عالمی انڈر 23 اسکواش چیمپین شپ، فائنل مقابلے جمعرات کو ہوں گے
اشاعت کی تاریخ: 10th, April 2025 GMT
پہلی عالمی انڈر 23 اسکواش چیمپین شپ کا فائنل پاکستان کے سیڈ2 نور زمان اور سیڈ 3 مصر کے کریم الترکی کے درمیان کھیلا جائے گا۔ ویمنز ایونٹ کے فائنل میں ٹاپ سیڈ مصر کی فیروزہ ابولخیر کو سیڈ4 ہانگ کانگ کی چان سن یو کا سامنا ہوگا۔
تفصیلات کے مطابق ڈی اے کریک کلب پر جاری 60 ہزار ڈالرز مالیت کی انعامی رقم کی چیمپئن شپ میں بدھ کو سیمی فائنلز کا فیصلہ ہوگیا۔
پہلے سیمی فائنل میں نورزمان نے ملائشیا کے امیش نیرج چندرن کو شکست دی،نورزمان نے پہلے دونوں گیمز میں6-11 اور 2-11 سے کامیابی پائی۔
تیسرے گیم میں نور زماں کو4-6 کی سبقت حاصل تھی کہ ان کے حریف ریٹائرڈ ہرٹ کی بنیاد پر کھیل سے دستبردار ہو گئے۔
دوسرے سیمی فائنل میں مصری کھلاڑی کریم الترکی نے حیرت انگیز طور پر اپنے ہموطن ٹاپ سیڈ ابراہیم الکیانی کو 1-3 سے اپ سیٹ شکست دےدی۔
ویمن ایونٹ کے سیمی فائنل میں فیروزہ نے سیڈ ملاشیا کی آئرہ اذمان کو 1-3 اور چان سن یو نے ملائشیا ہی کی زن ینگ ہی کو سخت مقابلے کے بعد 2-3 سے مات دی، فائنلز جمعرات کو کھیلے جائیں گے۔
.ذریعہ: Express News
کلیدی لفظ: سیمی فائنل فائنل میں
پڑھیں:
ویمنز ورلڈ کپ: بھارت نے آسٹریلیا کو شکست دیکر فائنل میں جگہ بنالی
آئی سی سی ویمنز ورلڈ کپ کے دوسرے سیمی فائنل میں بھارت نے آسٹریلیا کو 5 وکٹوں سے شکست دے کر فائنل کے لیے کوالیفائی کر لیا۔
ممبئی کے ڈی وائی پاٹل اسٹیڈیم میں کھیلے گئے میچ میں بھارت نے 339 رنز کا ہدف 49 ویں اوور میں 5 وکٹوں کے نقصان پر حاصل کیا۔
بھارت کی جانب سے جمائما روڈریگیز 127 رنز ناٹ آؤٹ بنا کر نمایاں رہیں۔ کپتان ہرمن پریت کور 89، رچا گھوش 26، دیپتی شرما 24، سمرتی مندھانا 24 اور شفالی ورما 10 رنز بنا کر آؤٹ ہوئیں۔
امنجوت کور 15 رنز بنا کر ناٹ آؤٹ پویلین لوٹیں۔
آسٹریلیا کی جانب سے کِم گراتھ اور اینابیل سدرلینڈ نے 2، 2 وکٹیں حاصل کیں۔
اس سے قبل ٹاس جیت کر پہلے بیٹنگ کرتے ہوئے آسٹریلیا کی ٹیم 49.5 اوورز میں 338 رنز بنا کر آؤٹ ہوگئی۔
کینگروز کی جانب سے فیبی لِچ فیلڈ 119 رنز بنا کرنمایاں رہیں۔ ایلیس پیری 77، ایشلی گارڈنر 63، بیتھ مونے 24، کم گارتھ 17، ٹاہلیا مک گرا 12، کپتان ایلیسا ہیلی 5، ایلانا کنگ 4، اینابیل سدرلینڈ 3 اور سوفی مولینکس 0 کے انفرادی اسکور پر آؤٹ ہوئیں۔
بھارت کی جانب سے شری چرانی اور دیپتی شرما نے 2، 2 جبکہ امنجوت کور، رادھا یادو اور کرانتی گود نے 1، 1 کھلاڑی کو آؤٹ کیا۔
دو نومبر کو ہونے والے فائنل میں بھارت کا مقابلہ جنوبی افریقا کے ساتھ ہوگا۔
وزیر اعظم شہباز شریف سعودی عرب کے 3 روزہ دورے پر ریاض پہنچ گئے