افغانستان نے دہشتگردوں کو نہ روکا تو کل خود بھی اسی آگ میں جلنا ہوگا، علامہ طاہر اشرفی
اشاعت کی تاریخ: 19th, March 2025 GMT
معروف مذہبی شخصیت، آل پاکستان علما کونسل کے چیئرمین علامہ طاہر اشرفی نے کہا ہے کہ افغانستان نے اگر دہشتگردوں کو نہ روکا تو خود بھی اسی آگ میں جلنا ہوگا۔
وی نیوز کو خصوصی انٹرویو دیتے ہوئے انہوں نے کہاکہ پاکستان اسلامی دنیا کا طاقتور ترین ملک ہے، اسے کمزور کرنے کے لیے بہت سے بیرونی ممالک کام کررہے ہیں۔
یہ بھی پڑھیں بھارت نے سانحہ جعفر ایکسپریس پر جشن منایا، پاکستان کے استحکام پر کوئی کمپرومائز ممکن نہیں، طاہر اشرفی
طاہر اشرفی نے کہاکہ دشمن ممالک کو معلوم ہے کہ پاکستان کو توڑا نہیں جا سکتا، کیونکہ پاکستان کے پاس ایک مضبوط فوج ہے، جو ملک کی حفاظت کے لیے تن، من، دھن کی قربانی دینے کے لیے ہمہ وقت تیار رہتے ہیں۔
انہوں نے کہاکہ اب اس صورت حال میں دشمن نے ملک کے اندر انتشار ڈالنا شروع کردیا ہے، اور اس کام کے لیے نوجوانوں کو ملک کے خلاف ابھارا جارہا ہے۔
فتنہ الخوارج کا مقصد اسلام کے نام پر ملک میں انتشار پھیلانا ہےعلامہ طاہر اشرفی نے فتنہ الخوارج کے من گھڑت نظریات کے حوالے سے کہاکہ اسلام تو کسی عام انسان کے قتل کی بھی مخالفت کرتا ہے، جبکہ خوارج یہاں معصوم مسلمانوں کو نشانہ بنا رہے ہیں۔ فتنہ الخوارج کا مقصد اسلام کے نام پر ملک میں انتشار پھیلانا ہے اور اس کام کے لیے انڈیا دہشتگردوں کو مکمل تعاون فراہم کررہا ہے۔
انہوں نے مزید کہاکہ جیسے اے پی ایس واقعہ کے بعد سیاسی جماعتیں دہشتگردی کے خلاف متحد ہوگئی تھیں اب بھی ایسے ہی ہمیں متحد ہونا پڑےگا۔
علامہ طاہر اشرفی نے کہاکہ پاکستان نے ہمیشہ افغانستان کے لیے بہتر سوچا، پاکستان دہائیوں سے افغان مہاجرین کی مہمان نوازی کررہا ہے، مگر پھر بھی افغانستان کی سرزمین پاکستان کے خلاف استعمال ہورہی ہے۔
انہوں نے کہاکہ افغانستان نے اگر اپنی سرزمین پر دہشتگردوں کو نہ روکا تو کل خود بھی اسی آگ میں جلنا ہوگا۔
صدر آصف زرداری تمام سیاسی جماعتوں کو اکٹھا کریںطاہر اشرفی نے کہاکہ صدر مملکت آصف علی زرداری تمام سیاسی جماعتوں کو اکٹھا کریں جس کے بعد ازسر نو خارجہ اور داخلہ پالیسی تشکیل دی جائے، سیاسی جماعتوں کو اس کے لیے خود سے بالاتر ہوکر سوچنا ہوگا۔
انہوں نے کہاکہ تحریک انصاف کو بھی انا سے پیچھے ہٹنا ہوگا، کیوں کہ عمران خان کا قد پاکستان سے بڑا نہیں۔
یہ بھی پڑھیں مضبوط فوج کی وجہ سے پاکستان تمام سازشوں کا مقابلہ کر رہا ہے، مولانا طاہر اشرفی
علامہ طاہر اشرفی نے کہاکہ بدقسمتی سے پہلے نیشنل ایکشن پلان پر مکمل عمل درآمد نہیں ہوا، اب ہمیں پھر سے نیشنل ایکشن پلان ترتیب دے کر عمل بھی کرنا ہوگا، تب ہی یہ ملک آگے بڑھے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آصف زرداری افغانستان پاکستان دشمن دہشتگردی سیاسی جماعتیں صدر مملکت علامہ طاہر اشرفی نیشنل ایکشن پلان وی نیوز.ذریعہ: WE News
کلیدی لفظ: افغانستان پاکستان دہشتگردی سیاسی جماعتیں صدر مملکت علامہ طاہر اشرفی نیشنل ایکشن پلان وی نیوز علامہ طاہر اشرفی نے انہوں نے کہاکہ دہشتگردوں کو کے لیے
پڑھیں:
پاکستان سنجیدہ مذاکرات کی دعوت دے چکا، اب فیصلہ بھارت کو کرنا ہوگا: دفتر خارجہ
پاکستان سنجیدہ مذاکرات کی دعوت دے چکا، اب فیصلہ بھارت کو کرنا ہوگا: دفتر خارجہ WhatsAppFacebookTwitter 0 24 July, 2025 سب نیوز
اسلام آباد(آئی پی ایس) ترجمان دفتر خارجہ شفقت علی خان نے کہا ہے کہ پاکستان بھارت کو سنجیدہ مذاکرات کی دعوت دے چکا ہے، بھارت کو فیصلہ کرنا ہو گا کہ وہ کونسی پالیسی اپناتا ہے۔
ہفتہ وار پریس بریفنگ میں انہوں نے کہا کہ نائب وزیر اعظم و وزیر خارجہ اسحاق ڈار اعلیٰ سطح کے دورے پر امریکا میں ہیں، انہوں نے یو این سیکریٹری جنرل اور صدر سے الگ الگ ملاقاتیں کیں۔
ترجمان دفتر خارجہ نے کہا کہ اسحاق ڈار نے یو این سلامتی کونسل میں غزہ اور فلسطین کے معاملے پر بات کی، انہوں نے مشرق وسطیٰ کی صورتحال پر کھلی بحث میں بھی شرکت کی، اسحاق ڈار سے کل امریکی وزیرخارجہ سے ملاقات طے ہونے کی تصدیق کرتا ہوں۔
انہوں نے کہا کہ جموں و کشمیر اور فلسطین کے معاملات پر پاکستان نے عالمی فورمز پر آواز بلند کی، پاکستان کی صدارت میں سلامتی کونسل نے قرارداد 2788 متفقہ طور پر منظور کی، قرارداد میں تنازعات کے پُرامن حل کے لیے اقوام متحدہ کے چارٹر کے تحت اقدامات پر زور دیا گیا، وزیر خارجہ نے فلسطینی علاقوں میں ہسپتالوں اور سکولوں پر حملوں کی مذمت کی، پاکستان نے غزہ میں جنگ بندی، امدادی رسائی اور 2 ریاستی حل پر زور دیا۔
ان کا کہنا تھا کہ پاکستان نے فلسطین میں انسانی بحران پر فوری جنگ بندی کا مطالبہ کیا، صرف ایک خودمختار فلسطینی ریاست ہی مسئلہ فلسطین کا منصفانہ حل ہے۔
شفقت علی خان نے کہا کہ پاکستان پُرامن سفارتکاری پر یقین رکھتا ہے، تمام تنازعات کا حل مذاکرات کے ذریعے ممکن ہے، پاکستان کا مؤقف امن، قانون اور اصولوں پر مبنی ہے۔ سفارتکاری کسی پر احسان نہیں بلکہ دوطرفہ مفاد کا ذریعہ ہے، امریکا کے حالیہ کشیدگی کم کرانے کے کردار کو سراہتے ہیں، علاقائی استحکام اور عالمی امن سفارتکاری سے ہی ممکن ہے۔
ترجمان کا یہ بھی کہنا تھا کہ وزیر خارجہ نے او آئی سی اور اقوام متحدہ میں تعاون پر بریفنگ کی صدارت کی، پاکستان، افغانستان اور ازبکستان کے وزرائے خارجہ نے ریل منصوبے پر سہ فریقی اجلاس کیا، پاکستان اور یورپی یونین کے درمیان سیاسی مذاکرات برسلز میں ہوئے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسی جی ٹی این کے سروے میں 65 اعشاریہ 2فیصد یورپی یونین کے شہری چین کے ساتھ تجارت کو فائدہ مند سمجھتے ہیں مٹھی بھر دہشتگرد بلوچستان اور پاکستان کی ترقی و خوشحالی کا راستہ نہیں روک سکتے، ترجمان پاک فوج دیامر سیلاب: ڈاکٹر مشعال کے 3 سالہ بیٹے کی لاش 3 دن بعد مل گئی اسرائیل کیساتھ جنگ کیلئے تیار، پر امن مقاصد کیلئے جوہری پروگرام جاری رہے گا، ایرانی صدر سو سے زائد عالمی امدادی تنظیموں نے غزہ میں قحط کی صورتحال کو سنگین قرار دے دیا امریکی صدر کا مختلف ممالک پر 15 سے 50 فیصد تک ٹیرف عائد کرنے کا اعلان جنرل ساحر شمشاد مرزا کا دورہ ترکیہ، بین الاقوامی دفاعی صنعتی نمائش میں شرکتCopyright © 2025, All Rights Reserved
رابطہ کریں ہمارے بارے ہماری ٹیم
وقت ختم ، اب کسی سے کوئی مذاکرات نہیں ہوں گے،عمران خان