دریائے سندھ سے نہریں نکالنے کا مسئلہ حل ہونا چاہیے: چوہدری شافع حسین
اشاعت کی تاریخ: 3rd, April 2025 GMT
صوبائی وزیرِ صنعت و تجارت چوہدری شافع حسین ــــ فائل فوٹو
وزیرِ صنعت و تجارت پنجاب چوہدری شافع حسین کا کہنا ہے کہ دریائے سندھ سے نہریں نکالنے کا مسئلہ حل ہونا چاہیے۔
ظہور پیلس گجرات میں میڈیا سے گفتگو کرتے ہوئے شافع حسین نے کہا کہ اسپیکر پنجاب اسمبلی نےاس مسئلے کےحل کے لیے ان کیمرہ اجلاس کی تجویز دی ہے، اُمید ہےکہ یہ مسئلہ جلد حل کر لیا جائے گا، جب تک کالا باغ ڈیم پر اتفاقِ رائے نہیں ہوتا، نہروں پر چھوٹے ڈیم بنانے چاہئیں، چھوٹے ڈیمز سے 30 میگا واٹ تک بجلی بھی حاصل کی جا سکتی ہے۔
انہوں نے کہا کہ وفاقی حکومت دہشت گردی کے ناسور سے نمٹنے کے لیے سخت اقدامات کر رہی ہے، ہمسایہ ممالک گوادر کی ترقی نہیں چاہتے، اس لیے بلوچستان میں دہشت گردی کے واقعات میں اضافہ دیکھنے میں آ رہا ہے۔
صوبائی وزیرِ صنعت و تجارت چوہدری شافع حسین کا کہنا ہے کہ پنجاب میں غیر ملکی سرمایہ کاروں کو بہترین سہولتیں دی جارہی ہیں۔
شافع حسین نے کہا کہ بلوچستان میں امن کے لیے چوہدری شجاعت ماضی کی طرح اب بھی کردار ادا کر سکتے ہیں جبکہ دہشت گردی کے خاتمے کے لیے ہمسایہ ممالک کے ساتھ بیٹھ کر بات کی جانی چاہیے۔
ان کا کہنا ہے کہ بے گناہ شہریوں اور سیکیورٹی فورسز کے اہلکاروں کو شہید کرنے والوں کا اسلام سے کوئی تعلق نہیں، سیاستدانوں کو اپنی جماعتوں سے بالاتر ہو کر ملک کے لیے سوچنا ہو گا۔
.ذریعہ: Jang News
کلیدی لفظ: چوہدری شافع حسین کے لیے
پڑھیں:
سہیل آفریدی کو وزیراعلیٰ بننے پر مبارکباد، مل کر دہشت گردی کا مقابلہ کریں گے،وزیراعظم
data-id="863a0a8" data-element_type="widget" data-widget_type="theme-post-content.default">
چترال (صباح نیوز) وزیر اعظم محمد شہباز شریف نے ملکی ترقی، عوام کی خوشحالی، دہشت گردی و بدامنی کے خاتمے کے لیے سب کو ساتھ مل کر چلنے کی دعوت دیتے ہوئے کہا ہے کہ خیبر پختونخوا کے عوام نے پاکستان کے لیے جو قربانیاں دیں وہ فراموش نہیں کی جا سکتیں‘ نوجوانوں کو علم و ہنر سے آراستہ کرکے ملکی ترقی کے لیے بروئے کار لائیں گے، چترال میں دانش اسکول وفاقی حکومت کا تحفہ ہے، گیس پلانٹ فی الفور نصب کیا جائے گا‘ اپر چترال میں اسپتال قائم اور بجلی کے ٹیرف کا معاملہ حل کیا جائے گا۔ وہ جمعے کو دانش اسکول کا سنگ بنیاد رکھنے کی تقریب سے خطاب کر رہے تھے ۔ وزیر اعظم نے کہا کہ انہوں نے سہیل آفریدی کو وزیراعلیٰ خیبرپختونخوا منتخب ہونے پر فون کرکے مبارکباد دی، انہیں پیشکش کی کہ مل کر ترقی ، خوشحالی ، بدامنی و دہشت گردی کے خاتمے کے لیے کام کریں، وفاق ان سے مکمل تعاون کرے گا۔ وزیر اعظم نے اس توقع کا اظہار کیا کہ وزیر اعلیٰ ان کی پیشکش قبول کریں گے۔ وزیر اعظم نے کہا کہ پاکستان قدرتی وسائل اور نوجوان افرادی قوت کی صورت میں قیمتی سرمائے سے مالامال ہے انہیں تعلیم و ہنر فراہم کرکے ملکی ترقی و خوشحالی کے لیے بروئے کار لائیں گے ۔ وزیر اعظم نے کہا کہ مئی میں4 روز کی جنگ میں پاکستان نے بھارت کو شکست فاش سے دوچار کیا۔ انہوں نے افواج پاکستان کی بہادری اور مہارت کو سلام پیش کرتے ہوئے کہا کہ فیلڈ مارشل سید عاصم منیر کی قیادت میں مسلح افواج نے اپنی صلاحیتوں کا ایسا لوہا منوایا کہ آج دنیا اس کی معترف ہے، امریکی صدر ڈونلڈ ٹرمپ نے جنگ روکنے میں کلیدی کردار ادا کیا، امن کے لیے ان کا کردار تاریخ میں یاد رکھا جائے گا ، جنگ بندی نہ ہوتی تو بہت جانی نقصان ہوتا۔ وزیراعظم نے اپر چترال کیلئے وفاق کی طرف سے یونیورسٹی کے قیام کا بھی اعلان کیا۔ قبل ازیں وزیر اعظم نے تختی کی نقاب کشائی کرکے چترال میں دانش سکول کے قیام کا سنگ بنیاد رکھا۔
اشتہار