جنوبی وزیرستان اور ٹانک میں کرفیو نافذ کرنے کا نوٹیفکیشن جاری
اشاعت کی تاریخ: 24th, March 2025 GMT
جنوبی وزیرستان(نیوز ڈیسک)جنوبی وزیرستان اور ٹانک کے مختلف علاقوں میں سیکیورٹی خدشات کے پیش نظر ضلعی انتظامیہ نے کرفیو نافذ کرنے کا نوٹیفکیشن جاری کر دیا۔
جنوبی وزیرستان
جنوبی وزیرستان اپر کے مختلف مقامات پر کرفیو نافذ کرنے کا نوٹیفکیشن جاری کردیا گیا، جس کے مطابق سیکیورٹی خدشات کے پیش نظر ان راستوں پر کرفیو نافذ رہے گا۔
نوٹیفکیشن کے مطابق عزیز آباد چوک، سروکئی، جنڈولہ، آسمان منزہ، لدھا اور مکین سمیت متعدد راستے بند رہیں گے۔
اس کے علاوہ بی بی رغزئی، کوٹکئی براستہ جنڈولہ، مولے خان سرائے اور بروند سڑک بھی بند رہے گی جبکہ عوام کو متبادل راستوں کے استعمال اور حکام سے تعاون کی ہدایت کی گئی ہے۔
ٹانک
ٹانک میں بھی سیکیورٹی خدشات کے باعث مختلف علاقوں میں کرفیو نافذ رہے گا، سیکیورٹی فورسز کی درخواست پر ضلعی انتظامیہ نے کرفیو کا نوٹیفکیشن جاری کردیا۔
اعلامیے کے مطابق ڈبرہ بازار، کوڑ قلعہ، خرگی اور منزئی میں کل مکمل کرفیو ہوگا جبکہ کڑی وام اور جنڈولہ میں صبح 6 بجے سے شام 6 بجے تک مکمل کرفیو نافذ رہے گا، مسافروں کو متبادل راستے اختیار کرنے کی ہدایت کی گئی ہے۔
انتظامیہ کا کہنا ہے کہ عوام کی حفاظت کے پیش نظر یہ اقدامات کیے جا رہے ہیں اور سیکیورٹی صورتحال کے مطابق مزید فیصلے کیے جائیں گے۔
مزیدپڑھیں:آئی پی ایل: ممبئی انڈینز کیخلاف جیت کے بعد چنئی سپر کنگز پر بال ٹیمپرنگ اور میچ فکسنگ کے الزامات
ذریعہ: Daily Ausaf
کلیدی لفظ: کا نوٹیفکیشن جاری جنوبی وزیرستان کرفیو نافذ کے مطابق
پڑھیں:
پنجاب دفعہ 144 نافذ، جلسے اور ریلیاں ممنوع، لاؤڈ اسپیکر صرف اذان و خطبے کے لیے محدود
میڈیا رپورٹس کے مطابق پنجاب حکومت نے صوبے بھر میں دفعہ 144 کے نفاذ میں 7 روز کی توسیع کر دی ہے۔ اس دوران ہر قسم کے جلسے، جلوس، ریلیاں، احتجاج، دھرنے اور عوامی اجتماعات پر مکمل پابندی برقرار رہے گی۔
عوامی اجتماعات اور ہتھیاروں کی نمائش پر مکمل پابندیمحکمہ داخلہ پنجاب کے ترجمان کے مطابق، چار یا اس سے زائد افراد کے عوامی مقامات پر جمع ہونے پر مکمل پابندی ہوگی۔
اسی طرح اسلحے کی نمائش، لاؤڈ اسپیکر کے غیر ضروری استعمال، اور اشتعال انگیز یا فرقہ وارانہ مواد کی تقسیم پر بھی سختی سے پابندی عائد کر دی گئی ہے۔
استثنیٰ حاصل سرگرمیاںحکومتی نوٹیفکیشن کے مطابق، شادی کی تقریبات، جنازوں اور تدفین اس پابندی سے مستثنیٰ ہوں گی۔
علاوہ ازیں، سرکاری فرائض انجام دینے والے افسران و اہلکار اور عدالتی کارروائیاں بھی اس فیصلے کے دائرہ کار میں نہیں آئیں گی۔
فیصلے کی وجہ اور مدتترجمان کا کہنا ہے کہ دفعہ 144 میں توسیع کا فیصلہ امن و امان کے قیام اور انسانی جان و مال کے تحفظ کے پیش نظر کیا گیا ہے۔
نوٹیفکیشن کے مطابق یہ پابندی 8 نومبر تک نافذالعمل رہے گی، اور اس دوران لاؤڈ اسپیکر صرف اذان اور جمعے کے خطبے کے لیے استعمال کیے جا سکیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کراچی، نادرن بائی پاس پر پلاسٹک کے گودام میں آگ لگ گئی