پرویز الٰہی اور شاہ محمود قریشی کے 9مئی کے پرتشدد واقعات کی رپورٹ سے نام غائب
اشاعت کی تاریخ: 25th, February 2025 GMT
پرویز الٰہی اور شاہ محمود قریشی کے 9مئی کے پرتشدد واقعات کی رپورٹ سے نام غائب WhatsAppFacebookTwitter 0 25 February, 2025 سب نیوز
اسلام آباد: 9 مئی 2023 کو مبینہ طور پر تشدد کیلئے اکسانے کے معاملے پر نگران حکومت کی جانب سے تشکیل دی گئی کابینہ کمیٹی کی رپورٹ میں پاکستان تحریک انصاف (پی ٹی آئی) کے صدر چوہدری پرویز الٰہی اور ڈپٹی چیئرمین شاہ محمود قریشی کے نام شامل نہیں ہیں۔
موجودہ وفاقی کابینہ کے روبرو پیش کی جانے والی اس رپورٹ میں فوجی تنصیبات پر حملوں میں پی ٹی آئی کے متعدد رہنمائوں کے مبینہ کردار کی تفصیلات درج ہیں۔
اگرچہ اس میں پی ٹی آئی کے چیئرمین عمران خان کے ملوث ہونے کی بات کی گئی ہے اور ان پر سرگرم انداز سے 9 مئی کے واقعات کی منصوبہ بندی کا الزام عائد کیا گیا ہے لیکن پرویز الٰہی اور شاہ محمود کے نام شامل نہیں ہیں۔
اس صورتحال کے باوجود دونوں رہنما 9 مئی کے واقعات کے حوالے سے کئی ایف آئی آر کا سامنا کرتے رہتے ہیں۔
رپورٹ میں اس بات پر روشنی ڈالی گئی ہے کہ کس طرح پی ٹی آئی کے درجنوں رہنماؤں نے مبینہ طور پر تشدد کو ہوا دی، اسے ریاستی اداروں پر ایک غیر معمولی حملہ قرار دیا گیا ہے۔
نگران حکومت کی رپورٹ سے پرویز الٰہی اور شاہ محمود قریشی کا اخراج سوالات کو جنم دیتا ہے، بالخصوص اس وقت جب دونوں 8 مئی سے منسلک قانونی لڑائیوں میں الجھے ہوئے ہیں۔
عمران خان کے علاوہ 9 مئی سے مختلف وجوہات کی بناء پر جڑے جن دیگر افراد کو نامزد کیا گیا ہے اُن میں حماد اظہر، زرتاج، مراد سعید، فرخ حبیب، علی امین گنڈاپور، علی زیدی، انعم شیخ ، شاندانہ گلزار خان، کنول شوزب، سینیٹر اعجاز چوہدری، فیصل جاوید اور شہریار آفریدی شامل ہیں۔
عمر ملک، ڈاکٹر یاسمین راشد، میاں محمود الرشید، جمشید اقبال چیمہ، زبیر نیازی، عمر چیمہ، حسان نیازی، عائشہ اقبال، عالیہ حمزہ، منزہ حسن، مسرت چیمہ، علیمہ خان، نوشین حامد، صداقت عباسی، واثق قیوم، عمر بٹ، جہانگیر بٹ، راجہ عثمان، عاطف قریشی، مسلم خان، ذیشان ممتاز، قیصر خان، زکی بٹ، ملک عابد، سیمابیہ طاہر، آصف محمود، طیبہ ابراہیم، شبانہ فیاض اور اظہر میر کے نام شامل ہیں۔
حسیب نقوی، جمال چیمہ، بائو اکرام، شبیر مہر، علی اشرف مغل، مہر صادق، رضوان بٹ، عمر اشرف، انصار نت، نجف شیرازی، رانا زکاء اللہ، اسد اللہ پپّا، امجد علی خان، ملک احمد خان بچار، سلیم گل خان، امیر خان سوانسی، عالم خان، امین اللہ خان، خالد وزیر، عامر مغل، چوہدری جہانگیر، وجاہت سمیع، خالد خان، راجہ شاہد نواز، ملک عامر ڈوگر، سلیم اختر لبار، ندیم قریشی، خالد جاوید وڑائچ، خرم لیاقت اور زین قریشی بھی شامل ہیں۔
ذریعہ: Daily Sub News
کلیدی لفظ: پرویز ال ہی اور شاہ محمود شاہ محمود قریشی کی رپورٹ
پڑھیں:
اسکیم33 میں تعمیراتی مافیا کا راج قائم
سندھ بلڈنگ
اسسٹنٹ ڈائریکٹر عدیل قریشی کی سرپرستی ، برج الحر مین کراچی کا بلند ٹاورز تعمیر
قواعد و ضوابط کے برعکس تعمیر اتی منصوبے، پانی، بجلی اور سیوریج کے بحران کا خطرہ
کراچی ( اسٹاف رپورٹر ) اسکیم 33 میں تعمیراتی مافیا کا راج قائم ہے ۔ "برج ال حر مین کراچی” کے نام سے بلند و بالا ٹاورز کی تعمیر اور اب قبضے دینے کی تیاریاں علاقے کے مکینوں کے لیے نئے مسائل پیدا کر رہی ہیں۔جرأت سروے ٹیم کو حاصل ہونے والی معلومات کے مطابق یہ تمام تر غیر قانونی سرگرمیاں اسسٹنٹ ڈائریکٹر عدیل قریشی کی مبینہ سرپرستی کے بغیر ممکن نہیں۔ شہریوں نے الزام لگایا ہے کہ عدیل قریشی کی پشت پناہی کے باعث بلڈرز کو کھلی چھوٹ ملی ہوئی ہے اور منصوبے قواعد و ضوابط کے برعکس تعمیر کیے جا رہے ہیں۔ماہرین کا کہنا ہے کہ اس طرح کی خلافِ ضابطہ تعمیرات نہ صرف پانی، بجلی اور سیوریج کے بحران کو بڑھائیں گی بلکہ ٹریفک مسائل اور بارشوں کے دوران سنگین حادثات کا سبب بھی بن سکتی ہیں۔شہریوں نے متعلقہ حکام اور وزیر بلدیات سے مطالبہ کیا ہے کہ فوری طور پر ان تعمیراتی منصوبوں کی شفاف انکوائری کی جائے اور اسسٹنٹ ڈائریکٹر عدیل قریشی سمیت ملوث عناصر کے خلاف کارروائی عمل میں لائی جائے ، تاکہ عوامی سہولتوں اور مفاد کو مزید نقصان سے بچایا جا سکے ۔
سندھ میں سیلاب سے نقصانات؛ حکومت اور جائیکا کا متاثرہ کسانوں کیلیے اقدامات کا اعلان