کو دھوکہ بنانے کا ذمہ دار کون ہے؟
رام کے نام پر فراڈ، مودی حکومت کی خاموشی کیوں؟ کیا بھارتی ریاست عوام کی عقیدت کی محافظ ہے یا مجرم؟
عقیدت اور دھوکہ، مودی کا نیا سیاسی ہتھیار بن چکا، بھارت میں آج نہ دیوی محفوظ ہے نہ درشن ، ہر مقدس موقع اب ایک نیا فراڈ بن کر سامنے آ رہا ہے۔
مودی کے 'نئے بھارت' میں عقیدت مندوں کی جیبیں خالی اور مذہب کے بیوپاری مالامال ہو رہے ہیں۔
سوال یہ نہیں کہ یہ سب کیسے ہوا، سوال یہ ہے کہ کس کے اشارے پر ہوا؟
بنارس کی تاریخی اور مسلم اکثریتی بازار کے انہدام پر کورٹ سے راحت