کرایہ نہ دینے پر گھر خالی کروانے کا تنازع؛ نوجوان کو چوک میں لاکر قتل کردیا گیا
اشاعت کی تاریخ: 26th, March 2025 GMT
کرایہ اور بل ادا نہ کرنے پر گھر خالی کروانے کے تنازع میں ملزمان نے نوجوان کو چوک میں لاکر قتل کردیا۔
پولیس کے مطابق ساہیوال کے نواحی گاؤں 93 سکس آر میں کرایہ اور بل ادائیگی نہ کرنے کے تنازع کے دوران تھپڑ مارنے کی رنجش پر نوجوان کو سرعام خنجروں کے وار سے قتل کردیا گیا۔
واقعے کے بعد درج کیے گئے مقدمے کی ایف آئی آر کے مطابق نوجوان نوید اپنی حمام کی دکان پر بیٹھا تھا کہ سانول اور سجاول 5 ساتھیوں سمیت حملہ آور ہوگئے۔
ایف آئی آر کے مطابق ملزمان نے نوید کو دکان سے باہر چوک میں لاکر خنجروں کے متعدد وار کر کے قتل کر دیا۔ نوید نے ملزمان سے کرایہ اور بجلی کا بل نہ دینے پر مکان خالی کروایا تھا۔ گزشتہ روز نوید کرایہ اور بجلی کا بل لینے گیا اور وہاں نوید نے ایک کو تھپڑ مار دیے۔
پولیس کے مطابق تھپڑ کی رنجش پر نوجوان کو قتل کر دیا گیا، جس کی لاش کو پورسٹ مارٹم کے بعد پولیس نے ورثا کے حوالے کر دیا ہے۔ فرید ٹاؤن پولیس نے قتل کا مقدمہ 5 ملزمان کے خلاف درج کرکے ایک کو گرفتار کرلیا۔
.ذریعہ: Express News
کلیدی لفظ: کرایہ اور نوجوان کو کے مطابق قتل کر
پڑھیں:
کراچی، مددگار 15 کی بروقت کارروائی، 2 اسٹریٹ کرمنلز گرفتار، 19 موبائل فون برآمد
کراچی:شہر قائد کے علاقے گلستان جوہر میں مددگار 15 پولیس کی بروقت کارروائی سے دو اسٹریٹ کرمنلز گرفتار کر لیے گئے، جن کے قبضے سے 19 چھینے گئے موبائل فونز، ایک رکشہ اور دو پستول برآمد کر لیے گئے۔
ترجمان مددگار پولیس کے مطابق ملزمان نے شہر کے مختلف علاقوں سے موبائل فون چھینے تھے۔
تفصیلات کے مطابق نامعلوم ملزمان نے ایک شہری سے اس کا موبائل فون چھین کر فرار ہو گئے تھے، جس پر متاثرہ شخص نے مددگار 15 سے رابطہ کیا۔
اطلاع ملنے پر مددگار 15 فیروزآباد یونٹ نے فوری طور پر موقع پر پہنچ کر متاثرہ شہری سے ابتدائی معلومات حاصل کیں۔
پولیس ترجمان کے مطابق کالر کی نشاندہی پر موبائل فون کی لوکیشن ٹریس کی گئی، جو کہ گلستان جوہر کے قریب ایک ہوٹل کی ظاہر ہو رہی تھی۔
پولیس ٹیم نے فوری کارروائی کرتے ہوئے موقع پر چھاپہ مارا اور دو ملزمان کو گرفتار کر لیا۔
گرفتار ملزمان کے قبضے سے 19 مختلف کمپنیوں کے موبائل فونز، ایک رکشہ اور دو پستول برآمد کیے گئے۔
ابتدائی تفتیش کے دوران ملزمان نے اعتراف کیا ہے کہ انہوں نے یہ موبائل فونز شہر کے مختلف علاقوں میں اسٹریٹ کرائم کے دوران چھینے تھے۔
مددگار 15 پولیس کا کہنا ہے کہ گرفتار ملزمان سے مزید تفتیش جاری ہے اور ان کے دیگر ساتھیوں کی گرفتاری کے لیے چھاپے مارے جا رہے ہیں۔
ملکی تاریخ کا سب سے بڑا کرپشن اسکینڈل؟