یوٹیوبر رنویر الہ آبادیہ کو بھارت سپریم کورٹ سے بڑا ریلیف مل گیا
اشاعت کی تاریخ: 3rd, March 2025 GMT
اپنے متنازعہ بیان کے باعث قانونی پیچیدگیوں میں گھرے بھارتی یوٹیوبر رنویر الہ آبادیہ کو اب بھارتی سپریم کورٹ سے بڑا ریلیف مل گیا ہے۔
بھارتی عدالت عظمیٰ نے رنویر الہ آبادیہ کو اپنا پوڈکاسٹ نشر کرنے کی اجازت دے دی ہے، بشرطیکہ وہ شائستگی اور اخلاقی معیارات کو برقرار رکھیں۔
یہ معاملہ اس وقت شروع ہوا جب رنویر نے کامیڈین سمے رائنا کے شو ’انڈیاز گوٹ لیٹنٹ‘ میں ایک نازیبا سوال پوچھا تھا۔ اس واقعے کے بعد بھارت بھر میں شدید ردعمل سامنے آیا، اور شو کے منتظمین اور شرکا کو قانونی چارہ جوئی کا سامنا کرنا پڑا۔ رنویر پر مہاراشٹر، راجستھان، اور آسام پولیس کی جانب سے مقدمات درج کیے گئے تھے۔
18 فروری کو سپریم کورٹ نے رنویر کو عبوری تحفظ دیتے ہوئے ان پر پابندی عائد کی تھی کہ وہ کسی بھی شو کو نشر نہیں کرسکتے۔ تاہم، اب جسٹس سوریہ کانت اور جسٹس این کوٹیشور سنگھ پر مشتمل بینچ نے یہ پابندی ہٹا دی ہے۔ عدالت نے اس فیصلے میں رنویر کے 280 ملازمین کی روزی روٹی کو مدنظر رکھا، جو ان کے پوڈکاسٹ پر منحصر ہیں۔
رنویر کے وکیل ابھینو چندرچوڑ نے عدالت میں یقین دہانی کرائی کہ ان کا مؤکل کسی بھی توہین آمیز یا فحش زبان کا استعمال نہیں کرے گا۔ انہوں نے زور دیا کہ رنویر کا پوڈکاسٹ ان کی آمدنی کا بنیادی ذریعہ ہے، اور اس پر پابندی سے نہ صرف انہیں بلکہ ان کے ملازمین کو بھی شدید مالی مشکلات کا سامنا ہو سکتا ہے۔
دوسری جانب، ریاست کی نمائندگی کرتے ہوئے سالیسٹر جنرل تشار مہتا نے عدالت سے کہا کہ رنویر کو کچھ وقت کےلیے خاموش رہنے دیا جائے۔ انہوں نے الزام لگایا کہ رنویر نے آسام پولیس کی تحقیقات میں تعاون کرنے کی شرط پر عمل نہیں کیا۔
سپریم کورٹ نے اپنے فیصلے میں اخلاقی معیارات اور اظہار رائے کی آزادی کے درمیان توازن قائم کرنے کی کوشش کی۔ عدالت نے مرکزی حکومت سے کہا کہ وہ آن لائن میڈیا مواد کو ریگولیٹ کرنے کے لیے مناسب ضابطہ کار اقدامات تیار کرے، جو سنسرشپ کے بغیر کنٹرول کا عنصر رکھتے ہوں۔
عدالت نے ایک بار پھر رنویر کے متنازعہ ریمارکس پر تنقید کرتے ہوئے کہا کہ سامعین کی توجہ حاصل کرنے کےلیے بے ہودہ زبان کا استعمال ٹیلنٹ نہیں ہے۔ تاہم، عدالت نے یہ بھی تسلیم کیا کہ 200 سے زیادہ خاندانوں کی روزی روٹی اس پوڈکاسٹ سے وابستہ ہے، اور اس پر پابندی سے ان کی معیشت کو شدید نقصان پہنچ سکتا ہے۔
رنویر الہ آبادیہ، جو ’بیئر بائیسپس گائے‘ کے نام سے مشہور ہیں، کو اب بھی متعدد ریاستوں میں پولیس انکوائری کا سامنا ہے۔ قومی کمیشن برائے خواتین کی جانب سے بھی انہیں طلب کیا گیا ہے، اور امکان ہے کہ انہیں پارلیمنٹ کے پینل کے سامنے بھی پیش ہونا پڑے گا۔
سپریم کورٹ کا یہ فیصلہ رنویر کے لیے ایک اہم کامیابی ہے، لیکن اس کے ساتھ ہی انہیں اپنے مواد میں شائستگی اور اخلاقیات کو برقرار رکھنے کی ذمے داری بھی دی گئی ہے۔
.ذریعہ: Express News
کلیدی لفظ: سپریم کورٹ رنویر الہ عدالت نے رنویر کے
پڑھیں:
میرے تمام سابقہ معاشقوں کا شوہر کو علم ہے، روبی انعم
لاہور(نیوز ڈیسک)تھیٹر و ڈراما کی اداکارہ روبی انعم نے کہا ہے کہ انہوں نے کبھی بھی اپنے افیئرز کو خفیہ نہیں رکھا، ان کے تمام سابقہ معاشقوں کا علم ان کے شوہر کو بھی ہے۔
روبی انعم نے حال ہی میں نجی ٹی وی کو انٹرویو دیا، جس میں انہوں نے اپنے کیریئر سمیت ذاتی زندگی پر بھی کھل کر بات کی۔
اداکارہ نے بتایا کہ جب وہ نویں جماعت میں پڑھتی تھیں، تب انہوں نے تھیٹر میں اداکاری کی شروعات کی۔
ان کے مطابق ان کے ساتھ پڑھنے والی ایک طالبہ کے والد تھیٹر پروڈیوسر تھے، انہوں نے انہیں دیکھتے ہی کام کی پیش کش کردی، ساتھ میں اپنی بیٹی کو بھی تھیٹر میں متعارف کروایا۔
ان کا کہنا تھا کہ والدہ نے ان کے تھیٹر میں کام کی مخالفت کی جب کہ خاندان کے دوسرے افراد نے بھی ان کے فیصلے کو اچھا نہیں سمجھا، تاہم والد نے ان کے کام کی حمایت کی۔
انہوں نے بتایا کہ تھیٹر میں کام کرنے کی خاطر انہوں نے اپنی منگنی بھی ختم کی لیکن انہیں کوئی افسوس نہیں۔
اداکارہ کے مطابق بچپن میں وہ مردانہ زندگی گزارتی تھیں، انہیں میک اپ اور بناؤ سنگھار کا بھی شوق نہیں تھا، وہ ہمیشہ لڑکوں کے کپڑے پہنتی تھیں۔
روبی انعم نے بتایا کہ ماضی کے مقابلے اب تھیٹر بہت تبدیل ہو چکا ہے، آںے والی نئی لڑکیاں پرفارمنس کے بجائے صرف ڈانس پر توجہ دے رہی ہیں اور اب تھیٹر کی ضرورت بھی رقص رہ گئی ہے۔
ایک سوال کے جواب میں اداکارہ نے اعتراف کیا کہ ان کے ماضی میں متعدد افیئرز، معاشقے اور دوستیاں رہیں، انہوں نے کبھی کوئی چیز خفیہ نہیں رکھی۔
ان کا کہنا تھا کہ انہوں نے معاشقے بہت کیے لیکن شادی ایک ہی کی جب کہ ان کے شوہر کو ان کے سابق تمام معاشقوں اور افیئرز کا علم ہے۔
روبی انعم کے مطابق انہوں نے تاخیر سے شادی کی لیکن اب اپنی شادی شدہ زندگی خوش اور مطمئن ہیں۔
انہوں نے یہ بھی بتایا کہ انہیں ایک شادی شدہ مرد سے بھی سچی محبت ہوگئی تھی اور وہ ان سے شادی بھی کرنا چاہتی تھیں لیکن والدہ نے انہیں شادی شدہ شخص سے رشتہ ازدواج میں بندھنے کی اجازت نہیں دی۔
مزیدپڑھیں:شادی کے دوران دلہن کا گھونگھٹ ہٹا تو پوری بارات صدمے میں مبتلا ہوگئی ، دولہا کے ارمانوں پر پانی پھر گیا
ایران جوہری معاہدے پر امریکی پیشکش کو مسترد کردے گا؛ ذرائع