والدہ کے ساتھ گھر کیوں خریدا؟ دلہن نے شادی منسوخ کردی
اشاعت کی تاریخ: 12th, March 2025 GMT
واشنگٹن(انٹرنیشنل ڈیسک)امریکا میں 28 سالہ لڑکی نے اپنی شادی اس وقت منسوخ کردی جب اسے پتا چلا کہ منگیتر نے والدہ کے ساتھ مل کر خفیہ طور پر گھر خریدا ہے۔
ریڈٹ پر دلہن نے انکشاف کیا کہ وہ اور اس کے منگیتر پانچ سال سے ساتھ ہیں اور 2025 کے موسم خزاں میں شادی کے منتظر تھے، اس کے پاس بچت کرنے اور اپنا گھر بنانے کے بڑے منصوبے تھے۔
دلہن نے لکھا کہ ’ہم اس موسم خزاں میں شادی کی منصوبہ بندی کرررہے تھے اور سالوں سے اپنے مستقبل جیسے بچوں، مالی معاملات اور ایک ساتھ گھر خریدنے کے بارے میں بات کررہے تھے لیکن جب مجھے معلوم ہوا کہ اس کے منگیتر نے اپنی ماں کے ساتھ پہلے ہی ایک گھر خرید لیا ہے تو وہ حیران رہ گئی۔
انہوں نے کہا کہ منگیتر نے مجھے بتانا بھی مناسب نہیں سمجھا کہ وہ ماں کے ساتھ گھر ڈھونڈ رہا ہے تو اب ہمارے ساتھ مل کر اپنے مستقبل کی منصوبہ بندی کرنے کے بجائے وہ مالی طور پر اپنی والدہ کے ساتھ جڑا ہوا ہے۔
دلہن کے مطابق جب اس نے پوچھا کہ اس سب میں، میں کہاں ہوں تو وہ چلا گیا اور بعد میں جواز پیش کیا کہ اس نے یہ سب اپنی والدہ کے لیے کیا ہے۔
خاتون نے کہا کہ مجھے احساس ہوا کہ میں کسی ایسے شخص سے شادی نہیں کرسکتی جو یہ سمجھتا ہے کہ یہ نارمل ہے اس لیے میں نے شادی کو منسوخ کرنا ہی بہتر سمجھا۔
دلہن کی پوسٹ کو ہزاروں کی تعداد میں لوگوں نے دیکھا اور متعدد صارفین نے دلہن کے ساتھ ہمدردی کا اظہار کیا اور کہا کہ اس کا منگیتر کی طرف سے دھوکا دہی کا احساس مکمل طور پر جائز ہے۔
دوسرے صارف نے لکھا کہ اگر وہ اپنی ماں کو سب سے پہلے رکھتا ہے یا آپ کے بغیر اس طرح کے اہم فیصلے کرتا ہے تو اس سے بہت زیادہ تنازعات پیدا ہوں گے، ماں کے ساتھ گھر خریدنے کا مطلب ہے کہ وہ اپنی بیوی کے ساتھ کچھ عرصے تک گھر نہیں خرید سکتا۔
مزیدپڑھیں:پیٹرول کتنے روپے سستا ہوگا؟ عوام کے لیے بڑی خبر
ذریعہ: Daily Ausaf
کلیدی لفظ: ساتھ گھر والدہ کے کے ساتھ
پڑھیں:
کراچی: شوہر کے مبینہ بدترین تشدد سے کوما میں جانے والی نوبیاہتا دلہن انتقال کرگئی
کراچی کے علاقے لیاری میں شوہر کے مبینہ بدترین تشدد کے بعد کوما میں جانے والی نوبیاہتا لڑکی انتقال کر گئی۔
رپورٹ کے مطابق لیاری شاہ بیگ لین میں شوہر کے تشدد کا شکار نوبیاہتا دلہن شانتی سول اسپتال ٹراما سینٹر میں زیر علاج تھی۔
پولیس نے بتایا کہ 19 سالہ شانتی نے سول اسپتال ٹراما سینٹر میں اب سے کچھ دیر قبل دم توڑا، شوہر کے بہیمانہ تشدد کا شکار 19سالہ شانتی تشویشناک حالت میں مقامی اسپتال میں زیرعلاج تھی۔
پولیس کے مطابق مقتولہ کی شادی 15 جون کواشوک سے ہوئی تھی جبکہ تشدد کا واقعہ 17 جون کو پیش آیا تھا، ملزم نے لڑکی کے جسم کے مختلف حصوں کو کاٹا تھا جس سے اسکی حالت انتہائی تشویشناک ہوگئی تھی۔
پولیس کا کہنا ہے کہ بغدادی پولیس نے ملزم اشوک کو گرفتار کرلیا تھا، ملزم اشوک کیخلاف لڑکی کے بھائی کی مدعیت میں مقدمہ درج ہے، ملزم کو عدالت نے جیل بھیج دیا تھا۔
قائداعظم ٹرافی میں کراچی ٹیم ضرور ہوگی ،نیا سسٹم نہیں بنا رہے