پاکستان سپر لیگ 10ویں ایڈیشن کا شیڈول جاری، افتتاحی میچ راولپنڈی میں کھیلا جائے گا
اشاعت کی تاریخ: 28th, February 2025 GMT
پاکستان سپر لیگ (پی ایس ایل) کے تاریخی دسویں ایڈیشن کا شیڈول جاری کر دیا گیا ہے۔ ایچ بی ایل پی ایس ایل 10 کا آغاز 11 اپریل 2025 کو دفاعی چیمپئن اسلام آباد یونائیٹڈ اور 2 مرتبہ کی چیمپئن لاہور قلندرز کے درمیان میچ سے ہوگا، جو راولپنڈی کرکٹ اسٹیڈیم میں کھیلا جائے گا۔
6 ٹیموں پر مشتمل ایونٹ میں مجموعی طور پر 34 میچز کھیلے جائیں گے جو 11 اپریل سے 18 مئی تک جاری رہیں گے۔ لاہور کا تاریخی قذافی اسٹیڈیم 13 میچز کی میزبانی کرے گا، جن میں 2 ایلیمنیٹرز اور فائنل بھی شامل ہیں۔
ایونٹ کے آغاز سے قبل 8 اپریل کو پشاور میں ایک نمائشی میچ بھی کھیلا جائے گا، جس میں شرکت کرنے والی ٹیموں کا اعلان بعد میں کیا جائے گا۔
ایچ بی ایل پی ایس ایل 10 کے لیے راولپنڈی کرکٹ اسٹیڈیم میں 11 میچز ہوں گے، جن میں 13 مئی کو کوالیفائر بھی شامل ہے۔ کراچی کے نیشنل بینک اسٹیڈیم اور ملتان کرکٹ اسٹیڈیم 5، 5 میچز کی میزبانی کریں گے۔ ایونٹ میں 3 ڈبل ہیڈرز بھی ہوں گے، جن میں 2 ہفتہ وار تعطیل والے دن اور ایک یوم مزدور (لیبر ڈے) پر کھیلا جائے گا۔
مزید پڑھیں: تمام فارمیٹس اور پی ایس ایل کھیلنا چاہتا ہوں مگر موقع نہیں دیا جارہا، ساجد خان
کراچی کنگز، جو لیگ کے پانچویں ایڈیشن کی فاتح رہی، 12 اپریل کو اپنے پہلے میچ میں گزشتہ سیزن کی رنرز اپ ملتان سلطانز کے خلاف اپنے ہوم گراؤنڈ پر میدان میں اترے گی۔ ملتان سلطانز، جو چھٹے ایڈیشن کی فاتح ٹیم ہے، 22 اپریل کو لاہور قلندرز کے خلاف اپنا پہلا ہوم میچ کھیلے گی۔
نئے تعمیر شدہ لاہور کے قذافی اسٹیڈیم میں ایچ بی ایل پی ایس ایل 10 کے میچز کا آغاز 24 اپریل کو ہوگا، جب 7ویں اور 8ویں ایڈیشن کی چیمپیئن لاہور قلندرز اپنے ہوم گراؤنڈ پر پشاور زلمی کے مدمقابل ہوگی۔
پشاور زلمی، جو 2017 میں پی ایس ایل چیمپیئن بنی، اپنے 5 میچز راولپنڈی کرکٹ اسٹیڈیم میں کھیلے گی، جبکہ چوتھے ایڈیشن کی چیمپیئن کوئٹہ گلیڈی ایٹرز قذافی اسٹیڈیم میں اپنے 5 میچز کھیلے گی۔
مزید پڑھیں: انگلینڈ کے بلے باز جیمز ونس نے پی ایس ایل کے لیے فرسٹ کلاس کرکٹ چھوڑ دی
ایچ بی ایل پی ایس ایل کے چیف ایگزیکٹو آفیسر سلمان نصیر نے کہا ہے کہ ہمیں ایچ بی ایل پاکستان سپر لیگ کے تاریخی 10ویں ایڈیشن کے شیڈول کا اعلان کرتے ہوئے بے حد خوشی محسوس ہو رہی ہے۔ گزشتہ ایک دہائی میں، ایچ بی ایل پی ایس ایل نے عالمی سطح پر ایک نمایاں حیثیت حاصل کی ہے اور پاکستان کے بہترین کرکٹ ٹیلنٹ کو اجاگر کیا ہے۔
انہوں نے مزید کہا کہ اس سال کے ایونٹ میں نہ صرف عالمی معیار کے بین الاقوامی کھلاڑی ایکشن میں نظر آئیں گے بلکہ شائقین کو کراچی، لاہور، ملتان اور راولپنڈی میں 34 سنسنی خیز میچز دیکھنے کو ملیں گے۔ پی ایس ایل کے دائرہ کار کو وسعت دینے کے تحت، ہم پشاور میں ایک نمائشی میچ کی میزبانی کر رہے ہیں جو شہر کے کرکٹ شائقین کے لیے ایک تاریخی لمحہ ہوگا۔
ایچ بی ایل پی ایس ایل 10 کا فائنل 18 مئی کو لاہور کے قذافی اسٹیڈیم میں کھیلا جائے گا، جبکہ ایلیمنیٹرز 14 اور 16 مئی کو اسی مقام پر ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد یونائیٹڈ ایچ بی ایل پی ایس ایل پاکستان سپر لیگ (پی ایس ایل) پی ایس ایل 10 قذافی اسٹیڈیم لاہور قلندرز.ذریعہ: WE News
کلیدی لفظ: اسلام ا باد یونائیٹڈ پاکستان سپر لیگ پی ایس ایل پی ایس ایل 10 قذافی اسٹیڈیم لاہور قلندرز پاکستان سپر لیگ قذافی اسٹیڈیم کھیلا جائے گا لاہور قلندرز کرکٹ اسٹیڈیم اسٹیڈیم میں ایڈیشن کی اپریل کو کے لیے
پڑھیں:
راولپنڈی: بارش میں بہنے والی گاڑی کا بونٹ اور دروازہ مل گیا، باپ بیٹی کی تلاش جاری
اسلام آباد کی نجی ہاؤسنگ سوسائٹی سے منگل کی صبح برساتی نالہ میں گاڑی سمیت بہہ جانے والے باپ بیٹی اور انکی گاڑی کو تمام کوششوں کے باوجود جمعرات کو تیسرے روز بھی تلاش نہیں کیا جاسکا مگر انکی گاڑی کا دروازہ اور بونٹ سواں پل کی نیچے سے ریسکیو 1122کو مل گیا ہے آپریشن آج بھی جاری رہے گا۔
فیز فائیو کی نجی ہاؤسنگ سوسائٹی کے برساتی نالہ جہاں منگل کی صبح پانی کا تیز ریلا ایک گاڑی کو بہا لیا گیا تھا گاڑی میں موجود باپ بیٹی اس دوران ہاتھ ہلا ہلا کر مدد کے لیے پکارتے رہے مگر پانی کا زور دار ریلا انہیں بہا لے گیا جہنیں تلاش کرنے کے لئے فوری طور پر شروع کیا گیا.
آپریشن جس میں پاک فوج، پی ڈی ایم اے، ریسکیو 1122 اور دیگر امدادی ٹیموں نے آپریشن کا اغاز کیا تھا منگل کی صبح سے بدھ کی رات گے تک جاری رہنے والا آپریشن نتیجہ خیز ثابت نہ ہوسکا جس پر اج۔جمعرات کی صبح تیسرے روز بدقسمت باپ بیٹی اور انکی گاڑی کو تلاش کرنے کا آپریشن ایک مرتبہ پھر شروع کیا گیا ۔
سواں پل کے نیچے سے گاڑی کا دروازہ اور بونٹ رییسکیو 1122کو مل گیا ہے کئی مقامات پر کھدائی کی گئی، گہرائی میں گاڑی کو تلاش کیا جارہا یے، دریائے سواں کے مختلف مقامات پر گاڑی اور اس میں موجود باپ بیٹی کی تلاش کا عمل جاری ہے۔
ریسکیو آپریشن میں شامل ذرائع کا کہنا ہے کہ آج پانی کی سطح کافی تک حد نارمل ہو چکی ہے، اس لیے آج امید کی جاسکتی ہے کہ دریائے سواں کے کسی حصے میں گاڑی کو تلاش کرلیا جائےگا۔
جسٹس محسن کا اسلام آباد ہائی کورٹ کے ججز کی سنیارٹی کو چیلنج کرنے کا فیصلہ