امریکی جارحیت کا مقابلہ کرینگے، یمنیوں کا غزہ کی حمایت میں ملین مارچ
اشاعت کی تاریخ: 17th, March 2025 GMT
المیادین نیوز نیٹ ورک کے مطابق صنعا اور یمن کے دیگر صوبوں میں غزہ کی حمایت اور امریکی حملوں کی مذمت میں بڑے پیمانے پر ریلیاں منعقد ہوئیں۔ اسلام ٹائمز۔ لاکھوں یمنی عوام نے "ہم غزہ کے ساتھ کھڑے ہیں اور امریکی کشیدگی کا مقابلہ کرتے ہیں" کے نعرے کے ساتھ غزہ کی حمایت میں ملین مارچ کیا۔ صنعا کے السبعین اسکوائر میں لاکھوں یمنی غزہ کے لیے اپنی حمایت کا اعادہ کرنے اور یمن پر حالیہ امریکی حملوں کی مذمت کے لیے جمع ہوئے۔ المیادین نیوز نیٹ ورک کے مطابق صنعا اور یمن کے دیگر صوبوں میں غزہ کی حمایت اور امریکی حملوں کی مذمت میں بڑے پیمانے پر ریلیاں منعقد ہوئیں۔ ریلیوں کے منتظمین کی طرف سے جاری کردہ بیان میں غزہ کے عوام کو درپیش تمام خطرات کے مقابلے میں یمنی عوام کی حمایت میں ثابت قدم رہنے پر تاکید کی گئی ہے۔
یمنیوں نے اس بات پر بھی زور دیا کہ وہ بغیر کسی ہچکچاہٹ اور خوف کے، دنیا کے تمام استعماری غنڈوں کا مقابلہ کرنے اور اس راہ میں اپنی جانیں قربان کرنے کے لیے تیار ہیں۔ مظاہرین نے غزہ کی ناکہ بندی ختم کرنے کے لیے انصار اللہ کے رہنما کی طرف سے مقرر کردہ چار روزہ ڈیڈ لائن اور اسرائیلی حکومت کے بحری جہازوں کے بائیکاٹ کو جاری رکھنے کی بھی حمایت کی، اور ان حملوں اور حالیہ امریکی کشیدگی کا مقابلہ کرنے کے لیے فوجی کارروائی، قومی سطح پر متحرک ہونے اور دشمن کی بحری اقتصادی ناکہ بندی کو بڑھاتے ہوئے اپنے عزم پر قائم رہنے کا اعلان کیا۔
ذریعہ: Islam Times
کلیدی لفظ: غزہ کی حمایت کا مقابلہ کے لیے
پڑھیں:
اقوام متحدہ میں پاکستان نے بھارتی جارحیت، کشمیر پر قبضے اور آبی خلاف ورزیوں کو بے نقاب کردیا
اقوام متحدہ کی سلامتی کونسل میں منعقدہ حالیہ کھلے مباحثے میں پاکستان نے بھارت کے خلاف ٹھوس اور دلائل سے بھرپور مؤقف اپناتے ہوئے اس کا حقیقی چہرہ عالمی برادری کے سامنے بے نقاب کر دیا۔
یہ بھی پڑھیں:بھارت کی دوبارہ سبکی، امریکی صدر نے 5 طیارے گرانے کا ذکر پھر چھیڑ دیا
اقوام متحدہ میں پاکستان کے مستقل مندوب، سفیر عثمان جدون نے بھارتی مندوب کے بے بنیاد الزامات پر بھرپور جواب دیا اور اسے فورم کے غلط استعمال کی کوشش قرار دیا۔
سفیر عثمان جدون نے کہا کہ بھارت جموں و کشمیر پر غیرقانونی قبضہ برقرار رکھے ہوئے ہے اور اقوام متحدہ کی قراردادوں کی کھلم کھلا خلاف ورزی کر رہا ہے۔
انہوں نے یاد دلایا کہ یہی بھارت مسئلہ کشمیر کو اقوام متحدہ میں لے کر آیا تھا، مگر آج وہ انہی قراردادوں سے راہِ فرار اختیار کر رہا ہے۔
انہوں نے واضح کیا کہ کشمیری عوام کا حق خودارادیت ایک ناقابلِ تنسیخ حق ہے جسے بھارت مسلسل پامال کر رہا ہے۔
مباحثے میں پاکستانی سفیر نے بھارت کی جانب سے پاکستان میں دہشتگردی کی سرپرستی اور اقلیتوں کے خلاف انسانی حقوق کی خلاف ورزیوں پر بھی روشنی ڈالی۔
یہ بھی پڑھیں:پاک فوج نے فیلڈ مارشل عاصم منیر کی قیادت میں بھارتی جارحیت کا بھرپور جواب دیا، وزیراعظم کا ای سی او اجلاس سے خطاب
انہوں نے زور دیا کہ عالمی تنظیموں کی متعدد رپورٹس میں بھارت کے اندر اقلیتوں کے خلاف ظلم و ستم کی نشاندہی کی گئی ہے۔
علاوہ ازیں، سفیر نے بھارت کی جانب سے سندھ طاس معاہدے کو یکطرفہ طور پر معطل کرنے کی کوشش کو بین الاقوامی قانون کی سنگین خلاف ورزی قرار دیا۔
ان کے مطابق بھارت کا اصل مقصد پاکستان کو دریائے سندھ کے پانی سے محروم کرنا ہے، جو ناقابلِ قبول ہے۔
مباحثے کے دوران پاکستانی سفیر نے کہا کہ 7 سے 10 مئی کے دوران بھارت نے پاکستان کے خلاف کھلی جارحیت کی، جس کے جواب میں پاکستان نے اپنے دفاع کا حق استعمال کرتے ہوئے بھرپور اور مؤثر کارروائی کی۔
اس دوران بھارت کے 6 جنگی طیارے تباہ کیے گئے اور اسے نمایاں عسکری نقصان اٹھانا پڑا۔
سفیر نے بھارت کو خبردار کیا کہ وہ غرور اور جھوٹی برتری کے خمار سے نکل کر زمینی حقائق کا سامنا کرے اور اپنے رویے پر نظرثانی کرے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقوام متحدہ بھارت بھارتی جارحیت پاکستانی مندوب عثمان جدون
والد نے مسلسل رابطوں سے پریشان ہوکر تدفین کا بیان دیا، بہن بہت خوددار تھی، بھائی حمیرا اصغر