آزاد کشمیر، گلگت بلتستان، کے پی میں بارش و برفباری، رابطہ سڑکیں بند
اشاعت کی تاریخ: 10th, March 2025 GMT
— فائل فوٹو
آزاد کشمیر، گلگت بلتستان اور خیبر پختون خوا کے مختلف علاقوں میں بارش اور پہاڑوں پر برف باری کا سلسلہ جاری ہے۔
استور میں گزشتہ رات سے میدانی علاقوں میں بارش اور بالائی علاقوں میں برف باری کا سلسلہ جاری ہے۔
بالائی علاقوں میں مسلسل رابطہ سڑکیں بند ہونے سے اشیائے خور و نوش کی قلت ہوگئی ہے، کئی مقامات پر 3 سے 4 فٹ تک برف پڑ چکی ہے۔
ملک کے بالائی اور میدانی علاقوں میں بارش اور برف باری سے سردی کی شدت میں اضافہ ہوگیا۔
اکثر رابطہ سڑکیں بند ہیں، لینڈ سلائیڈنگ کے پیشِ نظر غیر ضروری سفر سے اجتناب کرنے کی ہدایات کی گئی ہیں۔
خیبر پختون خوا میں سوات، دیر بالا، مردان سمیت اکثر شہروں میں بارش ہو رہی ہے، پہاڑوں پر وقفے وقفے سے برف باری نے نظارے دلکش کر دیے ہیں۔
ادھر آزاد کشمیر میں بھی سیاحتی مقامات پر گزشتہ رات سے برف باری کا سلسلہ جاری ہے۔
دوسری جانب بلوچستان کے بیشتر اضلاع میں آج مطلع جزوی ابر آلود رہنے کا امکان ہے تاہم اس دوران کوئٹہ، چاغی، سوراب، قلعہ عبد اللّٰہ، قلعہ سیف اللّٰہ، ژوب اور شیرانی میں چند مقامات پر ہلکی بوندا باندی اور بارش کا امکان ہے۔
محکمۂ موسمیات کے مطابق آج صوبے کے بیشتر اضلاع میں مطلع جزوی ابر آلود رہنے کے علاوہ وسطی، شمالی اور پہاڑی علاقوں میں رات کے وقت موسم سرد جبکہ جنوبی علاقوں میں موسم دن کے وقت گرم رہنے کا امکان ہے۔
قلات میں آج صبح کم سے کم درجۂ حرارت 8 ڈگری سینٹی گریڈ ریکارڈ کیا گیا۔
اس کے علاوہ سبی میں 14، خضدار میں15، پنجگور میں 18 اور تربت میں 20 ڈگری سینٹی گریڈ ریکارڈ کیا گیا۔
.ذریعہ: Jang News
کلیدی لفظ: علاقوں میں بارش
پڑھیں:
عید کی تعطیلات اور آئندہ ہفتے کے دوران موسم کیسا رہے گا؟
عید کی تعطیلات اور آئندہ ہفتے کے دوران شدید گرمی کی لہر رہنے کا امکان ہے۔
یہ بھی پڑھیں: مون سون 2025: معمول سے زیادہ بارشیں، سیلاب اور اربن فلڈنگ کا خطرہ، محکمہ موسمیات
7 سے 12 جون کے دوران ملک کے بالائی علاقوں (وسطی/ بالائی پنجاب، اسلام آباد، خیبر پختونخوا، کشمیر، گلگت بلتستان) میں دن کا درجہ حرارت معمول سے 5 تا 7 ڈگری سینٹی گریڈ زیادہ جبکہ جنوبی علاقوں (بالائی /وسطی سندھ، جنوبی پنجاب اور بلوچستان کے علاقوں) میں 4 تا 6 ڈگری سینٹی گریڈ زیادہ رہنے کا امکان ہے۔
محکمہ موسمیات کے مطابق آئندہ 24 گھنٹوں کے دوران ملک کے بیشتر علاقوں میں موسم گرم اور خشک جبکہ میدانی علاقوں میں شدید گرم رہنے کی توقع ہے تاہم جمعہ اور ہفتہ کی درمیانی (شام /رات) کے اوقات میں بالائی خیبر پختونحوا میں چند مقامات پر تیز ہواؤں اور گرج چمک کے ساتھ بارش کا امکان ہے۔
مزید پڑھیے: موسمیاتی تبدیلی کے اثرات سے نمٹنے کے لیے 100 ارب روپے مختص کردیے گئے، مریم اورنگزیب
محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم گرم اور خشک جبکہ میدانی علاقوں میں شدید گرم رہا۔
جمعے کو ریکارڈ کیے گئے زیادہ سے زیادہ درجہ حرارت کی رپورٹ کے مطابق سبی میں درجہ حرارت 48، دادو 47 اور شہید بینظیر آباد میں 46 ڈگری سینٹی گریڈ رہا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عید کی تعطیلات میں موسم عید میں موسم محکمہ موسمیات
نواز شریف میڈیکل چیک اپ کے لیے لندن روانہ