بی جے پی آئین کو کمزور کر رہی ہے، بیریندر سنگھ
اشاعت کی تاریخ: 26th, February 2025 GMT
کانگریس لیڈر نے کہا کہ کانگریس کیلئے تنظیم سازی بے حد ضروری ہے اور جلد ہی پارٹی اپنی تنظیمی طاقت کو بڑھانے کے اقدامات کریگی۔ اسلام ٹائمز۔ سابق مرکزی وزیر اور کانگریس کے سینیئر لیڈر بیریندر سنگھ آج ہریانہ کے حصار میں کانگریس دفتر پہنچے، جہاں انہوں نے میئر امیدوار کرشن ٹیٹو کے لئے حمایت طلب کی۔ انہوں نے پارٹی کارکنوں کے ساتھ میٹنگ کرتے ہوئے انتخابی حکمت عملی پر تبادلہ خیال کیا اور کارکنان کو ہر وارڈ میں جا کر انتخابی مہم چلانے کی ہدایت دی۔ بیریندر سنگھ نے بی جے پی پر تنقید کرتے ہوئے کہا کہ یہ پارٹی آئین کو کمزور کرنے کا کام کر رہی ہے۔ انہوں نے کہا کہ کانگریس کے لئے تنظیم سازی بے حد ضروری ہے اور جلد ہی پارٹی اپنی تنظیمی طاقت کو بڑھانے کے اقدامات کرے گی۔ انہوں نے مزید کہا کہ میونسپل انتخابات میں کانگریس اور بی جے پی پوری قوت کے ساتھ میدان میں ہیں اور دونوں جماعتیں اپنے اپنے انتخابی نشان پر الیکشن لڑ رہی ہیں تاہم کانگریس نے محدود نشستوں پر اپنے انتخابی نشان کے ساتھ الیکشن لڑنے کا فیصلہ کیا ہے۔
بیریندر سنگھ نے کہا کہ شہری انتخابات میں ووٹروں کا کردار انتہائی اہم ہوتا ہے کیونکہ یہاں معمولی فرق بھی نتیجہ بدل سکتا ہے۔ بی جے پی کی جانب سے 'ٹرپل انجن' حکومت کے دعوے کو مسترد کرتے ہوئے انہوں نے کہا کہ اگر حکومت اپنی اختیارات بلدیاتی اداروں کو منتقل کر دے تو عوامی مسائل فوری طور پر حل ہو سکتے ہیں۔ پارٹی چھوڑ کر بی جے پی میں شامل ہونے والے کانگریس لیڈروں کے سوال پر بیریندر سنگھ نے کہا کہ کانگریس 150 سال پرانی جماعت ہے اور اس میں لیڈروں کا آنا جانا لگا رہتا ہے۔ انہوں نے اعتراف کیا کہ جب وہ خود کانگریس چھوڑ کر بی جے پی میں شامل ہوئے تھے، تو انہیں جلد ہی احساس ہوگیا کہ بی جے پی کی نظریات بالکل مختلف ہیں۔ انہوں نے کہا "مجھے کبھی توقع نہیں تھی کہ کوئی حکومت کسانوں کے خلاف ہو سکتی ہے"۔
انہوں نے مرکز کی اگنی پتھ اسکیم پر سخت تنقید کی اور کہا کہ اس منصوبے کے تحت بھرتی کئے جانے والے فوجیوں کو صرف چار سال بعد ریٹائر کر دیا جائے گا، جس سے فوج کی حالت خراب ہوجائے گی۔ انہوں نے کہا کہ کانگریس اور راہل گاندھی واضح کر چکے ہیں کہ اگر ان کی حکومت بنی تو اس اسکیم کو ختم کر دیا جائے گا۔ "ایک ملک، ایک انتخاب" کے بارے میں بات کرتے ہوئے بیریندر سنگھ نے کہا کہ اس کا مطلب یہ نہیں ہے کہ انتخابات ایک ساتھ ہوں گے اور اخراجات کم ہوں گے، بلکہ اس کا مطلب یہ ہے کہ صرف ایک ہی پارٹی رہے گی اور عوام اسی کو ووٹ دیں گے۔ انہوں نے کہا کہ یہ جمہوری اقدار کے لئے نقصان دہ ہوگا۔ انہوں نے کارکنوں پر زور دیا کہ وہ پوری محنت کے ساتھ انتخابی مہم چلائیں اور کانگریس کو مضبوط کریں، تاکہ عوام کے مسائل کے حل کے لئے ایک مؤثر قیادت سامنے آ سکے۔
ذریعہ: Islam Times
کلیدی لفظ: نے کہا کہ کانگریس بیریندر سنگھ نے انہوں نے کہا کہ کرتے ہوئے بی جے پی کے ساتھ کے لئے
پڑھیں:
پاکستان کی خارجہ پالیسی ایک نئے مرحلے میں داخل ہوچکی، خواجہ آصف
اسلام آباد:وزیر دفاع خواجہ آصف نے کہا ہے کہ پاکستان کی خارجہ پالیسی ایک نئے مرحلے میں داخل ہو چکی ہے، پاکستان کے امریکا چین سعودی عرب اور دبئی کے ساتھ تعلقات میں بہتری آ رہی ہے۔
انسٹی ٹیوٹ آف ریجنل اسٹڈیز اسلام آباد کے زیرِ اہتمام سیمینار سے خطاب میں انہوں ںے کہا کہ پاکستان اب عالمی سطح پر ایک قابلِ اعتماد شراکت دار کے طور پر ابھر رہا ہے، سعودی عرب کے ساتھ پاکستان کے تعلقات نئے دور میں داخل ہو گئے ہیں۔
انہوں ںے کہا کہ سعودی عرب کی جانب سے شعبوں میں سرمایہ کاری میں اضافہ ہو رہا ہے، قطر اور متحدہ عرب امارات کے ساتھ پاکستان کے تعلقات مثالی قرار دیے جا رہے ہیں، یہ شراکت داری باہمی اعتماد اور سمجھ بوجھ پر مبنی ہے، چین پاکستان کا ہر موسم کا دوست ہے پاکستان اور چین سی پیک فیز تھری پر کام بڑھانے کے لیے پرعزم ہیں۔
انہوں ںے کہا کہ پاکستان کی وسط ایشیائی ممالک آذربائیجان اور ترکمانستان تک رسائی میں نمایاں بہتری آئی ہے، پاکستان ترکی اور ایران کے ساتھ تعلقات کو مزید مضبوط بنا رہا ہے، پاکستان اسلاموفوبیا کے خلاف ایک مؤثر آواز بن کر ابھرا ہے، پاکستان اصلاحات پر مکمل توجہ دے رہا ہے، پاکستان کی سفارت کاری اعتماد اور استحکام کی عکاسی کر رہی ہے۔
انہوں نے مزید کہا کہ پاکستان کے تعلقات امریکا سے بہتر ہوئے ہیں، ہمارے سفارت کار جو کام کر رہے ہیں وہ قابل تعریف ہے، خارجہ پالیسی ہماری ترجیح ہے، دنیا کے ساتھ تعلقات بہتر بنانے ہیں۔
سابق وفاقی وزیر خرم دستگیر نے تقریب سے خطاب میں کہا کہ نریندر مودی نے پاکستان پر اٹیک کرنے کا پلان بنایا اس کے بعد ہم نے فتح حاصل کی، آج ہمیں ڈپلومیسی میں بہتری محسوس کر رہے ہیں، مجھے خوشی ہے کہ بہت سے سفارت کاروں نے انفرادی طور پر اچھا کام کیا۔
انہوں ںے کہا کہ ایس سی او کانفرنس کے ذریعے علاقائی سطح پر رابطہ کاری میں اضافہ ہوا ہے، پاکستان میں لیڈر شپ تبدیل ہو چکی ہے، اب پاکستان کو وزیر اعظم شہباز شریف اور فیلڈ مارشل عاصم منیر لیڈ کر رہے ہیں، بہت سے پارٹنر آرہے ہیں اور پاکستان سے تعاون کی بات کر رہے ہیں۔
ان کا کہنا تھا کہ لیڈر شپ کا جذبہ تبدیل ہو چکا ہے، چین کی ٹیکنالوجی کے بارے میں دنیا حیران ہے، دنیا اب تبدیل ہو چکی ہے، پاکستان معرکہ حق کے بعد دنیا کا ماحول تبدیل کر دیا، ہمارے سفارت کار جیو پولیٹیکز کو تبدیل کرنے میں کامیاب ہوئے۔
کراچی، نادرن بائی پاس پر پلاسٹک کے گودام میں آگ لگ گئی