بھارتی فوج کشمیریوں کے قتل عام کیساتھ ساتھ علاقے کی معیشت کو بھی تباہ کر رہی ہے، حریت کانفرنس
اشاعت کی تاریخ: 13th, March 2025 GMT
ترجمان حریت کانفرنس کا کہنا ہے کہ بھارتی فوج کشمیریوں کو معاشی طور پر بدحال کرنے کیلئے رات کے وقت ان کے سیب کے باغات تباہ کر رہی ہے۔ اسلام ٹائمز۔ بھارت کے غیر قانونی زیر قبضہ جموں و کشمیر میں کل جماعتی حریت کانفرنس نے کہا ہے کہ بھارتی فورسز کشمیریوں کی آواز کو دبانے کیلئے ایک طرف ان کا بے دریغ قتل عام کر رہی ہیں جبکہ دوسری طرف انہوں نے علاقے کے قدرتی وسائل اور معیشت کو تباہ و برباد کرنے کا مذموم سلسلہ بھی شروع کر رکھا ہے۔ ذرائع کے مطابق کل جماعتی حریت کانفرنس کے ترجمان عبدالرشید منہاس نے سرینگر سے جاری ایک بیان میں کہا کہ بھارت نے پورے مقوضہ علاقے کو مکمل طور پر ایک فوجی چھائونی میں تبدیل کر دیا ہے، قابض بھارت نے شہروں، قصبوں اور دیہات کے علاوہ جنگلاتی علاقوں میں کیمپ اور تربیتی رینج قائم کر رکھے ہیں۔ کل جماعتی حریت کانفرنس نے علاقے کے جنگلات میں بڑے پیمانے پر آتشزدگی کے واقعات پر شدید تشویش کا اظہار کرتے ہوئے کہا کہ بھارتی فوجیوں نے سری نگر کے ہارون Harwan سے شنکر اچاریہ رینج، جنوبی کشمیر میں ترال سے پہلگام اور شمالی کشمیر میں رفیع آباد اور بانڈی پورہ اور گاندربلا کے گٹل باغ، شال باغ اور اکہلٹ کے جنگلات میں آگ لگائی تاکہ کشمیری مزاحمت کار کشمیری نوجوانوں کو آسانی سے ہدف بنایا جا سکے۔انہوں نے کہا کہ بھارتی فوج کشمیریوں کو معاشی طور پر بدحال کرنے کیلئے رات کے وقت ان کے سیب کے باغات تباہ کر رہی ہے۔ انہوں نے کہا کہ بھارتی فوجیوں کی یہ تمام منفی سرگرمیاں علاقے کے ماحولیات کو بھی بری طرح متاثر کر رہی ہیں۔ ترجمان نے کہا کہ بھارت عالمی سطح پر تسلیم شدہ متنازعہ علاقہ ہے، جموں و کشمیر میں عالمی قوانین اور اصول و ضوابط کی دھجیاں اڑا رہا ہے۔ انہوں نے کہا کہ عالمی برادری کو چاہیے کہ وہ بھارتی اوچھے ہتھکنڈوں اور ناروا اقدامات کا نوٹس لے اور مسئلہ کشمیر کے حل کیلئے اس پر دباﺅ ڈالے۔
.
ذریعہ
ذریعہ: Islam Times
کلیدی لفظ: حریت کانفرنس کہا کہ بھارت کہ بھارتی نے کہا کہ انہوں نے کر رہی
پڑھیں:
میرپور جلسہ: وزیراعلیٰ مریم نواز کے بڑے اعلانات، نواز شریف کے وعدوں اور آزاد کشمیر کی ترقی کا نیا روڈ میپ پیش
سٹی 42: آزاد کشمیر کے شہر میرپور میں عوامی اجتماع سے خطاب کرتے ہوئے وزیراعلیٰ پنجاب مریم نواز شریف نے کہا کہ عوام کا غیرمعمولی جوش و خروش اس بات کا ثبوت ہے کہ مسلم لیگ (ن) آزاد کشمیر میں بھرپور عوامی حمایت حاصل کر رہی ہے۔ انہوں نے کہا کہ مظفرآباد میں بارش اور میرپور میں شدید گرمی کے باوجود ہزاروں افراد کی شرکت نے مخالفین کو واضح پیغام دے دیا ہے۔
آئی جی پنجاب نے27افسران کے تقرروتبادلے کر دیے
مریم نواز نے کہا کہ وہ خود کو نسل، خون اور خاندان کے اعتبار سے کشمیری سمجھتی ہیں اور آزاد کشمیر کی ترقی کو اپنی ذمہ داری تصور کرتی ہیں۔ ان کا کہنا تھا کہ آزاد کشمیر میں ترقیاتی منصوبوں، جدید انفراسٹرکچر، صحت، تعلیم اور ٹرانسپورٹ کے شعبوں میں مزید کام کی ضرورت ہے۔
آج شام و رات سے 27 جولائی تک مزید بارشوں کی پیشگوئی
وزیراعلیٰ پنجاب نے اعلان کیا کہ مسلم لیگ (ن) کی حکومت قائم ہونے پر میرپور میں انٹرنیشنل ایئرپورٹ کے منصوبے پر کام کیا جائے گا، جبکہ میرپور کے لیے 10 الیکٹرک بسیں بھی فراہم کی جائیں گی۔ انہوں نے کہا کہ پنجاب میں جاری کامیاب منصوبے، جن میں اپنی چھت اپنا گھر، ستھرا پنجاب، اسکول آف ایمیننس، کلینک آن ویلز، کسان کارڈ، راشن کارڈ، سیف سٹی اور دیگر عوامی فلاحی پروگرام شامل ہیں، آزاد کشمیر تک بھی توسیع دی جائے گی۔
لیونل میسی کا بین الاقوامی فٹبال سے ریٹائرمنٹ کا فیصلہ
مریم نواز نے کہا کہ سیاحت کے فروغ سے آزاد کشمیر کی معیشت مضبوط بنائی جا سکتی ہے اور روزگار کے نئے مواقع پیدا ہوں گے۔ انہوں نے دعویٰ کیا کہ نواز شریف نے ہمیشہ عوام سے کیے گئے وعدے پورے کیے ہیں اور آئندہ بھی ترقیاتی منصوبے مکمل کیے جائیں گے۔
انہوں نے کہا کہ مسلم لیگ (ن) کی حکومت نے پاکستان کو ایٹمی طاقت بنایا، لوڈشیڈنگ کا خاتمہ کیا اور ملک بھر میں بڑے ترقیاتی منصوبے مکمل کیے۔ ان کا کہنا تھا کہ پنجاب میں لاکھوں افراد کو صحت، رہائش، روزگار اور دیگر بنیادی سہولتیں فراہم کی جا رہی ہیں، جبکہ یہی ماڈل آزاد کشمیر میں بھی نافذ کیا جائے گا۔
: نائب وزیرعظم و وزیر خارجہ اسحاق ڈار کی شنگھائی تعاون تنظیم وزرائے خارجہ کونسل اجلاس میں شرکت
اپنے خطاب کے اختتام پر وزیراعلیٰ پنجاب نے کشمیری عوام، بالخصوص بیرون ملک مقیم کشمیریوں سے اپیل کی کہ وہ مسلم لیگ (ن) کا ساتھ دیں تاکہ آزاد کشمیر میں سڑکوں، اسپتالوں، تعلیمی اداروں اور دیگر بنیادی سہولتوں کے منصوبوں پر تیزی سے عملدرآمد ممکن بنایا جا سکے۔ انہوں نے کہا کہ "پاکستان مسلم لیگ (ن) کو ووٹ دیں، آزاد کشمیر کی تقدیر بدل جائے گی اور ترقی ہر علاقے تک پہنچے گی۔
روس کا سب سے جدید اور خطرناک جنگی طیارہ گر کر تباہ
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم