ایڈن متاثرین میں چیک تقسیم کرنے کا سلسلہ دوسرے روز بھی جاری
اشاعت کی تاریخ: 16th, March 2025 GMT
چیئرمین نیب کی ہدایات کے مطابق ایڈن سکینڈل کے 11 ہزار متاثرین میں 1 ارب 16 کروڑ مالیت کے چیک عید سے قبل تقسیم کئے جائیں گے، ڈی جی نیب لاہور نے متاثرین میں چیک تقسیم کرنے کے تمام عمل کی ازخود نگرانی کی اور مناسب ہدایات جاری کیں۔ اسلام ٹائمز۔ ایڈن متاثرین میں چیک تقسیم کرنے کا سلسلہ دوسرے روز (بروز ہفتہ) بھی جاری رہا، ڈی جی نیب لاہور محمد احترام ڈار نے چھٹی کے روز ایڈن متاثرین میں ازخود چیک تقسیم کئے۔ چیئرمین نیب کی ہدایات کے مطابق ایڈن سکینڈل کے 11 ہزار متاثرین میں 1 ارب 16 کروڑ مالیت کے چیک عید سے قبل تقسیم کئے جائیں گے، ڈی جی نیب لاہور نے متاثرین میں چیک تقسیم کرنے کے تمام عمل کی ازخود نگرانی کی اور مناسب ہدایات جاری کیں۔ ترجمان نیب لاہور کے مطابق تمام متاثرین کی سہولت کیلئے انہیں شٹل سروس فراہم کی جا رہی ہے، متاثرین کو نیب کے لیٹر کی ضرورت نہیں، تمام ایڈن متاثرین بغیر لیٹر چیک وصول کرسکیں گے۔
ڈی جی نیب نے کہا کہ متاثرہ شہریوں کی آسانی کے پیش نظر سٹامپ پیپر جمع کروانے کی شرط بھی ختم کر دی گئی ہے، چیکس کی بلا تاخیر تقسیم کیلئے اضافی عملہ تعینات کیا گیا ہے جس سے سروس فراہمی بہتر ہوئی ہے۔
نیب لاہور کے مطابق سیکڑوں متاثرین چیک وصول کرنے پہنچے اور نیب کی جانب سے فراہم کردہ سہولیات سے فائدہ اٹھایا، متاثرین کی جانب سے نیب لاہور کی کاوشوں پر اظہار تشکر کرتے ہوئے چیئرمین نیب و ڈی جی نیب لاہور کیلئے نیک خواہشات کا اظہار کیا گیا۔ متاثرہ شہریوں نے کہا کہ ملزمان سے ریکوری اور متاثرین کے مابین رقوم کی باعزت تقسیم کے عمل پر نیب لاہور کی کوششوں کو سراہتے ہیں، عید کے پُرمسرت موقع پر ڈوبی رقم کی برآمدگی سے عید کی خوشیوں میں اضافہ ہوگا۔
ذریعہ: Islam Times
کلیدی لفظ: متاثرین میں چیک تقسیم کرنے ڈی جی نیب لاہور ایڈن متاثرین کے مطابق
پڑھیں:
سورج کا قہر جاری؛ لاہور سمیت پورا پنجاب شدید گرمی کی لپیٹ میں
عید کے دوسرے روز لاہور سمیت پنجاب بھر شدید گرمی کی لپیٹ میں آ گیا ہے جہاں سورج نے آگ کے گولے برسانا شروع کر دیے ہیں۔
صوبائی دارالحکومت میں خشک موسم کے باعث گرمی کی شدت میں غیر معمولی اضافہ دیکھا جا رہا ہے۔ محکمہ موسمیات کے مطابق شہر میں آج کم سے کم درجہ حرارت 29 جب کہ زیادہ سے زیادہ درجہ حرارت 44 ڈگری سینٹی گریڈ تک جانے کا امکان ہے۔
محکمہ موسمیات نے خبردار کیا ہے کہ آئندہ 2روز کے دوران لاہور سمیت پنجاب کے بیشتر علاقوں میں موسم شدید گرم اور خشک رہے گا، جس کے باعث شہریوں کو خاصی مشکلات کا سامنا کرنا پڑ سکتا ہے۔
اُدھر محکمہ موسمیات کی ملک گیر پیشگوئی کے مطابق 07 سے 12 جون کے دوران وسطی و بالائی پنجاب، اسلام آباد، خیبرپختونخوا، آزاد کشمیر اور گلگت بلتستان میں دن کے اوقات میں درجہ حرارت معمول سے 5 سے 7 ڈگری زیادہ رہنے کا امکان ہے، جبکہ بالائی و وسطی سندھ، جنوبی پنجاب اور بلوچستان میں یہ درجہ حرارت 4 سے 6 ڈگری زیادہ ہو سکتا ہے۔
پیش گوئی کے مطابق ملک کے میدانی علاقے شدید گرمی کی لپیٹ میں رہیں گے، جہاں موسم نہ صرف شدید گرم بلکہ انتہائی خشک بھی ہوگا۔ شدید گرمی کی اس لہر میں گزشتہ روز سب سے زیادہ درجہ حرارت بلوچستان کے شہر سبی میں 47 ڈگری سینٹی گریڈ ریکارڈ کیا گیا۔
محکمہ موسمیات نے شہریوں کو ہدایت کی ہے کہ وہ شدید گرمی سے بچاؤ کے لیے حفاظتی اقدامات اختیار کریں، پانی کا استعمال بڑھائیں اور بلاضرورت دھوپ میں نکلنے سے گریز کریں۔
خیبرپختونخوا،سرکاری اسکولز کو فرنیچر فراہم کرنے کا فیصلہ