عرب مسلم ممالک کی بن گوئر کے مسجد اقصیٰ پر حملے کی مذمت
اشاعت کی تاریخ: 2nd, April 2025 GMT
عالمی خبر رساں ادارے کے مطابق سعودی وزارت خارجہ نے اعلان کیا ہے کہ ہم مسجد اقصیٰ پر اسرائیلی وزیر داخلہ بین گوئر کے حملے کی مذمت کرتے ہیں، ہم ایک بار پھر اسرائیلیوں کی طرف سے مسجد اقصیٰ کے تقدس کی مسلسل خلاف ورزی کی مذمت کرتے ہیں۔ اسلام ٹائمز۔ مصر، سعودی عرب اور اردن سمیت مختلف ممالک کے حکام کے ساتھ ساتھ مزاحمتی رہنماؤں نے مسجد اقصیٰ پر داخلی سلامتی کے اسرائیلی وزیر اتمار بن گوئر کے حملے کی مذمت کی ہے۔ القدس نیوز نیٹ ورک کی رپورٹ کے مطابق مصری وزارت خارجہ نے کہا ہے کہ ہم مسجد اقصیٰ پر بن گویر کے حملے کی مذمت کرتے ہیں، جسے اسرائیلی پولیس نے سپورٹ کیا، اور ہم اسے ایک اشتعال انگیز عمل سمجھتے ہیں جو مسلمانوں کے جذبات کو مجروح کرتا ہے، اسرائیل کے انتہائی اقدامات بین الاقوامی قوانین کی صریح خلاف ورزی اور خطے میں عدم استحکام کا ایک بڑا عنصر ہیں۔
عالمی خبر رساں ادارے کے مطابق سعودی وزارت خارجہ نے اعلان کیا ہے کہ ہم مسجد اقصیٰ پر اسرائیلی وزیر داخلہ بین گوئر کے حملے کی مذمت کرتے ہیں، ہم ایک بار پھر اسرائیلیوں کی طرف سے مسجد اقصیٰ کے تقدس کی مسلسل خلاف ورزی کی مذمت کرتے ہیں، ہم جبالیہ میں UNRWA کی تنصیب پر اسرائیلی افواج کے حملے کی مذمت کرتے ہیں۔ القدس فیڈ ٹیلی گرام چینل نے مغربی کنارے میں بیت لحم میں الدحیشہ کیمپ میں فلسطینی نوجوانوں اور اسرائیلی فوجیوں کے درمیان شدید جھڑپوں کی اطلاع دی۔ ڈاکٹرز ودآؤٹ بارڈرز نے یہ بھی اعلان کیا کہ ہماری ٹیم سامان کی کمی کی وجہ سے الناصر ہسپتال کو خون کے تھیلے عطیہ کرنے کے قابل نہیں رہی۔
اردن کی وزارت خارجہ نے اعلان کیا ہے کہ ہم مسجد اقصیٰ پر بن گور کے حملے کی مذمت کرتے ہیں اور اسے ایک خطرناک اضافہ، اشتعال انگیز اور قابل مذمت سمجھتے ہیں۔ بی گویئر کا یہ اقدام مسجد اقصیٰ کے تقدس کی خلاف ورزی اور اس کی تاریخی اور قانونی حیثیت کو نظر انداز کرتا ہے، ہم اس بات پر زور دیتے ہیں کہ اسرائیل یروشلم میں اسلامی اور عیسائی مقدسات کی مسلسل خلاف ورزی کر کے اپنی اشتعال انگیز پالیسیوں اور کشیدگی میں اضافہ کر رہا ہے۔ مقبوضہ بیت المقدس اور اس کے اسلامی اور عیسائی مقدس مقامات پر اسرائیل کی کوئی حاکمیت نہیں ہے۔ الجزیرہ ٹی وی کی ایک فوری رپورٹ کے مطابق حماس نے کہا ہے کہ مسجد اقصیٰ پر بین گویر کا حملہ کشیدگی میں ایک خطرناک اضافہ ہے۔
ذریعہ: Islam Times
کلیدی لفظ: کے حملے کی مذمت کرتے ہیں ہے کہ ہم مسجد اقصی خلاف ورزی اعلان کیا کے مطابق گوئر کے
پڑھیں:
شبیر احمد شاہ کی درخواست ضمانت کی مخالفت کرنے پر این آئی اے کی مذمت
ڈی ایف پی ترجمان نے تمام کشمیری سیاسی قیدیوں کو مقبوضہ علاقے کی جیلوں میں منتقل کرنے کے مطالبے کو دہراتے ہوئے کہا کہ بھارتی حکومت کو قیدیوں کے بنیادی حق کا احترام کرنا چاہیے۔ اسلام ٹائمز۔ غیر قانونی طور پر بھارت کے زیر قبضہ جموں و کشمیر میں کل جماعتی حریت کانفرنس کی اکائی ڈیموکریٹک فریڈم پارٹی نے غیر قانونی طور پر نظربند پارٹی سربراہ شبیر احمد شاہ کی بگڑتی ہوئی صحت کے باوجود درخواست ضمانت کی مخالفت کرنے پر بھارتی تحقیقاتی ادارے ”این آئی اے” کی شدید مذمت کی ہے۔ ذرائع کے مطابق ڈی ایف پی کے ترجمان ایڈووکیٹ ارشد اقبال نے سرینگر سے جاری ایک بیان میں شبیر احمد شاہ کے خلاف این آئی اے کے مقدمے کو بے بنیاد اور سیاسی قرار دیا۔ انہوں نے کہا کہ این آئی اے عدالت میں کوئی ثبوت پیش کرنے میں ناکام رہنے کے بعد اب شبیر شاہ کی غیر قانونی نظربندی کو طول دینے کے لیے تاخیری ہتھکنڈے استعمال کر رہی ہے۔ ایڈووکیٹ اقبال نے شبیر احمد شاہ کی بگرتی ہوئی صحت کا حوالہ دیتے ہوئے کہا کہ بھارتی عدلیہ انصاف کی فراہمی کے بجائے سیاسی دبائو کے تحت کام کر رہی ہے۔
انہوں نے کہا کہ شبیر احمد شاہ 1968ء سے جھوٹے الزامات کا سامنا کر رہے ہیں اور دہلی کی تہاڑ جیل میں آٹھ سال گزرنے کے بعد بھی کوئی عدالت ان کے خلاف الزامات کو ثابت نہیں کر سکی ہے۔ انہوں نے کہا کہ کشمیری سیاسی قیدیوں کو غیر قانونی طور پر نظربند رکھنے کے لیے جان بوجھ کر ضمانت سے انکار کیا جا رہا ہے۔ انہوں نے کہا کہ شبیر احمد شاہ اور دیگر حریت رہنمائوں کو صرف ان کی پرامن سیاسی جدوجہد اور کشمیری عوام کے لئے حق خودارادیت کا مطالبہ کرنے پر سزا دی جا رہی ہے۔ ایڈوکیٹ اقبال نے عدالت میں حقائق کو مسخ کرنے پر بھارتی سالیسٹر جنرل تشار مہتا کی مذمت کرتے ہوئے کہا کہ شبیر احمد شاہ نے اپنے سیاسی نظریے کی وجہ سے آدھی سے زیادہ زندگی سلاخوں کے پیچھے گزاری ہے۔
انہوں نے انسانی حقوق کی بین الاقوامی تنظیموں پر زور دیا کہ وہ شبیر شاہ کی بگڑتی ہوئی صحت کا فوری نوٹس لیں جو کئی دائمی عارضوں میں مبتلا ہیں۔ انہیں خصوصی طبی امداد کی ضرورت ہے جو جیل میں دستیاب نہیں ہے۔ ڈی ایف پی ترجمان نے تمام کشمیری سیاسی قیدیوں کو مقبوضہ علاقے کی جیلوں میں منتقل کرنے کے مطالبے کو دہراتے ہوئے کہا کہ بھارتی حکومت کو قیدیوں کے بنیادی حق کا احترام کرنا چاہیے اور بین الاقوامی قوانین کے مطابق ان کے مناسب علاج کو یقینی بنانا چاہیے۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف