چین، جاپان اور جنوبی کوریا کے تعاون سے مثبت نتائج حاصل ہوئے، چینی وزیر خارجہ
اشاعت کی تاریخ: 22nd, March 2025 GMT
چین، جاپان اور جنوبی کوریا کے تعاون سے مثبت نتائج حاصل ہوئے، چینی وزیر خارجہ WhatsAppFacebookTwitter 0 22 March, 2025 سب نیوز
بیجنگ : چین کے وزیر خارجہ وانگ ای نے ٹوکیو میں جاپانی وزیر خارجہ تاکیشی ایوایا اور جنوبی کوریا کے وزیر خارجہ چو ڈوئی یول کے ساتھ 11 ویں چین – جاپان – جنوبی کوریا وزرائے خارجہ کے اجلاس میں شرکت کی۔ہفتہ کے روزاس موقع پر وانگ ای نے کہا کہ سہ فریقی تعاون نے گزشتہ 20 سالوں میں مثبت نتائج حاصل کیے ہیں جس سے نہ صرف تینوں ممالک کے عوام اور ملکی ترقی میں پیش رفت ہوئی ہے بلکہ علاقائی استحکام اور معاشی انضمام کو بھی فروغ ملا ہے۔
حقائق نے ثابت کیا ہے کہ چین، جاپان اور جنوبی کوریا کے درمیان تعاون جتنا مضبوط ہوگا، تینوں ممالک کی خطرات کا مقابلہ کرنے کی صلاحیت اتنی ہی مضبوط ہوگی۔وانگ ای نے مزید کہا کہ اختلافات کے باوجود مل کر آگے بڑھنا عقلمندی کی علامت ہے۔ سہ فریقی تعاون کو مستحکم اور دور رس بنانے کے لیے ضروری ہے کہ دوطرفہ تعلقات باہمی طور پر مضبوط رہیں۔ خاص طور پر ایک دوسرے کے بنیادی مفادات کا احترام کرنے، تضادات اور اختلافات سے نمٹنے، تعاون کو گہرا کرنے اور عمدہ اور مستحکم دوطرفہ تعلقات کو برقرار رکھنے کی بنیاد پر تعلقات کی سطح کو بلند کرنے کی ضرورت ہے۔ چین جاپان اور جنوبی کوریا کے ساتھ مل کر کام کرنے کے لئے تیار ہے تاکہ اس تعاون کو مزید پختہ،مستحکم اور لچکدار بنایا جا سکے۔
وانگ ای نے کہا کہ ایشیا بحرالکاہل خطے کے اہم ممالک اور دنیا کی اہم معیشتوں کی حیثیت سے چین، جاپان اور جنوبی کوریا کو کھلی معیشت کی عمومی سمت کی پاسداری کرنی چاہیے، مشترکہ طور پر آزاد تجارت کے جھنڈے کو بلند رکھنا چاہیے، اصولوں پر مبنی کثیر الجہتی تجارتی نظام کو مضبوطی سے برقرار رکھنا چاہیے، ایک کھلا، جامع اور غیر امتیازی بین الاقوامی اقتصادی ماحول پیدا کرنا چاہیے اور معاشی گلوبلائزیشن کو فروغ دینا چاہیے۔
.ذریعہ: Daily Sub News
کلیدی لفظ: وانگ ای نے
پڑھیں:
غزہ کی پٹی میں انسانی امداد کے داخلے پر اسپین کی تاکید!
ہسپانوی وزیر خارجہ نے غزہ میں ناگفتہ بہ انسانی صورتحال پر خبردار کرتے ہوئے اعلان کیا ہے کہ اب غزہ میں جنگ ختم ہو جانی چاہیئے اور مقبوضہ فلسطین میں دو ریاستی حل کو نافذ کیا جائے! اسلام ٹائمز۔ ہسپانوی وزیر خارجہ ہوزے مینوئل الباریس بوینو (José Manuel Albares) نے غزہ کی پٹی میں انسانی صورتحال کے بارے سختی کے ساتھ خبردار کرتے ہوئے وہاں انسانی امداد کی فوری ترسیل پر تاکید کی ہے۔ اس حوالے سے سوشل میڈیا پر جاری ہونے والے اپنے بیان میں ہوزے مینوئل الباریس بینو نے لکھا کہ غزہ و مغربی کنارے میں قابض اسرائیلی فوج کی کارروائیوں سے وسیع ہلاکتوں کا سلسلہ جاری ہے، جس میں ہزاروں عام شہری، نہتی خواتین، کمسن بچے اور امدادی کارکن بھی شامل ہیں۔ ہسپانوی وزیر خارجہ نے لکھا کہ میں، غزہ کی پٹی میں "خوراک" و "ادویات" تک عمومی رسائی کا مطالبہ کرتا ہوں!! انہوں نے وضاحت کرتے ہوئے لکھا کہ اولین انسانی اصول کے مطابق؛ ہمیں جنگ غزہ کو فی الفور رکوانا اور فلسطینی میں دو ریاستی حل کو نافذ کرنا چاہییئے! اپنے بیان کے آخر میں ہسپانوی وزیر خارجہ نے تاکید کی کہ ہم تشدد کے آگے ہتھیار نہیں ڈالیں گے.. امن و امان ممکن ہے.. اور مستقل جنگ بندی اور یرغمالیوں (اسرائیلی قیدیوں کی رہائی) میں تاخیر نہیں کی جا سکتی!!
بابراعظم نے کراچی کنگز کو کیوں چھوڑا تھا؟ سابق کپتان نے راز سے پردہ اُٹھادیا