کراچی سے راولپنڈی جانے والی تیزگام ایکسپریس حادثے کا شکار
اشاعت کی تاریخ: 11th, March 2025 GMT
کراچی سے راولپنڈی جانے والی تیزگام ایکسپریس روہڑی اسٹیشن پر حادثے کا شکار ہوگئی۔
ریلوے ذرائع کے مطابق مسافر ٹرین کی ایک بوگی روہڑی اسٹیشن پر ٹریک سے اتر گئی، حادثے کے بعد اپ ٹریک بلاک ہوگیا اور پٹری کو بھی نقصان پہنچا ہے۔
حادثے کی اطلاع ملنے کے بعد امدادی کارروائیاں جاری ہیں جبکہ حادثے کے باعث ٹرینیوں کو مختلف اسٹیشنز پر روک لیا گیا ہے۔
ذرائع کے مطابق واقعے میں کوئی جانی نقصان نہیں ہوا۔
Post Views: 1.ذریعہ: Daily Mumtaz
پڑھیں:
اسلام آباد ایکسپریس حادثہ ‘ ابتدائی تحقیقات میں ڈرائیور قصور وار : ذمہ داروں کو جیل بھجوائیں گے : وزیرریلوے
لاہور؍ اسلام آباد؍فیروز والہ (سٹاف رپورٹر+این این آئی+نمائندہ نوائے وقت+نامہ نگار) لاہور سے راولپنڈی جانے والی اسلام آباد ایکسپریس کو گزشتہ رات کالا شاہ کاکو کے قریب خوفناک حادثہ پیش آیا، جس میں ٹرین کی سات بوگیاں پٹڑی سے اتر گئیں اور 30 سے زائد مسافر زخمی ہوئے۔ ابتدائی اطلاعات کے مطابق حادثے میں کوئی جانی نقصان نہیں ہوا، جبکہ تفتیشی رپورٹ میں ڈرائیور کو قصور وار قرار دیا گیا ہے۔ ذرائع کے مطابق حادثے کی ابتدائی انکوائری رپورٹ تیار کر لی گئی ہے جس میں ٹرین کے ڈرائیور کو قصور وار قرار دیا گیا ہے۔ رپورٹ کے مطابق ڈرائیور نے مقررہ رفتار کو نظر انداز کیا جبکہ ٹرین روانگی سے قبل ایک بوگی کی الائنمنٹ میں خرابی کی اطلاع دی گئی تھی جسے نظر انداز کیا گیا۔ ریلوے حکام کے مطابق حادثے میں مجموعی طور پر نو بوگیاں متاثر ہوئیں جبکہ ٹرین کا انجن محفوظ رہا۔ ڈی ایس ریلوے کے مطابق جائے حادثہ پر 800 میٹر ٹریک متاثر ہوا ہے۔ وفاقی وزیر ریلوے محمد حنیف عباسی نے کہا ہے کہ کالا شاہ کاکو ریلوے ٹریک بحال کر دیا گیا ہے اور فٹنس رپورٹ بھی جاری کر دی گئی ہے، ذمہ داران کو سیدھا جیل بھیجیں گے۔ وزارت ریلوے کی جانب سے ہفتے کو جاری بیان میں وفاقی وزیر نے کہا کہ بحال کئے گئے ٹریک سے دن ڈیڑھ بجے جعفر ایکسپریس ٹریک سے گزرے گی اور اسلام آباد ایکسپریس بھی ہفتے کو معمول کے مطابق روانہ ہو گی۔ انہوں نے کہا کہ دیگر ٹرینیں بھی اپنے اپنے روٹس پر معمول کے مطابق روانہ ہوں گی۔ وفاقی وزیر نے کہا کہ تمام زخمی مسافر طبی امداد کے بعد ڈسچارج کر دیے گئے ہیں۔ محمد حنیف عباسی نے کہا کہ فیڈرل گورنمنٹ انسپکٹر آف ریلویز کی سربراہی میں انکوائری کمیٹی تشکیل دی گئی ہے اور سات روز میں رپورٹ وزارت میں پیش کی جائے گی۔ وفاقی وزیر ریلوے نے کہا کہ ذمہ داران کو سیدھا جیل بھیجیں گے۔ فیڈرل گورنمنٹ انسپکٹر آف ریلویز عامر نثار چودھری 4 اگست سے 6 اگست تک ڈی ایس ریلوے آفس لاہور کے کمیٹی روم میں 107 اپ اسلام آباد ایکسپریس کی یکم اگست جمعہ کی شام ہونے والی ڈی ریلمنٹ کے حوالے سے انکوائری کریں گے۔ انکوائری کا آغاز صبح نو بجے ہوگا، اس دوران فیڈرل گورنمنٹ انسپکٹر آف ریلویز حادثہ کے حوالے سے کسی طرح کی بھی اطلاع رکھنے والے شخص سے ملاقات کیلئے دستیاب ہوں گے۔اسلام آباد سے نمائندہ نوائے وقت کے مطابق پاکستان ریلویز نے کالا شاہ کاکو ریلوے ٹریک بحال کر تے ہوئے ، فٹنس رپورٹ جاری کردی ہے ،ڈیڑھ بجے جعفر ایکسپریس ٹریک سے گزرے گی۔اسلام آباد ایکسپریس آج معمول کے مطابق روانہ ہو گی۔دیگر ٹرینیں بھی اپنے اپنے روٹس پر معمول کے مطابق روانہ ہوں گی۔تمام زخمی مسافر طبی امداد کے بعد ڈسچارج کر دیے گئے ہیں۔فیڈرل گورنمنٹ انسپکٹر آف ریلویز کی سربراہی میں انکوائری کمیٹی تشکیل گئی ہے جوسات روز میں رپورٹ وزارت میں پیش کے گی۔اس حولاے سے وفاقی وزیر ریلوے حنیف عباسی نے کہا ہے کہ ذمہ داران کو سیدھا جیل بھیجیں گے۔
تیراہ واقعہ: وزیراعلیٰ کے پی کا جاں بحق افراد اور زخمیوں کے لیے مالی امداد کا اعلان