مقدس ہستیوں کے تقدس کے تحفظ کے لیے اپنا تن من دھن قربان کر دیں گے، علامہ حامد سعید کاظمی
اشاعت کی تاریخ: 16th, March 2025 GMT
ملتان پریس کلب میں منعقدہ تحفظ ناموس رسالت سیمینار سے خطاب کرتے ہوئے سابق وفاقی وزیر مذہبی اُمور کا کہنا تھا کہ جنید حفیظ جیسے ملعونوں کو کیفر کردار تک پہنچانے کے لیے کسی صورت پیچھے نہیں ہٹیں گے، توہین آمیز خاکوں کی اشاعت، گستاخانہ فلم، آزادی اظہار رائے کے نام پر مذہبی تنقید جیسے واقعات کو روکنے کے لیے پاکستان سمیت دنیا بھر کے عاشقان رسول تا قیامت اپنا کردار ادا کرتے رہیں گے۔ اسلام ٹائمز۔ سابق وفاقی وزیر مذہبی امور علامہ سید حامد سعید کاظمی نے کہا ہے کہ اسلام دشمن قوتوں کی آزادی اظہار رائے کے نام پر مسلمانوں کے جذبات کو مجروح کرنے کا راستہ روکنے کے لیے ہم اپنا تن من دھن قربان کرنے سے گریز نہیں کریں گے، جنید حفیظ جیسے ملعونوں کو کیفر کردار تک پہنچانے کے لیے کسی صورت پیچھے نہیں ہٹیں گے، توہین آمیز خاکوں کی اشاعت، گستاخانہ فلم، آزادی اظہار رائے کے نام پر مذہبی تنقید جیسے واقعات کو روکنے کے لیے پاکستان سمیت دنیا بھر کے عاشقان رسول تا قیامت اپنا کردار ادا کرتے رہیں گے اور مقدس ہستیوں کے تقدس کے تحفظ کے لیے اپنا تن من دھن قربان کر دیں گے، جمعیت علمائے پاکستان (نورانی گروپ) جنوبی پنجاب کے صدر محمد ایوب مغل نے کہا کہ نبی کریم کی شان میں گستاخی کرنے والے ملعونوں کی سزا موت ہے، ناموس رسالت کے تحفظ لیے پہرہ دیتے رہیں گے، ملعون جنید حفیظ کو سزائے موت کا فیصلہ سنانے والے جج اور تحفظ ناموس رسالت کے لیے ذمہ داری ادا کرنے والے وکلا کو خراج تحسین پیش کرتے ہیں، انشا اللہ لاہور ہائی کورٹ سے بھی اسے کوئی ریلیف نہیں ملے گا۔
ملی یکجہتی کونسل جنوبی پنجاب کے صدر حافظ محمد اسلم نے کہا کہ جماعت اسلامی کی قیادت تحفظ ناموس رسالت کے قائدین کے شانہ بشانہ کھڑی ہے، کلمہ طیبہ کی بنیاد پر بننے والے ملک کے عاشقان رسول قاضی فائز عیسی جیسوں کو روکنے کے لیے موجود ہیں، محمد ایوب مغل اور ان کے ساتھیوں کو تحفظ ناموس رسالت کے لیے جدوجہد پر خراج تحسین پیش کرتے ہیں، معروف قانون دان وسیم ممتاز،حافظ اللہ دتہ کاشف بوسن نے کہا کہ تحفظ ناموس رسالت لائرزونگ جنید حفیظ جیسے بدبختوں کو قرار واقعی سزا دلوانے کے لیے ہمہ وقت تیار ہے اور ذمہ داری سے اپنا کردار ادا کر رہی ہے، افسوسناک صورتحال یہ ہے کہ ملعون جنید حفیظ کا کیس ملتان ہائی کورٹ بنچ سے لاہور ہائی کورٹ بنچ بھیجا گیا جس کی 19 مارچ پیشی ہے لیکن ہم ذمہ داری سے اپنا کردار ادا کرتے رہیں گے۔
ان خیالات کا اظہار انہوں نے جمیعت علمائے پاکستان (نورانی گروپ) جنوبی پنجاب کے صدر محمد ایوب مغل کی زیر صدارت ملتان پریس کلب میں منعقدہ تحفظ ناموس رسالت سیمینار سے خطاب کے دوران کیا، سیمینار سے منہاج القرآن کے رہنما را محمد عارف رضوی، قومی تاجر اتحاد کے چیئرمین سلطان محمود ملک، جمعیت اہل حدیث کے رہنما قاری ہدایت اللہ رحمانی، سنی تحریک کے صوبائی ناظم اعلی مرزا ارشد القادری، پاکستان فنکشنل لیگ کے رہنما الحاج محمد اشرف قریشی، ماسٹر غلام سرور، مولانا عمران سعیدی، محمد اشفاق سعیدی، مولانا محمد طاہر رضا قادری نے بھی خطاب کیا۔ جبکہ نظامت کے فرائض مولانا طارق ہاشمی نے سرانجام دیے، تلاوت پاک و نعت کی سعادت حافظ علی نواز نے حاصل کی، اس موقع پر حافظ محمد ظفر قریشی، شیخ عتیق، صوفی محمد صدیق، مظہر فاروق بھٹہ، سابق کونسلر ملک الطاف، ملک محمد رفیق سمیت سیاسی مذہبی سماجی شخصیات نے کثیر تعداد میں شرکت کی۔
ذریعہ: Islam Times
پڑھیں:
مستونگ میں دہشتگردوں کے خلاف آپریشن، 3 دہشت گرد ہلاک، میجر اور سپاہی مادرِ وطن پر قربان
سیکیورٹی فورسز نے مستونگ میں دہشت گردوں کے خلاف انٹیلیجنس بنیاد پر آپریشن کے دوران 3 دہشت گرد وں کو ہلاک کردیا جبکہ پاک فوج کے میجر زیاد سلیم اور سپاہی ناظم حسین مادرِ وطن پر قربان ہوگئے ۔
یہ بھی پڑھیں: مستونگ: قومی شاہراہ پر بلوچستان کانسٹیبلری کی گاڑی پر فائرنگ، ایک اہلکار شہید، 3 زخمی
پاکس فوج کے شعبہ تعلقات عامہ آئی ایس پی آر کے مطابق 23 جولائی 2025 کو سیکیورٹی فورسز نے ضلع مستونگ میں بھارتی سرپرستی میں سرگرم دہشتگرد تنظیم فتنہ الہندستان کی موجودگی کی اطلاع پر انٹیلیجنس بنیاد پر آپریشن کیا۔
آئی ایس پی آر کا کہنا ہے کہ کارروائی کے دوران سیکیورٹی فورسز نے دہشتگردوں کے ٹھکانے کو مؤثر طریقے سے نشانہ بنایا، آپریشن کے نتیجے میں 3 دہشت گرد واصلِ جہنم کردیے گئے، تاہم فائرنگ کے شدید تبادلے میں مادرِ وطن کے بہادر سپوت میجر زیاد سلیم اول، جو اپنے دستے کی قیادت فرنٹ لائن سے کر رہے تھے، دشمن کا بہادری سے مقابلہ کرتے ہوئے جامِ شہادت نوش کر گئے۔ ان کے ہمراہ سپاہی ناظم حسین بھی شہید ہو گئے۔
آئی ایس پی آر کے مطابق علاقے میں ممکنہ دیگر بھارتی سرپرست دہشت گردوں کی موجودگی کے پیشِ نظر کلیئرنس اور سینیٹائزیشن آپریشن جاری ہے۔
یہ بھی پڑھیں: ترجمان بلوچستان حکومت نے مستونگ میں 4 دہشتگردوں کی ہلاکت کی تصدیق کردی
آئی ایس پی آر کا کہنا ہے کہ پاک فوج ملک سے بھارتی سرپرست دہشت گردی کے مکمل خاتمے کے لیے پرعزم ہےاور ہمارے بہادر سپوتوں کی یہ عظیم قربانیاں ہمارے اس عزم کو مزید مضبوط کرتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئی ایس پی آر انٹیلیجنس بلوچستان پاک فوج دہشتگرد سپاہی ناظم حسین شہید کلیئرنس آپریشن مستونگ میجر زیاد سلیم میجر شہید
80 سے زائد چینی اور غیر ملکی اکیڈمیشنز کی ورلڈ آرٹیفیشل انٹیلی جنس کانفرنس میں شرکت کی تصدیق