قومی اسمبلی میں نواب یوسف تالپور اور مولانا حامد الحق حقانی کو خراج عقیدت
اشاعت کی تاریخ: 11th, March 2025 GMT
اسلام آباد:
قومی اسمبلی کا اجلاس پیپلز پارٹی کے رکن قومی اسمبلی نواب یوسف تالپور کی وفات اور جے یو آئی س کے سابق رکن قومی اسمبلی حامد الحق حقانی کی شہادت پر اظہار تعزیت کے بعد کل ساڑھے گیارہ بجے تک ملتوی کر دیا گیا۔
اجلاس اسپیکر قومی اسمبلی سردار ایاز صادق کی صدارت میں ہوا، جہاں انہوں نے کہا کہ نواب یوسف تالپور کی حال ہی میں وفات ہوئی ہے جبکہ مولانا حامد الحق حقانی اور ان کے ساتھی شہید ہوئے ہیں۔ ان کے لیے دعائے مغفرت اور خراج عقیدت پیش کرتے ہوئے اجلاس احتراما کل تک کے لیے ملتوی کیا جا رہا ہے۔ وفاقی وزیر خالد مگسی نے دعائے مغفرت کرائی۔
چیئرمین پیپلز پارٹی بلاول بھٹو زرداری نے نکتہ اعتراض پر اظہار خیال کرتے ہوئے کہا کہ نواب یوسف تالپور کے نام کے ساتھ تو نواب تھا مگر ان کا رویہ ہمیشہ عوامی رہا۔ انہوں نے جنرل ضیا الحق اور جنرل پرویز مشرف کی آمریت کے خلاف جدوجہد کی اور ہمیشہ جمہوری اصولوں کی بات کی۔ نواب یوسف تالپور نے ایم آر ڈی میں حصہ لیا، زراعت کے مسائل اور پانی کی تقسیم پر ہمیشہ بات کی۔
وزیر دفاع خواجہ آصف نے اظہار تعزیت کرتے ہوئے کہا کہ نواب یوسف تالپور جمہوریت کے مضبوط داعی تھے اور پارلیمان میں ایک ملنسار شخصیت کے حامل تھے۔ پی ٹی آئی کے رکن قومی اسمبلی علی محمد خان نے کہا کہ نواب یوسف تالپور لاجز میں ان کے ہمسائے تھے اور ایک بہترین انسان تھے۔
وفاقی وزیر امیر مقام نے نواب یوسف تالپور اور مولانا حامد الحق کی خدمات کو جمہوریت کے لیے تابناک قرار دیا، جبکہ ایم کیو ایم کے رکن خواجہ اظہار الحسن نے بھی دونوں رہنماؤں کے اہل خانہ سے تعزیت کا اظہار کیا۔
اسپیکر قومی اسمبلی ایاز صادق نے اجلاس کل صبح 11:30 بجے تک ملتوی کر دیا۔
.ذریعہ: Express News
کلیدی لفظ: قومی اسمبلی حامد الحق
پڑھیں:
سینئر سیاست دان اور ممبر قومی اسمبلی میاں اظہر لاہور میں انتقال کر گئے
کارکن کی حیثیت سے اپنا سیاسی کیرئیر شروع کرنے والے زیرک سیاستدان میاں محمد اظہر 1987ء سے 1991ء تک لاہور کے میئر رہے جب کہ 1990ء سے 1992ء تک گورنر پنجاب کے عہدے پر فائز رہے۔ اسلام ٹائمز۔ سینئر سیاست دان میاں اظہر انتقال کر گئے۔ میاں اظہر سابق گورنر پنجاب اور لاہور کے حلقہ 129 سے رکن قومی اسمبلی منتخب ہوے تھے، میاں اظہر مقامی ہسپتال میں زیر علاج تھے۔ کارکن کی حیثیت سے اپنا سیاسی کیرئیر شروع کرنے والے زیرک سیاستدان میاں محمد اظہر 1987ء سے 1991ء تک لاہور کے میئر رہے جب کہ 1990ء سے 1992ء تک گورنر پنجاب کے عہدے پر فائز رہے۔ اُن کی عملی سیاسی زندگی کی ابتدائی وابستگی مسلم لیگ نون کے ساتھ تھی اور بعد میں نواز شریف کی جلا وطنی کے دوران پاکستان مسلم لیگ (ق) میں شامل ہو گئے۔
کراچی: ایس بی سی اے دفتر پر سادہ لباس اہلکاروں کا چھاپہ، 6 افسران زیرِ حراست