بریانی میں فروٹ چاٹ مکس کر کے کھاتی ہوں: حرا مانی
اشاعت کی تاریخ: 23rd, March 2025 GMT
پاکستانی شوبز انڈسٹری کی معروف اداکارہ حرا مانی نے بریانی میں فروٹ چاٹ ملا کر کھانے کا حیران کن انکشاف کیا ہے۔
نجی میگزین کو دیے گئے انٹرویو میں حرا مانی نے بتایا کہ وہ بریانی میں زردہ اور فروٹ چاٹ ملا کر کھاتی ہیں جس پر ان کے مداح حیران رہ گئے۔
اداکارہ کا کہنا ہے کہ مجھے میٹھا بہت پسند ہے، اس لیے میں بریانی میں زردہ بھی مکس کرلیتی ہوں اور فروٹ چاٹ بھی ڈال کر مزے سے کھاتی ہوں۔
حرا مانی نے مزید بتایا کہ ان کے شوہر سلمان ثاقب شیخ عرف مانی بھی ان کی اس انوکھی عادت پر حیران رہ جاتے ہیں۔
انہوں نے کہا کہ جب میں مانی کی طرف چمچہ بڑھاتی ہوں تو وہ کہتے ہیں یہ تم کیسے کر لیتی ہو؟ اور مجھے بھی کھانے کو کہتی ہو؟
انٹرویو کے دوران میزبان نے بھی حیرت کا اظہار کرتے ہوئے کہا کہ آپ کراچی سے ہیں، پھر بھی بریانی میں فروٹ چاٹ کیسے مکس کر لیتی ہیں؟
جس پر حرا مانی نے مسکراتے ہوئے جواب دیا کہ مجھے میٹھا بہت پسند ہے، اسی لیے میں ایسا کر لیتی ہوں۔
سوشل میڈیا پر حرا مانی کے اس انکشاف پر ملا جلا ردِعمل دیکھنے کو مل رہا ہے۔ کچھ لوگوں نے ان کے ذائقے کی تعریف کی، جبکہ کچھ نے حیرت اور مزاحیہ تبصرے کیے۔
ایک صارف نے طنزیہ لکھا کہ حرا مانی نے بریانی کے ساتھ جو کیا، وہی ہمارے دل کے ساتھ بھی کیا۔
ایک اور صارف نے لکھا کہ بریانی کے شوقین افراد کے لیے یہ انٹرویو دیکھنا تکلیف دہ ہوسکتا ہے۔
Post Views: 1.
ذریعہ
ذریعہ: Daily Mumtaz
کلیدی لفظ: بریانی میں
پڑھیں:
ڈالر کا ریٹ برقرار، دیگر غیرملکی کرنسیوں کے نئے نرخ جاری
کراچی: پاکستان کے اوپن مارکیٹ میں ڈالر کا ریٹ سمیت دیگر اہم غیرملکی کرنسیوں کے تازہ خرید و فروخت کے نرخ جاری کر دیے گئے ہیں، جن کے مطابق امریکی ڈالر کی قیمت میں معمولی استحکام دیکھا گیا ہے۔
کرنسی ڈیلرز کے مطابق امریکی ڈالر کی خریداری 278 روپے 85 پیسے جبکہ فروخت 278 روپے 95 پیسے میں ریکارڈ کی گئی۔
اسی طرح برطانوی پاؤنڈ کی خریداری 373 روپے 28 پیسے اور فروخت 377 روپے 95 پیسے رہی، جبکہ یورو کی خریداری 318 روپے 99 پیسے اور فروخت 322 روپے 68 پیسے پر ہوئی۔
خلیجی ممالک کی کرنسیوں میں سعودی ریال کی خریداری 74 روپے 69 پیسے اور فروخت 75 روپے 35 پیسے ریکارڈ کی گئی۔ اسی طرح متحدہ عرب امارات کے درہم کی خریداری 76 روپے 45 پیسے جبکہ فروخت 76 روپے 95 پیسے میں ہوئی۔
دوسری جانب چینی یوآن کی خریداری 38 روپے 17 پیسے جبکہ فروخت 38 روپے 92 پیسے ریکارڈ کی گئی۔
ماہرین کے مطابق عالمی مالیاتی منڈیوں میں اتار چڑھاؤ اور مقامی طلب و رسد کے باعث کرنسی مارکیٹ میں روزانہ کی بنیاد پر معمولی ردوبدل دیکھنے میں آتا ہے، جس کے باعث درآمد کنندگان، برآمد کنندگان اور بیرون ملک سفر کرنے والے افراد ان نرخوں پر گہری نظر رکھتے ہیں۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم