ماں، بہن اور بھائی کو قتل کرنے والے 18 سالہ برطانوی نوجوان کو 49 سال قید کی سزا
اشاعت کی تاریخ: 20th, March 2025 GMT
لندن: برطانیہ کے شہر لوٹن میں ایک 18 سالہ نوجوان نکولس پراسپر کو اپنی ماں، بہن اور بھائی کے قتل اور اسکول پر حملے کی منصوبہ بندی کے جرم میں 49 سال قید کی سزا سنائی گئی۔
غیر ملکی خبررساں ادارے اے ایف پی کے مطابق، گزشتہ سال ستمبر میں نکولس پراسپر نے اپنی 48 سالہ والدہ جولیانا فالکن، 13 سالہ بہن گیسل اور 16 سالہ بھائی کائل کو شاٹ گن سے قتل کر دیا۔
قتل کے بعد ملزم نے اپنے پرائمری اسکول پر فائرنگ کا منصوبہ بنایا تھا، مگر پولیس نے بروقت کارروائی کرتے ہوئے اسے حراست میں لے لیا۔ تفتیش کے دوران ملزم نے اعتراف کیا کہ وہ درجنوں طلبہ اور دو اساتذہ کو قتل کرنا چاہتا تھا۔
عدالت میں جج نے ملزم کو مخاطب کرتے ہوئے کہا، ’کیا آپ 21ویں صدی کے بدنام ترین اسکول شوٹر بننا چاہتے تھے؟‘
ملزم نے بتایا کہ وہ امریکہ میں ہونے والے سینڈی ہک اسکول فائرنگ اور ورجینیا ٹیک قتل عام جیسے حملے سے بھی زیادہ بڑا حملہ کرنا چاہتا تھا۔ تاہم، جب وہ اپنی ماں کو قتل کرنے گیا تو وہ جاگ گئی، چیخ و پکار سے پڑوسیوں کو خبر ہوگئی، اور انہوں نے پولیس کو اطلاع دے دی۔
تفتیش کے دوران ملزم کے پاس سے ایک نوٹ ملا، جس پر لکھا تھا: ’سب کو مار ڈالو‘، اور اس نے اپنے پرائمری اسکول کے کلاس رومز کی تصویریں بھی کھینچی تھیں۔
عدالت نے ملزم کو انتہائی خطرناک قرار دیتے ہوئے کہا کہ وہ شاید کبھی رہا نہ ہو سکے۔ پولیس رپورٹ کے مطابق، ملزم کو انٹرنیٹ پر بدنام قاتلوں اور اسکول فائرنگ کے واقعات میں غیر معمولی دلچسپی تھی۔
.
ذریعہ: Express News
پڑھیں:
اسلام آباد میں ٹریفک پولیس اہلکاروں پرتشدد اور ہلڑبازی کرنے والا نوجوان گرفتار
اسلام آباد میں ٹریفک پولیس اہلکاروں پر تشدد کرنے اور ہلڑ بازی کرنے والے نوجوان کو گرفتار کر لیا گیا۔اسلام آباد پولیس کے مطابق نوجوان نےکل رات آئی 8 مرکز میں ہلڑبازی کی اورپولیس اہلکاروں پر تشدد کیا۔پولیس کا کہنا ہے کہ ملزم کی پولیس اہلکاروں سے جھگڑنے اور گالم گلوچ کی ویڈیو سامنے آئی تھی، ویڈیو میں ملزم پولیس اہلکاروں سے جھگڑتا اورگالم گلوچ کرتا نظر آرہا ہے۔سامنے آنے والی ویڈیو میں ملزم کو پولیس اہلکاروں سے جھگڑنے کے بعد گاڑی میں بیٹھ کر فرارہوتے بھی دیکھا جا سکتا ہے۔تھانہ آئی9 پولیس نے پولیس اہلکاروں سے جھگڑنے اور ہلڑ بازی کرنے والے ملزم کو گرفتار کرلیا ہے اور اس کی گاڑی بھی تھانے منتقل کر دی ہے۔
کراچی، نادرن بائی پاس پر پلاسٹک کے گودام میں آگ لگ گئی