پاکستان کڈنی سینٹرسماجی بہبود کا مثالی منصوبہ ہے، قونصل جنرل جدہ خالد مجید
اشاعت کی تاریخ: 2nd, March 2025 GMT
پاکستان کڈنی سینٹرسماجی بہبود کا مثالی منصوبہ ہے، قونصل جنرل جدہ خالد مجید WhatsAppFacebookTwitter 0 2 March, 2025 سب نیوز
جدہ (خالد نواز چیمہ) قونصل جنرل پاکستان جدہ خالد مجید نے کہا کہ پاکستان کڈنی سینٹر(پی کےسی) پاکستان ویلفیئر سوسائٹی (پی ڈبلیو ایس) جدہ کی جانب سے سماجی بہبود کا ایک مثالی منصوبہ ہے۔ وہ پی ڈبلیو ایس کے زیر اہتمام منعقد لاثانی ریسٹورینٹ مدینہ روڈ میں پاکستان کڈنی سینٹرایبٹ آباد، شمالی پاکستان کی 10ویں سالگرہ کی تقریب میں بطورمہمانِ خصوصی خطاب کر رہے تھے۔
تقریب میں پاکستانی فیملیز، ڈاکٹرز، انجینئرز، بزنس ایگزیکٹوز صحافیوں اور پاکستان ویلفیئرسوسائٹی اور پاکستان کڈنی سینٹر کے بورڈ ممبران نے شرکت کی۔
تقریب کا آغاز قاری محمد آصف کی تلاوت اور قرآن پاک کی چند آیات کے ترجمہ سے ہوا۔ نعتِ رسولِ مقبول ﷺ سعودی عرب کے معروف نعت خواں محمد نواز جنجوعہ نے پیش کی۔
ویلفیئر سوسائٹی کے نائب صدر معروف سماجی شخصیت شریف زمان نے مہمانوں کا خیرمقدم کیا۔ انھوں پاکستان کڈنی سینٹرایبٹ آباد کے مشن، وژن، سرگرمیوں اور کامیابیوں کے بارے میں ایک مختصرتعارف پیش کیا۔
ڈاکٹرخلیل الرحمٰن سی ای او کڈنی سینٹرجو خود بھی کڈنی کے ماہر ہیں نے سینٹر کی سہولیات اور ڈائیلاسز سروسز کے بارے میں آگاہ کیا اور پراجیکٹر پر تازہ ترین سلائیڈز اور ویڈیوز پیش کیں۔ انہوں نے کہا کہ ایبٹ آباد میں پاکستان کڈنی سنٹر کا سنگ بنیاد 2012 میں پاکستانی سائنسدان ڈاکٹر عبدالقدیر خان نے رکھا تھا۔ انھوں نے تقریب میں شرکت پرقونصل جنرل خالد مجید اور کمیونٹی کا شکریہ ادا کیا اور اس منصوبے میں تعاون کی دعوت دی۔ پروگرام کی میزبانی انور انجم نے کی ۔پی ڈبلیو ایس کے صدر خالد ضیاء تقریب کے تمام شرکاء کا شکریہ ادا کیا۔
.ذریعہ: Daily Sub News
کلیدی لفظ: میں پاکستان خالد مجید
پڑھیں:
ایم ڈی نوائے وقت گروپ رمیزہ نظامی کی میاں اظہر کے اہلخانہ سے تعزیت
لاہور (رپورٹ: ندیم بسرا) سینئر سیاستدان، سابق گورنر پنجاب میاں محمد اظہر مرحوم کی تعزیت کا سلسلہ ان کے لواحقین کے ساتھ جاری ہے۔ میاں محمد اظہر کی سیاست میں خدمات کوئی ڈھکی چھپی نہیں ہیں اور ان کو سیاست کا ایک ماہر کھلاڑی سمجھا جاتا تھا۔ ان کا معمار نوائے وقت مجید نظامی مرحوم سے دیرینہ تعلق تھا اور وہ مجید نظامی سے بھائیوں کی طرح لگائو رکھتے تھے اور انہیں اپنے سیاسی صلاح کار سمجھتے اور انہوں نے اپنا رشتہ ان کے ساتھ نہایت عزت و احترام کے ساتھ برقرار رکھا۔ وہ اکثر نظامی صاحب کے پاس نوائے وقت کے دفتر اور ان کی رہائش گاہ پر آجاتے اور مختلف سیاسی سمیت دیگر ایشوز پر ان سے رہنمائی لیتے تھے۔ ان کا شریف خاندان سے دیرینہ تعلق تھا اور میاں شریف مرحوم انہیں اپنے بیٹوں کی طرح سمجھتے تھے۔ ماضی میں شریف خاندان اور میاں اظہر مرحوم کے درمیان جب کچھ غلط فہمیاں ہوئیں تو اس کو ختم کروانے میں مجید نظامی صاحب کا ہی کردار تھا اور شاید یہی وجہ ہے کہ مجید نظامی جب اس دنیا سے پردہ کر گئے تو میاں محمد اظہر نے کہا تھا کہ وہ ایک اچھے، سمجھدار صلاح کار سے محروم ہوگئے ہیں۔ ان کی نظامی صاحب سے وابستگی بہت پرانی تھی اور میاں اظہر نے نظامی صاحب کی زندگی میں اس رشتے کو ہمیشہ عزت و احترام کے ساتھ ہی نبھایا ہے۔ ان کی نواز شریف اور شہباز شریف سے زیادہ قربت داری تھی۔ ایم ڈی نوائے وقت گروپ رمیزہ مجید نظامی نے میاں محمد اظہر کی وفات پر ان کی رہائش گاہ پر جاکر ان کے بیٹے سابق ایم این اے، سابق وفاقی وزیر حماد اظہر اور دیگر اہلخانہ کے ساتھ تعزیت کی اور میاں اظہر مرحوم کے دنیا سے جانے کو فیملی کے لئے بڑا صدمہ قرار دیا اور کہا کہ اللہ تعالیٰ انہیں جنت میں جگہ دے اور اہل خانہ کو اتنا بڑا صدمہ برداشت کرنے کی ہمت عطا فرمائے۔ واضح رہے میاں اظہر یکم ستمبر 1944 کو پیدا ہوئے۔ 1987میں لاہور کے مئیر منتخب ہوئے۔ 1990سے 1993تک گورنر پنجاب رہے۔ 1993 اور 1997 میں قومی اسمبلی کے رکن منتخب ہوئے۔ 2024 کے عام انتخابات میں ممبر قومی اسمبلی بنے۔ ان کے بیٹے میاں حماد اظہر 2018 ممبر قومی اسمبلی رہے اور وفاقی وزیر کے عہدے پر کام کیا۔
محسن نقوی کی یو اے ای کے نائب وزیراعظم سے ملاقات، مختلف امور پر گفتگو