پنجاب کے مختلف شہروں سے انسانی اسمگلنگ میں ملوث 6 ملزمان گرفتار
اشاعت کی تاریخ: 1st, March 2025 GMT
لاہور:ایف آئی اے گوجرانوالہ زون نے انسانی اسمگلنگ اور ویزہ فراڈ میں ملوث 6 ملزمان کو گرفتار کر لیا جن میں 3 اشتہاری بھی شامل ہیں۔
گرفتار ملزمان کی شناخت محمد عارف حسین، ابرار علی، امتیاز علی، محمد ایان بٹ، آصف رضا اور ذکا اللہ عرف احسان اللہ سیفی کے ناموں سے ہوئی۔
ایف آئی اے کے مطابق ملزمان کو جہلم، ڈسکہ، سیالکوٹ، شیخوپورہ اور گوجرانوالہ سے گرفتار کیا گیا۔ ملزم ابرار علی نے 6 شہریوں کو یورپ بھجوانے کا جھانسہ دے کر 2 کروڑ روپے سے زائد کی رقم وصول کی اور انہیں وزٹ ویزے پر موریطانیہ بھجوا دیا، جہاں سے انہیں کشتی کے ذریعے یورپ بھیجنے کی کوشش کی گئی، تاہم شہریوں نے غیر قانونی سفر سے انکار کر دیا اور واپس آ گئے۔
ایف آئی اے کے مطابق ملزم آصف رضا سال 2022 سے اشتہاری تھا اور شہریوں کو یورپ بھجوانے کے لیے 1 کروڑ 35 لاکھ روپے سے زائد بٹورے، مگر انہیں یورپ کی بجائے آذربائیجان بھجوا دیا۔ آذربائیجان میں ملزم کے ساتھیوں نے شہریوں کو محصور کر کے تشدد کا نشانہ بنایا اور تاوان کا مطالبہ کیا، تاہم ایک ماہ بعد شہری کسی طرح جان بچا کر واپس پہنچنے میں کامیاب ہو گئے۔
ملزم امتیاز نے ایک شہری کو اٹلی میں ملازمت دلوانے کے نام پر 8 لاکھ روپے وصول کیے، جبکہ ملزم ایان بٹ نے ایک شہری کو برطانیہ بھجوانے کے لیے 60 لاکھ روپے سے زائد رقم ہتھیا لی۔
ایف آئی اے کے مطابق ملزم عارف حسین اور ذکا اللہ سال 2012 سے انسانی اسمگلنگ کے مقدمے میں اشتہاری تھے۔ ملزم عارف حسین نے شہری کو بیرون ملک ملازمت کے بہانے 1 لاکھ 75 ہزار روپے سے زائد رقم وصول کی، جبکہ ذکا اللہ نے 2012 میں ایک شہری کو دبئی بھجوانے کے نام پر 1 لاکھ 80 ہزار روپے وصول کیے، مگر ملزمان اپنے وعدے پورے کرنے میں ناکام رہے اور روپوش ہو گئے۔
ایف آئی اے کے مطابق ملزمان کے دیگر ساتھیوں کے خلاف چھاپہ مار کارروائیاں جاری ہیں اور جلد مزید گرفتاریاں متوقع ہیں۔ ترجمان ایف آئی اے نے شہریوں کو غیر قانونی طریقوں سے بیرون ملک جانے سے گریز کرنے کی ہدایت کی ہے۔
ذریعہ: Daily Mumtaz
کلیدی لفظ: ایف ا ئی اے کے مطابق ملزم روپے سے زائد شہریوں کو شہری کو وصول کی
پڑھیں:
غیر قانونی طور پر ایران جانیوالے 29افغانی اور 21 پاکستانی گرفتار
data-id="863a0a8" data-element_type="widget" data-widget_type="theme-post-content.default">
251104-01-10
کوئٹہ (آن لائن) ایف آئی کے عملے نے غیر قانونی طور پر ایران جانے کی کوشش کرنے والے 29 افغان شہریوں اور 21 پاکستانیوںکو گرفتار کرلیا۔ تفصیلات کے مطابق ایف آئی اے کمپوزٹ سرکل گوادر کے عملے نے غیر قانونی طور پر ایران جانے والے 29 افغان شہریوں کو 2 ڈرائیور سمیت تحویل میں لے لیا حراست میں لیے گئے افغان شہریوں میں 12 مرد، 4 خواتین اور 13 بچے شامل ہیں۔ ابتدائی تفتیش کے مطابق مذکورہ ملزمان نے ایران سے غیر قانونی طور پر دیگر ممالک جانا تھا، چھاپہ مار کارروائی تربت ضلع کیچ کے علاقے میں عمل میں لائی گئی، مذکورہ افغان شہریوں کو گاڑی کے ذریعے غیر قانونی طور پر ایران منتقل کیا جا رہا تھا۔ دوسری جانب ایف آئی اے کمپوزٹ سرکل گوادر کے عملے نے کارروائی کرکے سمندر کے راستے غیر قانونی طور پر ایران جانے والے 21 ملزمان کو گرفتارکرلیا۔ گرفتار ملزمان کا تعلق پنجاب اور خیبر پختونخوا کے مختلف اضلاع سے ہے۔ ملزمان کو جیوانی سے گرفتار کیا گیا گرفتار ملزمان غیر قانونی طور پر سمندر کے راستے پاکستان سے ایران جا رہے تھے اور وہاں سے غیر قانونی طور پر دیگر ممالک جانا تھا۔
کراچی، نادرن بائی پاس پر پلاسٹک کے گودام میں آگ لگ گئی