بھارت: 27 سالہ اسرائیلی سیاح کا گینگ ریپ
اشاعت کی تاریخ: 8th, March 2025 GMT
بھارتی ریاست کرناٹکا میں27 سالہ اسرائیلی سیاح اور اس کی 29 سالہ خاتون کا گینگ ریپ کیا گیا جب کہ ملزمان ان کے مرد ساتھیوں کو نہر میں پھینک کر فرار ہوگئے۔
بھارتی میڈیا کی رپورٹ کے مطابق جمعرات کی رات کرناٹک کے ہمپی کے قریب 2 خواتین جن میں ایک 27 سالہ اسرائیلی سیاح اور 29 سالہ ایک بھارتی خاتون شامل ہیں کا گینگ ریپ کیا گیا، حملہ آوروں نے ان کے 3 مرد ساتھیوں پر بھی حملہ کیا اور تشدد کا نشانہ بنانے کے بعد میں انہیں نہر میں پھینک دیا۔
رپورٹ کے مطابق 3 مردوں میں سے ایک کی لاش صبح پانی سے برآمد ہوئی۔
پولیس کے مطابق یہ واقعہ جمعرات کو سناپور جھیل کے قریب پیش ایا، یہ ہمپی سے تقریباً 4 کلومیٹر دور ہے اورکرناٹک میں خاص طور پر غیر ملکیوں میں سیاحوں میں کافی مقبول ہے، رپورٹ کے مطابق ایک اسرائیلی خاتون سمیت چار سیاح جن کا تعلق اڑیسہ، امریکا اور مہاراشٹر سے تھا، جھیل کے قریب بیٹھ کر گٹار بجا رہے تھے اور موسیقی سے لطف اندوز ہو رہے تھے۔
اس دوران تین موٹر سائیکل سوار افراد ان کے پاس پہنچے اور ان سے پیٹرول پمپ کا راستہ پوچھا، جب خاتون نے بتایا کہ آس پاس کوئی اسٹیشن نہیں ہے تو انہوں نے ان سے رقم کا مطالبہ کیا، انکار پر شرپسندوں نے بدتمیزی کی اور ان پر حملہ کردیا۔
شکایت درج کرانے والی خاتون نے بتایا کہ حملہ آوروں نے مرد سیاحوں کو نہر میں دھکا دے دیا اور تین میں سے 2 حملہ آوروں نے اس کے ساتھ اور اسرائیلی سیاح کے ساتھ جنسی زیادتی کی۔
ایف آئی آر کے مطابق ملزمان شکایت کنندہ خاتون کو گھسیٹ کر نہر کے کنارے لے گئے، جہاں ایک نے شخص اس کا گلا دبانے کی کوشش کی اور اس کے کپڑے اتار دیے، اس کے بعد ان میں سے 2 نے اسے تشدد اور جنسی زیادتی کا نشانہ بنایا، انہوں نے اس کا بیگ بھی چھین لیا جس میں 2 موبائل فون اور ساڑھے 9 ہزار روپے تھے۔
رپورٹ کے مطابق اسی طرح تیسرا حملہ آور اسرائیلی سیاح کو گھسیٹ کر ایک سائیڈ پر لے گیا اور اس کے ساتھ جنسی زیادتی کی، اس کے بعد حملہ آور موٹر سائیکل پر فرار ہو گئے۔
پولیس نے بتایا کہ مہاراشٹر اور امریکا سے تعلق رکھنے والے سیاح نہر سے باہر آنے میں کامیاب ہوگئے اور ایک سرکاری اسپتال میں زیر علاج ہیں، تاہم اڈیشہ سے تعلق رکھنے والا سیاح باہر آنے میں ناکام رہا اور آج صبح اس کی لاش ملی۔
.ذریعہ: Express News
کلیدی لفظ: رپورٹ کے مطابق اسرائیلی سیاح اور اس
پڑھیں:
لاہور میں ٹریفک حادثہ: بوتلوں سے بھرا ٹرک رکشے پر الٹ گیا، چار افراد جاں بحق
لاہور کے علاقے ایم اے او کالج کے قریب خوفناک ٹریفک حادثے میں چار افراد جاں بحق ہو گئے۔
عینی شاہدین کے مطابق بوتلوں سے بھرا ٹرک رکشے کے اوپر الٹ گیا جس کے نتیجے میں رکشے میں سوار چار افراد موقع پر ہی دم توڑ گئے۔ ریسکیو 1122 کے مطابق حادثے کی اطلاع ملتے ہی امدادی ٹیمیں موقع پر پہنچ گئیں۔
ریسکیو ذرائع کے مطابق جاں بحق ہونے والوں میں 60 سالہ شبانہ زوجہ شفیق، 67 سالہ شفیق ولد فردوس محمد، 35 سالہ ساجد ولد شفیق، اور 32 سالہ اقرہ زوجہ ساجد شامل ہیں۔ لاشوں کو پوسٹ مارٹم کے لیے میو اسپتال منتقل کیا جا رہا ہے۔
ریسکیو 1122 کا کہنا ہے کہ علاقے میں ٹریفک کی روانی متاثر ہوئی ہے جبکہ پولیس نے موقع پر پہنچ کر حادثے کی تحقیقات شروع کر دی ہیں۔
آزاد کشمیر، تحریکِ عدم اعتماد آج بھی پیش نہیں کی جا سکی