پردیسیوں کا عید منانے کے لیے آبائی علاقوں کا رخ، لاری اڈے پر رش
اشاعت کی تاریخ: 30th, March 2025 GMT
باسم سلطان: عید الفطر کی آمد کے پیش نظر پردیسیوں کی بڑی تعداد نے اپنے آبائی علاقوں کا رخ کرنا شروع کر دیا ہے جس کے باعث لاہور کے مختلف لاری اڈوں پر رش دیکھنے کو مل رہا ہے۔
لاری اڈوں پر کرایہ نامے آویزاں کر دیے گئے ہیں جن کے مطابق لاہور سے مختلف شہروں کا کرایہ مقرر کیا گیا ہے۔ لاہور سے چکوال کا کرایہ 1690 روپے، ٹوبہ ٹیک سنگھ کا کرایہ 1060 روپے، ظفروال اور نارووال کا کرایہ 690 روپے، سیالکوٹ کا کرایہ 740 روپے، جھنگ کا کرایہ 1250 روپے، گجرات کا کرایہ 590 روپے، فیصل آباد کا کرایہ 700 روپے، ملتان کا کرایہ 2000 روپے، راجن پور کا کرایہ 3000 روپے اور پنڈی کا کرایہ 1600 روپے مقرر کیا گیا ہے۔
سٹی @ 10 ، 29 مارچ ،2025
ریجنل ٹرانسپورٹ اتھارٹی اور پنجاب ٹرانسپورٹ کمپنی کی ٹیمیں بھی لاری اڈوں پر متحرک ہیں تاکہ کسی بھی قسم کی شکایت اور غیر قانونی کرایوں سے بچا جا سکے۔ اسی طرح ایل ڈبلیو ایم سی کی ٹیموں نے سڑکوں کی دھلائی کا عمل بھی جاری رکھا ہے تاکہ عوام کو بہتر سہولت فراہم کی جا سکے۔
دوسری جانب آل پاکستان پبلک ٹرانسپورٹ اونر فیڈریشن نے عید سے قبل ٹول ٹیکس میں اضافے کو مسترد کر دیا ہے اور حکومت کو اضافہ واپس لینے کے لیے ڈیڈ لائن دے دی ہے۔
پھلوں اور سبزیوں کی آج کی ریٹ لسٹ -ہفتہ 29 مارچ, 2025
.ذریعہ: City 42
کلیدی لفظ: کا کرایہ
پڑھیں:
پاکستان اور سعودی عرب کے درمیان ٹرانسپورٹ، لاجسٹکس میں تعاون بڑھانے پر اتفاق
پاکستان اور سعودی عرب کے درمیان ٹرانسپورٹ اور لاجسٹکس کے شعبوں میں تعاون پر اتفاق کیا گیا ہے۔
تفصیلات کے مطابق وفاقی وزیر مواصلات عبدالعلیم خان اور سعودی وزیر ٹرانسپورٹ انجینئر صالح بن ناصر الجاسر کے درمیان ملاقات ہوئی جس میں عبدالعلیم خان کا کہنا تھا کہ پاکستان سعودی عرب کے ساتھ ٹرانسپورٹ اور لاجسٹکس کے شعبوں میں تعاون بڑھانا چاہتا ہے۔
وزیر مملکت کی انجینئر صالح بن ناصر الجاسر سے ملاقات کراچی میں پاکستان انٹرنیشنل میری ٹائم ایکسپو اینڈ کانفرنس کے موقع پر ہوئی۔
وفاقی وزیر مواصلات نے پاکستان میں سڑکوں کے نیٹ ورک اور سرمایہ کاری کے مواقع پر بریفنگ دی اور کہا کہ اسٹریٹجک میوچوئل ڈیفنس ایگریمنٹ (ایس اڈی ایم اے) سے دونوں ممالک کے تعلقات مزید مضبوط ہوئے ہیں۔
انہوں نے کہا ایم۔6، 10 اور 13 اور ایم این جے سی منصوبے سرمایہ کاری کیلئے پرکشش مواقع فراہم کرتے ہیں۔ مانسہرہ، ناران، جھال کنڈشاہراہ کا منصوبہ سیاحتی اعتبار سے ایک منافع بخش منصوبہ ہے۔ عبدالعلیم خان نے سعودی سرمایہ کاروں کو پاکستان کے بڑے منصوبوں میں سرمایہ کاری کی دعوت دی۔
دوسری جانب سعودی وزیر ٹرانسپورٹ نے عبدالعلیم خان کو سعودی عرب کے دورے کی دعوت دی اور کہا کہ بین الاقوامی میری ٹائم آرگنائزیشن کے انتخابات میں پاکستان سے حمایت کی توقع ہے۔
کراچی، نادرن بائی پاس پر پلاسٹک کے گودام میں آگ لگ گئی